ନୂଆଦିଲ୍ଲୀ:ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ସାକ୍ଷାତ କଲେ ପୂର୍ବତନ କେନିଆ ପ୍ରଧାନମନ୍ତ୍ରୀ ରାଏଲା ଓମୁଲୁ ଓଡିଙ୍ଗା । ଆଜି ଉଭୟଙ୍କ ମଧ୍ୟରେ ସୌଜନ୍ୟମୂଳକ ସାକ୍ଷାତକାର ହୋଇଛି । ପୂର୍ବତନ କେନିଆ ମୁଖ୍ୟ ନିଜର ବ୍ୟକ୍ତିଗତ କାରଣ ପାଇଁ ଭାରତ ଗସ୍ତରେ ଅଛନ୍ତିି । ସାକ୍ଷାତ ବେଳେ ଗତ ଦଶନ୍ଧି ଧରି ଉଭୟ ନେତାଙ୍କ ମଧ୍ୟରେ ରହିଥିବା ସମ୍ପର୍କ ବିଷୟରେ ଆଲୋଚନା ହୋଇଥିବା ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ କୁହାଯାଇଛି ।
ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ ପକ୍ଷରୁ ପ୍ରଦାନ କରାଯାଇଥିବା ବିବୃତ୍ତିରେ କୁହାଯାଇଛି, ଉଭୟଙ୍କ ମଧ୍ୟରେ ୨୦୦୮ ରୁ ସୁସମ୍ପର୍କ ରହିଆସିଛି । ଉଭୟ ନେତା ୩ ବର୍ଷ ପରେ ପରସ୍ପର ସହ ସାକ୍ଷାତ କରିବାର ଅବସର ପାଇଥିବାରୁ ଖୁସିବ୍ୟକ୍ତ କରିଛନ୍ତି । ସେହିପରି ଉଭୟଙ୍କ ଶାସନରେ ଦୁଇ ଦେଶ ମଧ୍ୟରେ ସୃଷ୍ଟିି ହୋଇଥିବା ଦ୍ବିପାକ୍ଷିକ ସମ୍ପର୍କ ନେଇ ମଧ୍ୟ ଉଭୟ ଆଲୋଚନା କରିଥିଲେ ।