ବିଦେଶରେ ଅଟକ 22 ହଜାର ଆମେରିକୀୟ ହେବେ ଉଦ୍ଧାର

କୋରୋନା ମହାମାରୀର ପ୍ରକୋପରେ ଯିଏ ଯେଉଁଠି ଥିଲେ ସେଇଠି ବନ୍ଦୀ ପାଲଟିଛନ୍ତି । ଏନେଇ ନିଜ ଦେଶବାସୀଙ୍କୁ ଫେରାଇ ଆଣିବା ପାଇଁ କଡା ପଦକ୍ଷେପ ନେବା ପାଇଁ ଘୋଷଣା କରିଛି ଆମେରିକା । ଅଧିକ ପଢ଼ନ୍ତୁ...

ୱାଶିଂଟନ: କୋରୋନା ମହାମାରୀର ପ୍ରକୋପରେ ଯିଏ ଯେଉଁଠି ଥିଲେ ସେଇଠି ବନ୍ଦୀ ପାଲଟିଛନ୍ତି । କିଏ ଚାକିରି ପାଇଁ ଦେଶ ଛାଡି ବାହାରେ ରହିଥିବା ବେଳେ କିଏ ପାଠ ପଢିବା ପାଇଁ ଘର ଛାଡି ବାହାରେ ରହୁଥିଲା । ହେଲେ କୋରୋନା ବିତ୍ପାତ୍ତ ପାଇଁ ଏବେ ଘରକୁ ଫେରିନପାରି ଅନେକ ଲୋକେ ଅଟକ ରହିଯାଇଛନ୍ତି । ଏନେଇ ନିଜ ଦେଶବାସୀଙ୍କୁ ଫେରାଇ ଆଣିବା ପାଇଁ କଡା ପଦକ୍ଷେପ ନେବା ପାଇଁ ଘୋଷଣା କରିଛି ଆମେରିକା ।

ବିଦେଶରେ ଅଟକ ପ୍ରାୟ 22 ହଜାର ଆମେରିକୀୟ ନାଗରିକଙ୍କୁ ଏୟାର ଲିଫ୍ଟ ଜରିଆରେ ଘରକୁ ଫେରାଇ ଆଣିବାର ନିଷ୍ପତ୍ତି ନେଇଛନ୍ତି ଟ୍ରମ୍ପ ସରକାର । ବର୍ତ୍ତମାନ ସୁଦ୍ଧା 60 ଦେଶରୁ 400 ବିମାନ ଯୋଗେ ପ୍ରାୟ 37 ହଜାର ଆମେରିକୀୟ ନାଗରିକଙ୍କୁ ଉଦ୍ଧାର କରିସାରିଛି ଆମେରିକା । ଏବେ ମୁଖ୍ୟତଃ ଦକ୍ଷିଣ ଏସିଆ ତଥା ଭାରତରେ ଅଟକ ଅନ୍ୟ 22 ହଜାର ନାଗରିକଙ୍କୁ ଫେରାଇ ଆଣିବାକୁ ଉଦ୍ୟମ ହେବ ବୋଲି ସ୍ପଷ୍ଟ କରିଛନ୍ତି କନସ୍ୟୁଲାର ଆଫାୟାର ପ୍ରମୁଖ ଉପ ସଚିବ ଇଆନ ବ୍ରାଉନଲି ।

ସେ ଏହା ମଧ୍ୟ କହିଛନ୍ତି କି ଆଗାମୀ ଦିନରେ ଆହୁରି 70ଟି ବିମାନର ସୂଚୀ ପ୍ରସ୍ତୁତ କରାଯାଇଛି ଯାହା ବିଦେଶରେ ଅଟକ 22 ହଜାର ଆମେରିକୀୟଙ୍କୁ ଫେରାଇ ଆଣିବ ।