ନୂଆଦିଲ୍ଲୀ:ଗତଏପ୍ରିଲ 5 ତାରିଖରେ ନିର୍ଦ୍ଦିଷ୍ଟ କ୍ଷେତ୍ରରେ ଉଲ୍ଲେଖନୀୟ ଅବଦାନ ଦେଇଥିବା ବ୍ୟକ୍ତି ବିଶେଷଙ୍କୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ପଦ୍ମ ପୁରସ୍କାରରେ ସମ୍ମାନିତ କରିଥିଲେ । କଳା, କ୍ରୀଡା ଏବଂ ସାମାଜିକ କାର୍ଯ୍ୟରେ ଅବଦାନ ପାଇଁ ବିଶିଷ୍ଟ ବ୍ୟକ୍ତିତ୍ବଙ୍କୁ ଏହି ସମ୍ମାନରେ ସମ୍ମାନିତ କରାଯାଇଥିଲା । ଏହି କ୍ରମରେ ବଲିଉଡର ଲୋକପ୍ରିୟ ଅଭିନେତ୍ରୀ ରବୀନା ଟଣ୍ଡନଙ୍କ ନାମ ମଧ୍ୟ ତାଲିକାରେ ସାମିଲ ଥିଲା । ଭାରତୀୟ ଫିଲ୍ମ ଜଗତରେ ତାଙ୍କର ଅବଦାନ ରହିଛି, ଏଥିପାଇଁ ଅଭିନେତ୍ରୀଙ୍କୁ ରାଷ୍ଟ୍ରପତି ପଦ୍ମଶ୍ରୀ ସମ୍ମାନରେ ସମ୍ମାନିତ କରିଛନ୍ତି । ଏଭଳି ଏକ ସମ୍ମାନରେ ସମ୍ମାନିତ ହେବାପରେ ଫଟୋ ସେୟାର କରି ରବିନା ତାଙ୍କ ଫ୍ୟାନ୍ସଙ୍କୁ ଧନ୍ୟବାଦ ଜଣାଇଥିଲେ । ଏହି ପୁରସ୍କାର ବିତରଣ ସମାରୋହରେ ରବିନା ତାଙ୍କ ପରିବାର ସହ ସାମିଲ ହୋଇଥିଲେ । ବର୍ତ୍ତମାନ ଏହି ସମାରୋହର ସୁନ୍ଦର ଫଟୋ ସାମ୍ନାକୁ ଆସିଛି । ଯେଉଁଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସହ ଅଭିନେତ୍ରୀ ରବିନା ଟଣ୍ଡନଙ୍କ ପରିବାର ସଦସ୍ୟଙ୍କୁ ଦେଖିବାକୁ ମିଳିଛି ।
ରବିନା ଟଣ୍ଡନ ଝିଅ ରାଶା ଥଡାନି ଏହି ଫଟୋଗୁଡ଼ିକୁ ନିଜ ଇନଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । ସେୟାର ହୋଇଥିବା ଫଟୋଗୁଡିକ ସହ ରାଶା କ୍ୟାପସନରେ ଲେଖିଛନ୍ତି, 'ଏ ନାଇଟ୍ ଟୁ ରିମେମ୍ବର'। ତେବେ ଏହି ଫଟୋ ଗୁଡ଼ିକରେ ପ୍ରଧାନମନ୍ତ୍ରୀଙ୍କ ସହ ଅଭିନେତ୍ରୀ ରବିନା ଟଣ୍ଡନଙ୍କ ପରିବାର ସଦସ୍ୟଙ୍କୁ ଦେଖିବାକୁ ମିଳିଛି । ଏହି ଫଟୋ ଗୁଡ଼ିକରେ ରାଶାଙ୍କ ପିତା ଅନିଲ ଥଡାନି ଏବଂ ଘରର ଅନ୍ୟ ସଦସ୍ୟମାନେ ରହିଛନ୍ତି । ଏହି ଫଟୋ ସେୟାର ହେବା ମାତ୍ରେ ଫ୍ୟାନ୍ସ ଏହାକୁ ଲାଇକ କରିବା ସହ କମେଣ୍ଟରେ ରବିନା ଟଣ୍ଡନ ଏବଂ ରାଶା ଥଡାନୀଙ୍କୁ ତାଙ୍କ ସୁନ୍ଦରତାକୁ ନେଇ ପ୍ରଶଂସା କରିଛନ୍ତି ।
