ୱାଶିଂଟନ: ଦୁନିଆର ସବୁଠାରୁ ଶକ୍ତିଶାଳୀ ଦେଶ ଆମେରିକାରେ କୋରୋନା ମହାମାରୀ ଭୟଙ୍କର ରୂପ ଧାରଣ କରିଛି। ଦେଶରେ ପ୍ରତିଦିନ ବିଶ୍ବର ସର୍ବାଧିକ ସଂଖ୍ୟକ ମାମଲା ରୁଜୁ ହେଉଛି। ଜନ ହପକିନ୍ସ ୟୁନିଭର୍ସିଟି ମୁତାବକ, ଗତ 24 ଘଣ୍ଟା ମଧ୍ୟରେ, 49 ହଜାର 666ଟି ନୂଆ ସଂକ୍ରମଣ ମାମଲା ରିପୋର୍ଟ ହୋଇଛି । 360 ଜଣଙ୍କର ମୃତ୍ୟୁ ହୋଇଛି । ଯଦିଓ ଆମେରିକାରେ ମୃତ୍ୟୁ ସଂଖ୍ୟା ହ୍ରାସ ପାଇଛି। କିନ୍ତୁ ଦିନକୁ ଦିନ ସଂକ୍ରମଣ ସଂଖ୍ୟା ବୃଦ୍ଧି ପାଇବାରେ ଲାଗିଛି ।
ତେବେ ମଙ୍ଗଳବାର ସକାଳ ସୁଦ୍ଧା ଆମେରିକାରେ କୋରୋନା ସଂକ୍ରମିତଙ୍କ ସଂଖ୍ୟା 29 ଲକ୍ଷ 38 ହଜାର 624କୁ ବୃଦ୍ଧି ପାଇଛି । ଏଥିରେ ସମୁଦାୟ 1 ଲକ୍ଷ 30 ହଜାର 306 ଜଣଙ୍କର ମୃତ୍ୟୁ ହୋଇଛି। ତେବେ 13 ଲକ୍ଷ 10 ହଜାର ଲୋକ ମଧ୍ୟ ସୁସ୍ଥ ହୋଇଛନ୍ତି, ଯାହା ମୋଟ ସଂକ୍ରମିତ ଲୋକଙ୍କ ମଧ୍ୟରୁ 43 ପ୍ରତିଶତ ଅଟେ।