କାବୁଲରେ ଭୟଙ୍କର ବିସ୍ଫୋରଣ: 40 ମୃତ, 13 ଗୁରୁତର

କାବୁଲରେ ଆତ୍ମଘାତୀ ବିସ୍ଫୋରଣ । 40 ମୃତ 13 ଗୁରୁତର । ମୃତକମାନେ ବିବାହ ଭୋଜିରେ ଯୋଗଦେବାକୁ ଆସିଥିବା ସୂଚନା ।

କାବୁଲ: ବଡ ଧରଣର ବିସ୍ଫୋରଣରେ ଥରିଲା ଆଫଗାନିସ୍ତାନର ରାଜଧାନୀ କାବୁଲ । ଏହି ବୋମା ବିସ୍ଫୋରଣରେ 40 ଜଣଙ୍କ ମୃତ୍ୟୁ ହୋଇଥିବା ବେଳେ 13ଜଣ ଗୁରୁତର ଆହତ ହୋଇଛନ୍ତି। ମୃତକଙ୍କ ଭିତରେ ରହିଛନ୍ତି 12 ଜଣ ଶିଶୁ। ଆମେରିକା ସେନା ଓ ଆତଙ୍କବାଦୀ ଭିତରେ ଗୁଳିମିନିମୟ ସମୟରେ ଘଟିଛି ଏହି ବିସ୍ଫୋରଣ ।

ଏଠାରେ ଆୟୋଜିତ ହୋଇଥିବା ଏକ ବିବାହ ଉତ୍ସବର ମେହେନ୍ଦୀ ସେରିମୋନୀରେ ଯୋଗଦେବାକୁ ଆସିଥିବା ଲୋକଙ୍କର ମୃତ୍ୟୁ ଘଟିଥିବା ସୂଚନା । ଆଫଗାନ ପ୍ରତିରକ୍ଷା ମନ୍ତ୍ରୀଙ୍କ କହିବା ଅନୁସାରେ, କିଛି ଦିନ ହେବ ଆତଙ୍କବାଦୀ ଦଳ ଏଠାରେ ସକ୍ରିୟ ଥିଲେ । ସେଥିପାଇଁ ହଠାତ ରେଡ କରାଯାଇଥିଲା ।

ଗତ ସପ୍ତାହରେ ରାଷ୍ଟ୍ରପତି ଅଶରଫ ଗନି ସାଧାରଣ ନାଗରିକଙ୍କ ମୃତ୍ୟୁ କମ କରିବା ନେଇ ପ୍ରତିଶୃତି ଦେଇଥିଲେ। ଏନେଇ ସେ ଟ୍ବିଟ କରି ଯାଞ୍ଚ କରିବାକୁ ମଧ୍ୟ ନିର୍ଦ୍ଦେଶ ଦେଇଥିଲେ ।