ଧର୍ମଶାଳା: ଆଇସିସି କ୍ରିକେଟ୍ ବିଶ୍ୱକପ୍ 2023ରେ ଭାରତ ନିଜର ବିଜୟ ଧାରା ଜାରି ରଖିଛି । ୨୨ ଅକ୍ଟୋବରରେ ଧର୍ମଶାଳାରେ ଭାରତ ଏବଂ ନ୍ୟୁଜିଲାଣ୍ଡ ମଧ୍ୟରେ ଦମଦର ମ୍ୟାଚ୍ ହୋଇଥିଲା । ଏହି ମ୍ୟାଚରେ ଭାରତ ୪ ୱିକେଟରେ ନ୍ୟଜିଲାଣ୍ଡକୁ ହରାଇ ବିଜୟ ହାସଲ କରିଛି । ଏଥିସହ ମ୍ୟାଚରେ ବିରାଟ କୋହଲି ୯୫ ରନ କରି ଦମଦାର ପ୍ରଦର୍ଶନ କରିଥିଲେ । ଯାହାକୁ ନେଇ ବର୍ତ୍ତମାନ ସ୍ତ୍ରୀ ତଥା ଅଭିନେତ୍ରୀ ଅନୁଷ୍କା ଶର୍ମା ବିରାଟଙ୍କ ଖୁବ ପ୍ରଶଂସା କରିଛନ୍ତି । ସୋସିଆଲ ମିଡିଆରେ ପୋଷ୍ଟ କରି ବିରାଟଙ୍କୁ 'Storm Chaser' ବୋଲି କହିଛନ୍ତି ।
ଅନୁଷ୍କା ଶର୍ମା ନିଜ ଇନଷ୍ଟାଗ୍ରାମ ଷ୍ଟୋରୀରେ ୨ଟି ପୋଷ୍ଟ ସେୟାର କରିଛନ୍ତି । ପୋଷ୍ଟରେ ଅନୁଷ୍କା ICCର ଏକ ଭିଡିଓ ସେୟାର କରିଛନ୍ତି । କୋହଲି ଛକା ମାରିବାକୁ ଚେଷ୍ଟା କରୁଥିବା ସମୟର ଏହି ଭିଡିଓ । ଏହି ଭିଡିଓ ସେୟାର କରି ଅନୁଷ୍କା ଲେଖିଛନ୍ତି, "ତୁମ ପାଇଁ ସର୍ବଦା ଗର୍ବିତ । ଅନ୍ୟ ଏକ ପୋଷ୍ଟରେ ସେ କୋହଲିଙ୍କୁ ('Storm Chaser') "ଷ୍ଟ୍ରୋମ ଚେସର୍" ବୋଲି କହିଛନ୍ତି । ଏହି ପୋଷ୍ଟ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି । ଏଥିସହ କୋହଲିଙ୍କ ଭଉଣୀ ଭାବନା ମଧ୍ୟ ନିଜ ଇନଷ୍ଟାଗ୍ରାମ ଷ୍ଟୋରୀରେ ବିରାଟ କୋହଲିଙ୍କ ମ୍ୟାଚରୁ ଏକ ଫଟୋ ସେୟାର କରି ଲେଖିଛନ୍ତି, 'ଗର୍ବିତ'।
ଏହା ବ୍ୟତୀତ ଅଭିନେତା ବିକି କୌଶଲ ମଧ୍ୟ ଇନଷ୍ଟାଗ୍ରାମ ଷ୍ଟୋରୀରେ ବିରାଟଙ୍କୁ କିଙ୍ଗ୍ ବୋଲି କହିଛନ୍ତି । ସେ ମ୍ୟାଚ୍ର ଦୁଇଟି ପୋଷ୍ଟ ସେୟାର କରିଛନ୍ତି । ଗୋଟିଏରେ ବିରାଟଙ୍କ ଫଟୋ ସେୟାର କରିଛନ୍ତି ଯେଉଁଥିରେ ତାଙ୍କୁ କିଙ୍ଗ ମୁକୁଟ ପିନ୍ଧାଯାଉଥିବା ଦର୍ଶା ଯାଇଛି । ଦ୍ୱିତୀୟ ଫଟୋରେ ମହମ୍ମଦ ସାମି ମଧ୍ୟ ବିରାଟଙ୍କ ସହ ନଜର ଆସିଛନ୍ତି । ସେପଟେ ଟିମ୍ ଇଣ୍ଡିଆକୁ ପ୍ରଶଂସା କରି ଅନୁପମ ଖେର ଲେଖିଛନ୍ତି, 'ପୁଣିଥରେ ଭାରତ ଚମତ୍କାର ବିଜୟ ହାସଲ କରିଛି । ଜୟ ହିନ୍ଦ୍ ଜୟ ଭାରତ ।'
ଏହା ମଧ୍ୟ ପଢନ୍ତୁ:ପୁଣି ଖୁସି ଖବର ଦେବେ କି ଅନୁଷ୍କା, ଗର୍ଭବତୀ ଥିବା ଚର୍ଚ୍ଚା
ସୂଚନା ଥାଉ କି, ICC କ୍ରିକେଟ୍ ବିଶ୍ୱକପ୍ 2023 ଆରମ୍ଭରୁ ବିଜୟ ଅଭିଯାନ ଆରମ୍ଭ କରିଥିବା ଭାରତ ତାର ବିଜୟ ଧାରା ଜାରି ରଖିଛି । ଅଷ୍ଟ୍ରେଲିଆ, ଆଫଗାନିସ୍ତାନ, ପାକିସ୍ତାନ ଓ ବାଂଲାଦେଶକୁ ପରାସ୍ତ କରିବା ପରେ ଭାରତ ତାର 5 ମ୍ୟାଚରେ ଧର୍ମଶାଳାରେ ନ୍ୟୁଜିଲାଣ୍ଡକୁ ଭେଟିଥିଲା । ଏହି ମ୍ୟାଚରେ ପ୍ରଥମେ ବ୍ୟାଟିଂ କରି କିୱି ଦଳ 273 ରନ୍ କରିଥିଲା । 274 ରନ୍ ଟାର୍ଗେଟ୍ ନେଇ ପାଳି ଆରମ୍ଭ କରିଥିବା ଭାରତ 4 ୱିକେଟ୍ରେ ବିଜୟ ହାସଲ କରିବା ସହ 2019ର ପ୍ରତିଶୋଧ ନେଇଥିଲା । ବିରାଟ କୋହଲି ସର୍ବାଧିକ 95 ରନ୍ର ଇନିଂସ ଖେଳିଥିଲେ । ଘାତକ ବୋଲିଂ କରି ମହମ୍ମଦ ସାମି 54 ରନ୍ ଦେଇ 5ଟି ୱିକେଟ ହାସଲ କରି ପ୍ଲେୟାର ଅଫ୍ ଦି ମ୍ୟାଚ୍ ବିବେଚିତ ହୋଇଥିଲେ ।
