ଟରୋଣ୍ଟୋ: କୋରୋନା ମୁକାବିଲାରେ ସାଧାରଣ ନାଗରିକଙ୍କୁ ଅଭିବାଦନ କରିବାକୁ ଯାଇ କାନାଡାର ବାୟୁସେନା ବିମାନ ଦୁର୍ଘଟଣାଗ୍ରସ୍ତ । ରବିବାର ବ୍ରିଟିଶ କଲମ୍ବିଆରେ କାନାଡାର ସ୍ନୋବର୍ଡସର ବାୟୁସେନାର ଏକ ଜେଟ୍ ଦୁର୍ଘଟଣାଗ୍ରସ୍ତ ହୋଇଛି। ଦୁର୍ଘଟଣାରେ ଜଣେ ପାଇଲଟଙ୍କ ମୃତ୍ୟୁ ହୋଇଥିବାବେଳେ ଅନ୍ୟ ଏକ ପାଇଲଟ ଗୁରୁତର ଭାବେ ହସ୍ପିଟାଲରେ ଭର୍ତ୍ତି ହୋଇଛନ୍ତି । ଏନେଇ ସେନା ପକ୍ଷରୁ ସୂଚନା ଦିଆଯାଇଛି ।
ସ୍ଥାନୀୟ ଗଣମାଧ୍ୟମ ଅନୁସାରେ, ରବିବାର ଅପରାହ୍ନ ସମୟରେ ଏହି ବିମାନଟି କାମଲୁପ୍ସ ନିକଟରୁ ଉଡାଣ ଭରିଥିଲା । ଉଡାଣ ଭରିବାର କିଛି ସମୟ ପରେ ଏକ ଘର ଉପରେ ବିମାନଟି ଦୁର୍ଘଟଣାଗ୍ରସ୍ତ ହୋଇଥିଲା । ପ୍ରାଦେଶିକ ସ୍ୱାସ୍ଥ୍ୟମନ୍ତ୍ରୀ ଆଡ୍ରିଆନ୍ ଡିକ୍ସ ଟ୍ୱିଟ୍ କରି କହିଛନ୍ତି, ଦୁର୍ଘଟଣାରେ ଜଣେ ବ୍ୟକ୍ତିଙ୍କୁ ଗୁରୁତର ଅବସ୍ଥାରେ ହସ୍ପଟାଲରେ ଭର୍ତ୍ତି କରାଯାଇଛି ।