ନୂଆଦିଲ୍ଲୀ:ଫସିଲେବିଗ୍ ବସ୍ OTT 2 ବିଜେତା ଏଲଭିଶ ଯାଦବ । ରେଭ ପାର୍ଟିରେ ସାପ ଏବଂ ସାପ ବିଷ କାରବାର କରୁଥିବା ଅଭିଯୋଗରେ ମାମଲା ପଞ୍ଜିକରଣ କରିଲା ନୋଏଡା ପୋଲିସ । ଏକ ଷ୍ଟିଙ୍ଗ ଅପରେସନ କରି ଏଲଭିଶ ଯାଦବଙ୍କ ସମେତ 6 ଜଣ ସାପୁଆ ଏବଂ ଅନ୍ୟ ଅଜ୍ଞାତ ଲୋକଙ୍କ ବିରୋଧରେ ମଧ୍ୟ ମାମଲା ପଞ୍ଜିକୃତ କରିଛି । ତେବେ ଖବର ଅନୁସାରେ, ଏଲଭିଶ ଯାଦବ ନୋଏଡାରେ ରେଭ ପାର୍ଟି କରି ସାପ ବିଷ ସପ୍ଲାଇ କରୁଥିଲେ । ତେବେ ଷ୍ଟିଙ୍ଗ ଅପରେସନରେ ଜୀବନ୍ତ ସାପ ସମେତ ବିଷ ମଧ୍ୟ ଜବତ କରିଛି ନୋଏଡା ପୋଲିସ ।
ଖବରମୁତାବକ, PFA ସଂସ୍ଥାର ପଶୁ କଲ୍ୟାଣ ଅଧିକାରୀ ଗୌରବ ଗୁପ୍ତା ନୋଏଡାର ସେକ୍ଟର 49 ଥାନାରେ ବିଗ୍ ବସ୍ OTT 2 ବିଜେତା ଏଲଭିଶ ଯାଦବଙ୍କ ନାମରେ ଅଭିଯୋଗ କରିଥିଲେ । ନୋଏଡା ଏବଂ ଏନସିଆରର ଫାର୍ମ ହାଉସରେ ତାଙ୍କ ଗ୍ୟାଙ୍ଗ ସହିତ ସାପକୁ ନେଇ ଭିଡିଓ ଏବଂ ବେଆଇନ ରେଭ ପାର୍ଟି କରୁଥିବା ନେଇ ସେ ଅଭିଯୋଗ କରିଥିଲେ । ଏହି ପାର୍ଟିରେ ସାପ ବିଷ ଏହଂ ଜୀବନ୍ତ ସାପ ମଧ୍ୟ ବ୍ୟବହାର କରାଯାଉଥିବା ନେଇ ସେ ଅଭିଯୋଗରେ ଦର୍ଶାଇଥିଲେ। ଏହା ବ୍ୟତୀତ ବିଦେଶୀ ଯୁବତୀମାନଙ୍କୁ ଆଣି ସାପ ବିଷ ଏବଂ ଅନ୍ୟାନ୍ୟ ନିଶା ପଦାର୍ଥ ଦେଉଥିବା ନେଇ ମଧ୍ୟ ଅଭିଯୋଗ କରିଥିଲେ ଗୌରବ ଗୁପ୍ତା ।
ତେବେ ଅଭିଯୋଗ ଆଧାରରେ ପୋଲିସ ଏଲଭିସ ଯାଦବଙ୍କୁ ରେଡ ହ୍ୟାଣ୍ଡରେ ଧରିବା ପାଇଁ ଯୋଜନା ପ୍ରସ୍ତୁତ କରିଥିଲା । ଜଣେ ବ୍ୟକ୍ତିଙ୍କୁ ଏଲଭିଶ ଯାଦବଙ୍କ ସହ କଥା ହୋଇ ରେଭ ପାର୍ଟି ଆୟୋଜନ କରିବାକୁ କହିଥିଲା । ତେବେ ଏଲଭିଶଙ୍କ ସହ ଏନେଇ କଥା ହେବା ପରେ ସେ ତାଙ୍କ ଏଜେଣ୍ଟ ରାହୁଲଙ୍କର ନମ୍ବର ଦେବା ସହିତ ମୋ ନାମ ନେଇ କଥା ହେବା ପାଇଁ କହିଥିଲେ । ତେବେ ବ୍ୟକ୍ତି ଜଣକ ରାହୁଲଙ୍କ ସହ କଥା ହେବା ପରେ ସେ ରେଭ ପାର୍ଟି କରିବା ପାଇଁ ରାଜି ହୋଇଥିଲେ । ଏହାସହ ଆପଣ ଯେଉଁ ସ୍ଥାନକୁ କହିଲେ ସେଠାକୁ ସାଥି ସହ ସାପଙ୍କୁ ନେଇ ଆସିବା ପାଇଁ ପ୍ରତିଶୃତି ଦେଇଥିଲେ।