ହାଇଦ୍ରାବାଦ:ସାଉଥ୍ ସୁପରଷ୍ଟାର ଥାଲାପତି ବିଜୟଙ୍କ ଫିଲ୍ମ 'ଲିଓ'କୁ ନେଇ ଲୋକଙ୍କ ମଧ୍ୟରେ କ୍ରେଜ୍ କହିଲେ ନସରେ । ଫିଲ୍ମଟି ଦର୍ଶକଙ୍କୁ ପସନ୍ଦ ଆସୁଥିବା ବେଳେ ପ୍ରେକ୍ଷାଳୟରେ ଭିଡ଼ ଜମୁଛି । ୫ ଦିନ ମଧ୍ୟରେ ଭଲ କଲେକ୍ସନ କରି ଅନେକ ଫିଲ୍ମର ରେକର୍ଡକୁ ଭାଙ୍ଗିଛି । ବର୍ତ୍ତମାନ ଫିଲ୍ମ ବିଶ୍ବ ବକ୍ସ ଅଫିସରେ ମଧ୍ୟ ୪୦୦କୋଟିରୁ କ୍ଲବରେ ସାମିଲ ହୋଇଥିବା ବେଳେ ଭାରତୀୟ ବକ୍ସ ଅଫିସରେ ୨୫୦କୋଟି ପାଖାପାଖି ଆୟ କରି ସଫଳତା ହାସଲ କରିଛି ।
ସାକ୍ନିଲ୍କିଙ୍କ ରିପୋର୍ଟ ଅନୁଯାୟୀ, 'ଲିଓ' ଭାରତୀୟ ଏବଂ ଅନ୍ତର୍ଜାତୀୟ ବକ୍ସ ଅଫିସରେ ଧମାକା କରୁଛି । ଏହି ଚଳଚ୍ଚିତ୍ର ସାରା ବିଶ୍ୱରେ ୪୦୦କୋଟିରୁ ଅଧିକ ଆୟ କରିଛି । ଏଥିସହ ଲିଓ ରିଲିଜ୍ ହେବାର ମାତ୍ର ୬ଷ୍ଠ ଦିନ ମଧ୍ୟରେ ଭାରତରେ ୨୦୦କୋଟିରୁ ଅଧିକ କଲେକ୍ସନ କରିଛି । ଚଳଚ୍ଚିତ୍ରଟି ଷଷ୍ଠ ଦିନରେ ଭାରତରେ (ଆନୁମାନିକ) ୨୮ କୋଟି ଟଙ୍କା ରୋଜଗାର କରିଛି । ଯାହା ପରେ ଫିଲ୍ମର ମୋଟ ବକ୍ସ ଅଫିସ୍ କଲେକ୍ସନ ପ୍ରାୟ ୨୪୪.୫୯ କୋଟି ଟଙ୍କାକୁ ବୃଦ୍ଧି ପାଇଛି ।
ଲିଓ: ବକ୍ସ ଅଫିସ କଲେକ୍ସନ
ଅକ୍ଟୋବର ୧୯ (ପ୍ରଥମ ଦିନ)- ୬୪.୮ କୋଟି
ଅକ୍ଟୋବର ୨୦(ଦ୍ବିତୀୟ ଦିନ)- ୩୫.୨୫ କୋଟି
ଅକ୍ଟୋବର ୨୧ (ତୃତୀୟ ଦିନ)- ୩୯.୮ କୋଟି