ହାଇଦ୍ରାବାଦ: ଦର୍ଶକଙ୍କ ମନ ଜିତୁଛି ସାଉଥ୍ ଫିଲ୍ମ ଇଣ୍ଡଷ୍ଟ୍ରିର ଭେଟେରାନ୍ ନିର୍ଦ୍ଦେଶକ ମଣି ରତ୍ନମଙ୍କ ଫିଲ୍ମ ପୋନିୟିନ୍ ସେଲଭାନ୍ ପାର୍ଟ-୨ । ଏପ୍ରିଲ୍ 28ରେ ବିଶ୍ବ ସ୍ତରରେ ରିଲିଜ ହୋଇଥିବା ଏହି ଫିଲ୍ମ ବର୍ତ୍ତମାନ ବକ୍ସ ଅଫିସରେ ଧମାକା କରୁଛି । ରିଲିଜର 5 ଦିନ ମଧ୍ୟରେ ଏହି ଫିଲ୍ମ ସାରା ବିଶ୍ୱରେ 200 କୋଟି ଟଙ୍କାର ଆୟ କରିଛି । ଫିଲ୍ମର କଲେକ୍ସନ ଦୌଡ଼ରେ ଏହି ଫିଲ୍ମ ବଲିଉଡ ସୁପରଷ୍ଟାର ସଲମାନ ଖାନଙ୍କ ଫିଲ୍ମ କିସି କା ଭାଇ କିସି କି ଜାନ ଫିଲ୍ମଙ୍କୁ ପଛରେ ପକାଇ ଦେଇଛି । କିସି କା ଭାଇ କିସି କି ଜାନ ଏପ୍ରିଲ 21ରେ ଇଦ୍ ଅବସରରେ ରିଲିଜ କରିଥିବା ଫିଲ୍ମ ବକ୍ସ ଅଫିସରେ କମାଲ କରିବାରେ ବିଫଳ ହୋଇଛି । ବର୍ତ୍ତମାନ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ଅଭିନୀତ ଫିଲ୍ମ, ସଲମାନ ଖାନ୍ଙ୍କ ଫିଲ୍ମକୁ ପଛରେ ପକାଇ ବେଶ ଲୋକପ୍ରିୟତା ସହ ସଫଳତା ହାସଲ କରିଛି ।
ଫିଲ୍ମଟି ଆମେରିକାର ବକ୍ସ ଅଫିସରେ ଭଲ ଆୟ କରୁଛି ଏନେଇ ଧନ୍ୟବାଦ ଜଣାଇ ଲାଇକା ପ୍ରଡକ୍ସନ୍ସ ଟ୍ୱିଟରରେ ଲେଖିଛି, "ପ୍ରଥମ ସପ୍ତାହରେ 3.5 ମିଲିୟନ୍ ଡଲାରରୁ ଅଧିକ ଆୟ ହୋଇଛି । ଫିଲ୍ମକୁ ଭଲପାଇବା ଦେଇଥିବାରୁ ଧନ୍ୟବାଦ। PS2 ଆମେରିକାର ସାପ୍ତାହିକ ବକ୍ସ ଅଫିସରେ 8 ନମ୍ବରରେ ନିଜର ମାର୍କ ରଖିଛି।" ସେହିପରି ଏହି ଫିଲ୍ମଟି ତାମିଲ ଭାଷାଭାଷୀ ଅଞ୍ଚଳରେ 33.20% ସ୍କ୍ରିନ୍ ଅକ୍ତିଆର କରିଛି । ଫିଲ୍ମ କ୍ରିଟିକ୍ ରାଜାଶେଖର ତାଙ୍କ ସୋସିଆଲ ମିଡିଆ ହ୍ୟାଣ୍ଡେଲରେ ଲେଖିଛନ୍ତି, ପୋନିୟିନ୍ ସେଲଭାନ୍ 2- ବକ୍ସ ଅଫିସରେ ସପ୍ତାହିକ ଆୟ ବହୁତ ଭଲ ରହିଛି।ପଞ୍ଚମ ଦିନରେ ତାମିଲନାଡୁ ଏବଂ କେରଳରେ ଫିଲ୍ମ ଭଲ ପ୍ରଦର୍ଶନ କରିଛି ।