ଚଣ୍ଡିଗଡ଼:ଏଣ୍ଟରଟେନମେଣ୍ଟର ଫୁଲ ପ୍ୟାକେଜ ହେଉଛନ୍ତି ଚୁଲବୁଲି ସେହନାଜ ଗିଲ । ସେ ସର୍ବଦା ମଜାଳିଆ କଥା କହୁଥିବା ବେଳେ ତାଙ୍କର ଅନେକ ଭିଡ଼ିଓକୁ ଖୁବ ପସନ୍ଦ କରନ୍ତି ଫ୍ୟାନ୍ସ । ତେବେ ଏହାରି ମଧ୍ୟରେ ସେହନାଜଙ୍କ ଏକ ନିକଟତର ଭିଡ଼ିଓ ଖୁବ ଭାଇରାଲ ହେଉଛି । ଯେଉଁଥିରେ ସେ ନିଜ ହୋମଟାଉନରେ ରହିଥିବା ଦେଖିବାକୁ ମିଳିଛି । ଏହାସହିତ ନିଜ ପିଣ୍ଡ୍ରେ ବୟସ୍କା ଓ ପଡୋଶୀଙ୍କ ସହିତ ଗୀତ ବୋଲୁଥିବା ନଜର ଆସିଛନ୍ତି ।
ଏହି ଭିଡ଼ିଓରେ ସେହନାଜ ପ୍ରମାଣ କରିଛନ୍ତି ଯେ ସେ ବାସ୍ତବରେ 'ପିଣ୍ଡ୍ର ଝିଅ' । ସେହନାଜ ସେୟାର କରିଥିବା ଭିଡ଼ିଓରେ ମହିଳାମାନେ ଗୋଲାକାର ହୋଇ ଠିଆ ହୋଇଥିବା ବେଳେ ଗୀତ ଗାଉଛନ୍ତି । ତେବେ ଏହି giddha ସେସନରେ କିଛି ଛୋଟ ଛୋଟ ପିଲା ମଧ୍ୟ ସାମିଲ ରହିଛନ୍ତି । ଏଥିରେ #family #shehnaazgill #boliyan ହ୍ୟାସଟାଗ ଦେଇଛନ୍ତି ସେହନାଜ । ଏହି ଭିଡ଼ିଓରେ ସେହନାଜ ସରୱାର କମିଜ ପିନ୍ଧିଥିବା ନଜର ଆସିଛନ୍ତି ।