ମୁମ୍ବାଇ:ଆଜି ବଲିଉଡ ସୁପରଷ୍ଟାର ଶାହାରୁଖ ଖାନ ୫୮ତମ ଜନ୍ମଦିନ ପାଳନ କରୁଛନ୍ତି । ଏହି ଅବସରରେ ବୁଧବାର ବିଳମ୍ବିତ ରାତିରେ ତାଙ୍କ ଜନ୍ମଦିନର ଶୁଭେଚ୍ଛା ଜଣାଇବା ପାଇଁ ଶାହାରୁଖ ଖାନଙ୍କ ବାସଭବନ 'ମନ୍ନତ' ବାହାରେ ଏକତ୍ରିତ ହୋଇ ଶୁଭେଚ୍ଛା ଜଣାଇଛନ୍ତି ହଜାର ହଜାର ପ୍ରଶଂସକ । ଏହି ସମୟରେ ଶାହାରୁଖ ଖାନ ମଧ୍ୟ ନିଜ ବାଲକୋନିକୁ ଆସି ଫ୍ୟାନ୍ସଙ୍କୁ ସିଗନ୍ଚେର ଷ୍ଚାଇଲରେ ଧନ୍ୟବାଦ ଜଣାଇଛନ୍ତି । ତେବେ ଏହି ସମସ୍ତ ଭିଡିଓ ଏବଂ ଫଟୋ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ସୋସିଆଲ ମିଡିଆରେ ଭାଇରାଲ ହେଉଥିବା ଭିଡିଓରେ ଶାହାରୁଖ ମନ୍ନତର ବାଲକୋନିରେ ଠିଆ ହୋଇଥିବାର ନଜର ଆସିଛନ୍ତି । ସେ ନିଜ ଫ୍ୟାନ୍ସଙ୍କୁ ଅଭିବାଦନ କରୁଥିବା ଦେଖିବାକୁ ମିଳିଛି । ଏଥିସହ କିଙ୍ଗ୍ଖାନ ନିଜ ସିଗ୍ନେଚର୍ ଷ୍ଟାଇଲରେ ମଧ୍ୟ ଫ୍ୟାନ୍ସଙ୍କୁ ଧନ୍ୟବାଦ ଜଣାଇଛନ୍ତି । ସେପଟେ ଶାହାରୁଖ ଖାନ ଏକ୍ସ ଆକାଉଣ୍ଟରେ ଫ୍ୟାନ୍ସଙ୍କ ପାଇଁ ଏକ ପୋଷ୍ଟ ସେୟାର କରି ମଧ୍ୟ ଧନ୍ୟବାଦ ଜଣାଇଛନ୍ତି ।
ସେ ଲେଖିଛନ୍ତି, ଏହା ବହୁତ ଆଶ୍ଚର୍ଯ୍ୟଜନକ । ମଧ୍ୟରାତ୍ରୀରେ ଏତେ ସଂଖ୍ୟକ ଫ୍ୟାନ୍ସ ମୋତେ ଶୁଭକାମନା ଦେବାକୁ ଆସିଛନ୍ତି । ମୁଁ ମାତ୍ର ଏକ ଅଭିନେତା । ସତ କହିବାକୁ ଗଲେ, ମୁଁ ଏହି କଥା ଭାବି ଖୁସି ଯେ ମୁଁ ଆପଣମାନଙ୍କୁ କିଛିମାତ୍ରାରେ ମନୋରଞ୍ଜନ କରାଇପାରିଛି । ଆପଣଙ୍କ ଭଲପାଇବା ମୋ ପାଇଁ ମୂଲ୍ୟବାନ ଅଟେ । ଆପଣମାନେ ମୋତେ ଏହା ଭାବୁଥିବାରୁ ବହୁତ ବହୁତ ଧନ୍ୟବାଦ ।