ୱାଶିଂଟନ: ଚୀନ ଆପ୍ଷ୍ଟୋରରୁ ପୋଡକାଷ୍ଟ ଆପ୍କୁ ହଟାଇଛି ଆପଲ । ଉଭୟ ଆଇଓଏସ ଓ ଆଣ୍ଡ୍ରେଏଡ କ୍ଲାଏଣ୍ଟଙ୍କ ପାଇଁ ପୋଡକାଷ୍ଟ ଆପ୍ ପକେଟ କାଷ୍ଟକୁ ଆପ୍ ଷ୍ଟୋରରୁ ହଟାଇଛି କମ୍ପାନୀ । ସରକାରୀ ଚାପ ଯୋଗୁଁ କମ୍ପାନୀ ଏହି ନିଷ୍ପତ୍ତି ନେଇଥିବା ସ୍ପଷ୍ଟ କରିଛି ।
ଚୀନର ସାଇବର ସ୍ପେସ ପ୍ରଶାସନର ସୂଚନା ମୁତାବକ ଏହି ଆପ୍ର ବ୍ୟବହାରରେ ଦେଶରେ ବେଆଇନ ଘୋଷିତ ହୋଇଥିବା ଅନେକ ତଥ୍ୟକୁ ଆକ୍ସେସ କରିହେବ । ତେଣୁ ଏହି ଆପ୍କୁ ଆପ୍ ଷ୍ଟୋରରୁ ତୁରନ୍ତ ହଟାଇବା ପାଇଁ କମ୍ପାନୀକୁ ସରକାର ନିର୍ଦ୍ଦେଶ ଦେଇଥିଲେ । ତେବେ ଚଳିତ ମାସ ଚୀନ ଆପ୍ ଷ୍ଟୋରରୁ ହଟିଥିବା ଏହେଉଛି ଦ୍ବିତୀୟ ବୃହତ୍ତମ ପୋଡକାଷ୍ଟ ଆପ୍ ।