ପଦ୍ମ ପୁରସ୍କାର ବିତରଣ ସମାରୋହରେ ରବିନା ସୁନେଲୀ ଏବଂ ବ୍ଲାକ ଶାଢୀ ସହ ପାରମ୍ପରିକ ଲୁକ୍ରେ ନଜର ଆସିଥିବା ବେଳେ ତାଙ୍କ ଝିଅ ରାଶା ବ୍ଲାକ ଏବଂ ହ୍ୱାଇଟ ଲେହେଙ୍ଗାରେ ନଜର ଆସିଥିଲେ । ଏବଂ ସ୍ବାମୀ ଅନିଲ ଥଡାନି ଏବଂ ପୁଅ ବ୍ଲାକ ସୁଟରେ ନଜର ଆସିଥିଲେ । ସେୟାର କରାଯାଇଥିବା ପ୍ରଥମ ଫଟୋରେ ରାଶା ଏବଂ ପିଏମଙ୍କୁ ଶୁଭେଚ୍ଛା ଜଣାଉଥିବା ଦେଖିବାକୁ ମିଳିଛି । ଦ୍ବିତୀୟ ଫଟୋରେ ରବୀନା ତାଙ୍କ ପୁଅଝିଅ ଏବଂ ସ୍ବାମୀ ଅନିଲ ଥଡାନୀଙ୍କ ସହ 'ଆରଆରଆର' ନିର୍ଦ୍ଦେଶକ ଏସ.ଏସ୍ ରାଜାମୌଲିଙ୍କ ସହ ପୋଜ୍ ଦେଇଛନ୍ତି । ତୃତୀୟ ଫଟୋରେ ରବିନା ନିଜ ପୁରା ପରିବାର ସହ ପୋଜ୍ ଦେଉଥିବା ଦେଖିବାକୁ ମିଳିଛି । ଚତୁର୍ଥ ଫଟୋରେ ରାଷ୍ଟ୍ରପତି ଭବନରେ ରବିନା ପୁଅ ଏବଂ ଝିଅ ସହ ନଜର ଆସିଛନ୍ତି । ପ୍ଞ୍ଚମ ଫଟୋରେ ମୋଦି ରବିନାଙ୍କ ପରିବାର ସହ ନଜର ଆସିଛନ୍ତି । ଶେଷରେ ଏକ ଭିଡିଓ ସେୟାର କରାଯାଇଛି । ଯେଉଁଥିରେ ଅଭିନେତ୍ରୀ ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କଠାରୁ ପଦ୍ମଶ୍ରୀ ପୁରସ୍କାର ଗ୍ରହଣ କରୁଥିବା ଦେଖିବାକୁ ମିଳିଛି।
ସୂଚନା ଥାଉ କି, ରାଶା ଏକ ସୁଟ୍-ସାଲୱାରରେ ତାଙ୍କ ମାଆ ରବିନା ଟଣ୍ଡନଙ୍କ ସହ ମନ୍ଦିରରେ ପୂଜା କରିବାକୁ ବାହାରକୁ ଯାଇଥିଲେ । ସେହି ସମୟରେ ପାପାରାଜୀ କ୍ୟାମେରାରେ କଏଦ ହୋଇଥିଲେ ରାଶା । ସେବେଠାରୁ ରାଶା ଲାଇମଲାଇଟରେ ରହି ଆସୁଛନ୍ତି । ରବିନାଙ୍କ ଫ୍ୟାନ୍ସମାନେ ତାଙ୍କ ଝିଅକୁ ତାଙ୍କ ପରି ସୁନ୍ଦର ବୋଲି କୁହନ୍ତି ।
ରବିନାଙ୍କୁ ଶେଷ ଥର ପାଇଁ ସାଉଥର ରକିଂ ଷ୍ଟାର ୟଶଙ୍କ ମେଗା-ବ୍ଲକବଷ୍ଟର ଫିଲ୍ମ 'କେଜିଏଫ-୨'ରେ ଏକ ଗୁରୁତ୍ବପୂର୍ଣ୍ଣ ଭୂମିକାରେ ଦେଖିବାକୁ ମିଳିଥିଲା । ରବିନାଙ୍କୁ ରୋମାଣ୍ଟିକ-କମେଡି ଫିଲ୍ମ 'ଘୁଡଚଡି'ରେ ଦେଖିବାକୁ ମିଳିବ । ଯେଉଁଥିରେ ସଞ୍ଜୟ ଦତ୍ତ, ପାର୍ଥ ସମଥାନ ଏବଂ ଖୁଶଲି କୁମାରଙ୍କ ମୁଖ୍ୟ ଭୂମିକାରେ ନଜର ଆସିବେ । ଏହା ବ୍ୟତୀତ ରବିନା 'ପଟନା ଶୁକ୍ଲା'ରେ ମଧ୍ୟ ନଜର ଆସିବାକୁ ଯାଉଛନ୍ତି ।
