ୱାଶିଂଟନ: ଆମେରିକାରେ ତାଣ୍ଡବ ରଚୁଛି ମହାମାରୀ । ପ୍ରତ୍ୟେକ ଦିନ ଗଡୁଛି ହଜାର ହଜାର ମୁଣ୍ଡ । ସେପଟେ ନ୍ୟୁୟର୍କରେ ସ୍ଥିତି ସଙ୍ଗୀନ ହଇପଡିଥିବାବେଳେ ଲୋକଙ୍କ ସେବାରେ ଅହରହ ନିୟୋଜିତ ଥିବା ମେଡିକାଲ ଷ୍ଟାଫ ଓ ଅନ୍ୟାନ୍ୟ ଜରୁରୀ କର୍ମୀଙ୍କୁ ଆମେରିକାର ମିଲିଟାରୀ ଫ୍ଲାଇଟ୍ ସ୍କାଡ୍ରନ୍ ସମ୍ମାନ ଜଣାଇଛି ।
ବାୟୁସେନାର ଥଣ୍ଡରବର୍ଡ ଏବଂ ନୌସେନାର ବ୍ଲୁ ଏଞ୍ଜେଲ୍ସର 12 ଟି ଯୁଦ୍ଧ ବିମାନ ବିଗ୍ ଆପଲ୍ ଉପରେ ନୀଳ ଆକାଶରେ ବିସ୍ତୃତ ହୋଇ ମଧ୍ୟାହ୍ନ ପରେ ଏକ ସାଲ୍ୟୁଟ କରିଥିବାରୁ ଦେଖିବାକୁ ମିଳିଥିଲା । ବହୁ ସଂଖ୍ୟାରେ ଲୋକ ଏକତ୍ରିତ ହୋଇ ଏହାକୁ ଦେଖିଥିଲେ । ଯେତବେଳେ କି ତାଙ୍କ ମଧ୍ୟରେ ସାମାଜିକ ଦୂରତା ଉଲ୍ଲଙ୍ଘନ ହୋଇଥିବା ଦେଖିବାକୁ ମିଳିଥିଲା ।
ବିମାନଗୁଡ଼ିକ ନ୍ୟୁୟର୍କ ଏବଂ ନ୍ୟୁଜର୍ସୀରେ 40 ମିନିଟ ପର୍ଯ୍ୟନ୍ତ ଘେରି ରହିଥିଲେ, ଏବଂ ସେଠାରେ ଫ୍ଲାଏ ଓଭର ପାଇଁ ଫିଲାଡେଲଫିଆକୁ ଉଡ଼ିବା ପୂର୍ବରୁ ନ୍ୟୁ ଜର୍ସିର ଟ୍ରେଣ୍ଟନ ଅଭିମୁଖେ ଯାତ୍ରା କରିଥିଲେ। ତେବେ ଏହି ପରିପ୍ରେକ୍ଷୀରେ ବ୍ଲୁ ଏଞ୍ଜେଲସ୍ କମାଣ୍ଡର ବ୍ରାଏନ୍ କେସେଲରିଙ୍ଗ ସୋ କହିଛନ୍ତି ଯେ, କୋଭିଡ-19 ପ୍ରତିକ୍ରିୟାର ଫ୍ରଣ୍ଟଲାଇନରେ କାର୍ଯ୍ୟ କରୁଥିବା ଲୋକଙ୍କୁ ନମସ୍କାର କରିବାର ସୁଯୋଗ ପାଇ ଆମେ ଅତ୍ୟନ୍ତ ଗୌରବାନ୍ୱିତ ।
ନ୍ୟୁୟର୍କର ୟୁନିଭରସିଟି ହସପିଟାଲର ସଭାପତି ତଥା ସିଇଓ ଶେରିଫ ଏଲନାହଲ ଟ୍ୱିଟ କରି କହିଛନ୍ତି ଯେ ଏହା ପୃଥିବୀର ସର୍ବୋତ୍ତମ ପାଇଲଟଙ୍କ ଠାରୁ କୃତଜ୍ଞତା ଏବଂ ଦେଶପ୍ରେମର ଏକ ଚମତ୍କାର ପ୍ରଦର୍ଶନ ଥିଲା । ସେଥିପାଇଁ ତାଙ୍କୁ ସେ ଧନ୍ୟବାଦ ଜଣାଇଛନ୍ତି । ତେବେ ଏବେ ସୁଦ୍ଧା ନ୍ୟୁୟର୍କରେ କୋଭିଡ-19 ରେ 17,000 ରୁ ଅଧିକ ଲୋକଙ୍କର ମୃତ୍ୟୁ ହୋଇସାରିଲାଣି ।
