ସାନ ଫ୍ରାନ୍ସିସ୍କୋ: ଭର୍ଚ୍ଚୁଆଲ ରିଆଲିଟି(ଭିଆର) ଷ୍ଟୁଡିଓ ‘ରେଡି ଆଟ ଡନ’ର ଅଧିଗ୍ରହଣ ନେଇଛି ଫେସବୁକ । ଲୋନ ଇକୋ ଗେମ୍ସର ସଫଳତା ପଛରେ ଥିବା ଡେଭେଲପର୍ସମାନେ ଏବେ ଫେସବୁକ ଅଧିନକୁ ଆସଥିବା ଜଣା ପଡିଛି । ମଙ୍ଗଳବାର ଏନେଇ କମ୍ପାନୀ ଘୋଷଣା କରିଛି । 2003ରେ ନଟି ଡଗ୍ର ପୂର୍ବତନ ସଦସ୍ୟଙ୍କ ଦ୍ବାରା ପ୍ରତିଷ୍ଠା ହୋଇଥିବା ରେଡି ଆଟ ଡନ ପ୍ରତିଷ୍ଠାର ଦୀର୍ଘ ସମୟ ପର୍ଯ୍ୟନ୍ତ ସୋନି ସହ ଯୋଡି ହୋଇ ରହିଥିଲା ।
2017 ମସିହାରେ ଏହା ଫେସବୁକର ଓକ୍ୟୁଲସ ଷ୍ଟୁଡିଓ ସହ ହାତ ମିଶଆଇଥିଲା । ତେବେ ପ୍ରାୟ 17 ବର୍ଷ ତଳେ ଏକ ଗେମ ଷ୍ଟୁଡିଓ ପ୍ରସ୍ତୁତିର ଲକ୍ଷ୍ୟ ନେଇ ଆରମ୍ଭ ହୋଇଥିବା ଏହି ଷ୍ଟୁଡିଓ ୟୁଜର୍ସଙ୍କୁ ଅନେକ ଭଲ ଅନୁଭୂତି ଓ ଗେମିଂ ପାଇଁ ନୂଆ ଓ ବିକଶିତ ପ୍ଲାଟଫର୍ମ ଯୋଗାଇଥିବା ପ୍ରକାଶ କରିଛନ୍ତି ରେଡି ଆଟ ଡନର ସିଇଓ ରୁ ୱିରାସୁରିୟା । ତେବେ ଫେସବୁକ ସହ ଶେଷରେ ମିଶିଥିବାରୁ ଏହାକୁ ଏକ ସ୍ବର୍ଣ୍ଣିମ ସୁଯୋଗ ବୋଲି ରୁ ପ୍ରକାଶ କରିଛନ୍ତି ।