ଅନୁଗୋଳ: ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ( CM naveen pattnaik)ଙ୍କୁ ଓଡ଼ିଶାର ସାଢେ ୪ କୋଟି ଲୋକଙ୍କର ଠାକୁର ବୋଲି କହି ବିବାଦରେ ଛନ୍ଦି ହୋଇଯାଇଛନ୍ତି ଉପବାଚସ୍ପତି ତଥା ଅନୁଗୋଳ ବିଧାୟକ ରଜନୀକାନ୍ତ ସିଂହ (deputy speaker rajanikant singh) । ଗତ ଶନିବାର ଅନୁଗୋଳ ଷ୍ଟାଡିୟମରେ ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନାରେ ସ୍ମାର୍ଟ୍ ହେଲ୍ଥ କାର୍ଡ ବଣ୍ଟନ କାର୍ଯ୍ୟକ୍ରମ ଆୟୋଜିତ ହୋଇଥିଲା । ଆୟୋଜିତ ସଭାରେ ସ୍ବାଗତ ଭାଷଣ ଦେଇ ରଜନୀକାନ୍ତ ସିଂ(rajanikant singh) ମୁଖ୍ୟମନ୍ତ୍ରୀଙ୍କୁ ନେଇ କିଛି ଏଭଳି ବୟାନବାଜି କରିଥିଲେ। ଏହାକୁ ନେଇ ଚର୍ଚ୍ଚା ଆରମ୍ଭ ହୋଇଛି ।
ମୁଖ୍ୟମନ୍ତ୍ରୀଙ୍କୁ ଠାକୁର କହି ବିବାଦରେ ଉପବାଚସ୍ପତି
ଏହାକୁ ନେଇ ବିରୋଧୀ କଡ଼ ସମାଲୋଚନା କରିଛନ୍ତି। ଜଣେ ଜୀବିତ ଲୋକକୁ ଠାକୁର ବୋଲି କହିବା ଦେବଦେବୀଙ୍କ ପ୍ରତି ଘୋର ଅପମାନ ବୋଲି କହିଛନ୍ତି ନେତାଏ । ଓଡ଼ିଶାର ଠାକୁର କହିଲେ ମହାପ୍ରଭୁ ଜଗନ୍ନାଥଙ୍କୁ ରାଜ୍ୟବାସୀ ଜାଣନ୍ତି । କିନ୍ତୁ ନବୀନଙ୍କୁ ଠାକୁରଙ୍କ ସହ ତୁଳନାକୁ ସହଜରେ ଗ୍ରହଣ କରି ପାରିନାହାନ୍ତି ବିରୋଧୀ।