ହାଇଦ୍ରାବାଦ: କେରଳର ଥ୍ରୀସୁରରେ ଏକ ଜଣାଶୁଣା ଅଳଙ୍କାର ବ୍ରାଣ୍ଡ ଦ୍ୱାରା ଆୟୋଜିତ ନବରାତ୍ରୀ ଉତ୍ସବରେ ସାମିଲ ହୋଇଥିଲେ ବଲିଉଡର ଅନେକ ଲୋକପ୍ରିୟ ତାରକା । ଏହି କାର୍ଯ୍ୟକ୍ରମରେ କ୍ୟାଟ୍ରିନା କୈଫ, ନାଗାର୍ଜୁନ ଏବଂ ତାଙ୍କ ପୁଅ ଚୈତନ୍ୟ ଅକ୍କିନେନି, ଜାହ୍ନବୀ କପୁର, କ୍ରିତି ସାନନ୍ ଏବଂ ରଶ୍ମିକା ମନ୍ଦନା, ଅଜୟ ଦେବଗନ, ଶିଳ୍ପା ଶେଟ୍ଟୀ, ୱାମିକା ଗାବିଙ୍କ ସମେତ ଅନ୍ୟାନ୍ୟ ତାରକା ଯୋଗ ଦେଇଥିଲେ । ପାରମ୍ପରିକ ଲୁକରେ ସେଲିବ୍ରଟି ନଜରେ ଆସି ଲୋକଙ୍କ ଦୃଷ୍ଟି ଆକର୍ଷଣ କରିଛନ୍ତି । ଏହି ଇଭେଣ୍ଟର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
ଇନଷ୍ଟାଗ୍ରାମରେ ଜଣେ ପାପରାଜିଙ୍କ ଦ୍ବାରା ସେୟାର ହୋଇଥିବା ଭିଡିଓରେ ବଲିଉଡ ଅଭିନେତ୍ରୀ କ୍ୟାଟ୍ରିନା କୈଫ ଲାଲ ରଙ୍ଗର ଶାଢୀରେ ନଜର ଆସିଛନ୍ତି । ସେ ମା'ଙ୍କ ନିକଟରେ ଦ୍ବୀପ ପ୍ରଜ୍ୱଳନ କରି ଆଶୀର୍ବାଦ ନେଇଥିଲେ । ପରେ ସେ ଉପସ୍ଥିତ ଅନ୍ୟ ତାରକା ଏବଂ ସାଙ୍ଗସାଥୀଙ୍କ ସହ ବାର୍ତ୍ତାଳାପ କରିଥିଲେ । କ୍ୟାଟ୍ରିନାଙ୍କ ଏହି ଭିଡିଓ ଭାଇରାଲ ହେବା ପରେ ଫ୍ୟାନ୍ସ ଏହାକୁ ଲାଇକ କରିବା ସହ ଅଭିନେତ୍ରୀଙ୍କ ଆଚରଣକୁ ପ୍ରଶଂସା କରିଛନ୍ତି । ଜଣେ ଫ୍ୟାନ୍ସ ପ୍ରତିକ୍ରିୟାରେ ଲେଖିଛନ୍ତି, ତାଙ୍କର ସୌନ୍ଦର୍ଯ୍ୟ ଏହି ଦୁନିଆରୁ ବାହାରେ । ଅନ୍ୟ ଜଣେ ଲେଖିଛନ୍ତି, କୁଇନ ଅଫ ବିୟୁଟି ।