ଖାର୍ତୁମ: ସୁଦାନରେ ଥିବା ଏକ ସୁନାଖଣିରେ ଭୂସ୍ଖଳନ ଘଟି ୩୮ ଜଣଙ୍କ ମୃତ୍ୟୁ ଖବର ସାମ୍ନାକୁ ଆସିଛି । ସୁଦାନର ରାଜଧାନୀ ଖାର୍ତୁମରୁ ପ୍ରାୟ ୭ ଶହ କି.ମି ଦୂରରେ ଥିବା ଫୁଜା ନାମକ ଏକ ଗ୍ରାମ ନିକଟରେ ଥିବା ଏହି ସୁନା ଖଣିରେ ମାଟି ଅତଡା ଧସିବାରୁ ସେଥିରେ ଚାପି ହୋଇ ୩୮ ଜଣ ପ୍ରାଣ ହରାଇଥିବା ସୁଦାନ ସରକାର ସୂଚନା ଦେଇଛନ୍ତି । ଏହି ଖଣି ସୁଦାନ ସରକାରଙ୍କ ନିୟନ୍ତ୍ରଣରେ ରହିଥିଲା ।
ଏହି ଅଘଟଣରେ ୩୮ ଜଣଙ୍କ ମୃତ୍ୟୁ ହୋଇଥିବାବେଳେ ଅନେକ ଆହତ ହୋଇଥିବା ନେଇ ସନ୍ଦେହ ପ୍ରକାଶ ପାଇଥିବାବେଳେ ଆହତଙ୍କ ସମ୍ପର୍କରେ ସରକାରୀ ଭାବେ କିଛି ତଥ୍ୟ ମିଳିପାରିନାହିଁ । ଦୁର୍ଘଟଣା ଘଟିବା ପରେ ଘଟଣାସ୍ଥଳର କିଛି ଫଟୋ ମଧ୍ୟ ଭାଇରାଲ ହେବାରେ ଲାଗିଛି । କିଛି ସ୍ଥାନୀୟ ବ୍ୟକ୍ତି ମାଟି ଅତଡା ତଳୁ ମୃତାହତଙ୍କୁ ଉଦ୍ଧାର କରିବା ପାଇଁ ପ୍ରୟାସ କରୁଥିବା ମଧ୍ୟ ଏହି ଭାଇରାଲ ପୋଷ୍ଟରେ ଦେଖିବାକୁ ମିଳିଛି । କିଛି ଆହତଙ୍କୁ ଉଦ୍ଧାର କରାଯାଇ ସ୍ଥାନୀୟ ହସ୍ପିଟାଲରେ ଭର୍ତ୍ତି କରାଯାଇଥିବାବେଳେ ସେମାନଙ୍କ ସଂଖ୍ୟା ସମ୍ପର୍କରେ କିଛି ତଥ୍ୟ ମିଳିପାରିନାହିଁ ।