ହାଇଦ୍ରାବାଦ: ଦର୍ଶକଙ୍କୁ ଆକୃଷ୍ଟ କରିବାରେ ଲାଗିଛି ସାଉଥ ନେଚୁରାଲ ଷ୍ଟାର ନାନି ଅଭିନୀତ ଆକ୍ସନ୍-ଡ୍ରାମା ଫିଲ୍ମ 'ଦଶରା' । ଏଥିସହ ବକ୍ସ ଅଫିସରେ ମଧ୍ୟ ଫିଲ୍ମର ଆୟ ଦିନକୁ ଦିନ ବଢିବାରେ ଲାଗିଛି । ଏହି ଫିଲ୍ମ ସାରା ବିଶ୍ବରେ 100 କୋଟିରୁ ଅଧିକ ଆୟ କଲାଣି । ଏଥିସହିତ ବକ୍ସ ଅଫିସରେ ଫିଲ୍ମର ଆୟ 70 କୋଟି ଟଙ୍କା ଅତିକ୍ରମ କରିଛି । ଏହାରି ମଧ୍ୟରେ ବର୍ତ୍ତମାନ ଏହି ଫିଲ୍ମ ଆମେରିକାର ବକ୍ସ ଅଫିସରେ ଧମାକା କରିଥିବା ଦେଖିବାକୁ ମିଳିଛି ।
ଟ୍ରେଡ ଆନାଲିଷ୍ଟ ତରଣ ଆଦର୍ଶଙ୍କ ଟ୍ବିଟ କରି ଲେକିଛନ୍ତି କି, ଫିଲ୍ମ ଦଶରା ଆମେରିକାର ବକ୍ସ ଅଫିସରେ ଧମାଲ କରିଛି । ଏହି ଫିଲ୍ମ ଉତ୍ତର ଆମେରିକାର ବକ୍ସ ଅଫିସରେ 2 ମିଲିୟନ ଡଲାର କ୍ଲବରେ ପ୍ରବେଶ କରିଛି । ଫିଲ୍ମ ଦଶରା ଆମେରିକୀୟ ବକ୍ସ ଅଫିସରେ 2 ମିଲିୟନ ଡଲାର ଅର୍ଥାତ୍ 16 କୋଟିରୁ ଅଧିକ ରୋଜଗାର କରିଛି । ଏହା ହେଉଛି ନାନୀଙ୍କ ପ୍ରଥମ ଫିଲ୍ମ, ଯାହା ବିଦେଶୀ ବକ୍ସ ଅଫିସରେ ଏଭଳି ରୋଜଗାର କରି ରେକର୍ଡ ସୃଷ୍ଟି କରିଛି ।
ସୂଚନା ଥାଉ କି, ମାର୍ଚ୍ଚ 30ରେ ରାମ ନବମୀ ଅବସରରେ ନାନୀଙ୍କ ଅଭିନୀତ ଫିଲ୍ମ ଦଶରା ରିଲିଜ ହୋଇଥିଲା । ଏହି ଫିଲ୍ମ ତେଲୁଗୁ, ତାମିଲ, ମାଲାୟାଲମ୍ ଏବଂ ହିନ୍ଦୀରେ ରିଲିଜ ହୋଇଥିଲା । ବକ୍ସ ଅଫିସରେ ଏପର୍ଯ୍ୟନ୍ତ 75.95 କୋଟି ଟଙ୍କା ସଂଗ୍ରହ କରିଥିବା ବେଳେ ଫିଲ୍ମଟି ବିଶ୍ବବ୍ୟାପୀ ସଂଗ୍ରହ 150 କୋଟି ଟଙ୍କା ମୁହାଁ ହେଉଛି । ଫିଲ୍ମ ରିଲିଜ ହେବାର 12 ଦିନ ହୋଇଗଲାଣି । ଏଥିସହିତ ଫିଲ୍ମ 12 ଦିନରେ ଘରୋଇ ବକ୍ସ ଅଫିସରେ ମୋଟ 1 କୋଟି ଟଙ୍କାର ସଂଗ୍ରହ କରିଛି ।
ତେବେ ଆକ୍ସନ୍-ଡ୍ରାମା ଫିଲ୍ମରେ ନାନୀଙ୍କ ବ୍ୟତୀତ ଦକ୍ଷିଣ ଅଭିନେତ୍ରୀ କିର୍ତ୍ତୀ ସୁରେଶଙ୍କ ମଧ୍ୟ ମୁଖ୍ୟ ଭୂମିକାରେ ନଜର ଆସିଛନ୍ତି । ଏଥିସହ ଶ୍ରୀକାନ୍ତ ଓଡେଲାଙ୍କ ନିର୍ଦ୍ଦେଶିତ ଫିଲ୍ମ ଦଶରା ହେଉଛି ନାନୀଙ୍କ ପ୍ରଥମ ପାନ୍ ଇଣ୍ଡିଆ ଫିଲ୍ମ । ଯାହା ବିଶ୍ବବ୍ୟାପୀ 100 କୋଟିରୁ ଅଧିକ ରୋଜଗାର କରିଥିବା ବେଳେ ଆମେରିକୀୟ ବକ୍ସ ଅଫିସରେ 16 କୋଟିରୁ ଅଧିକ ରୋଜଗାର କରିବାରେ ସଫଳ ହୋଇଛି । ଆଗାମୀ ଦିନରେ ଏହି ସଫଳତାର ସହ ଭାରତୀୟ ସିନେମାରେ ଏକ ଇତିହାସ ସୃଷ୍ଟି କରିବ ବୋଲି ଆଶା କରାଯାଉଛି ।
କୁହାଯାଉଛି ଯେ ନାନିଙ୍କ ଫିଲ୍ମ ଦଶରାର ତୃତୀୟ ସପ୍ତାହରେ ରୋଜଗାରରେ ବ୍ରେକ ଲାଗିପାରେ । କାରଣ ବର୍ତ୍ତମାନ ଆଦିତ୍ୟ ରୟ କପୁରଙ୍କ ଫିଲ୍ମ 'ଗୁମରାହ' ରିଲିଜ ହୋଇଛି । ଏଥିସହ ହିନ୍ଦୀରେ ଅଜୟ ଦେବଗନଙ୍କ ଅଭିନୀତ ଫିଲ୍ମ 'ଭୋଲା' ମଧ୍ୟ ସିନେମାହଲରେ କମାଲ ଜାରି ରଖିଛି ।
