ମୁମ୍ବାଇ: ଶୁବଶୀଘ୍ର ବିବାହ ବନ୍ଧନରେ ବାନ୍ଧି ହେବାକୁ ଯାଉଛନ୍ତି ବଲିଉଡ ତଥା ସାଉଥ ଫିଲ୍ମ ଅଭିନେତ୍ରୀ ହଂସିକା ମୋଟୱାନୀ । ଆସନ୍ତା ଡିସେମ୍ବରରେ ହାତକୁ ଦୁଇ ହାତ ହେବାକୁ ଯାଉଛନ୍ତି ହଂସିକା । ମୁମ୍ବାଇର ଜଣେ ବିଜନେସମ୍ୟାନ ସୋହେଲ ଖଟୁକିଆଙ୍କୁ ବିବାହ କରିବେ ହଂସିକା । ଡିସେମ୍ବର ପ୍ରଥମ ସପ୍ତାହରେ ବିବାହ ନେଇ ସୂଚନା ମିଳିଛି ।
ରାଜସ୍ଥାନ ଜୟପୁରରେ ତାଙ୍କ ବିବାହ ଅନୁଷ୍ଠିତ ହେବ । 30 ବର୍ଷୀୟ ଅଭିନେତ୍ରୀଙ୍କ ମ୍ୟାରେଜ ସେରିମନି ପ୍ରସ୍ତୁତି ଡିସେମ୍ବର 2ରୁ ଆରମ୍ଭ ହେବ । ବିବାହ କାର୍ଯ୍ୟକ୍ରମରେ ପରିବାର ଓ କେତେଜଣ ଖାସ ବନ୍ଧୁ ସାମିଲ ହେବା ନେଇ ସୂଚନା ମିଳିଛି । ମେହେନ୍ଦୀ, ହଲଦୀ ଓ ବିବାହର ବିବିନ୍ନ କାର୍ଯ୍ୟକ୍ରମରେ ଭଳିକି ଭଳି ଆଉଟ ଫିଟରେ ନଜର ଆସିବେ ହଂସିକା। ଜୟପୁର ରାଜପ୍ରସାଦରେ ବିବାହ ସମାରୋହ ଆୟୋଜିତ ହେବ । ହଂସିକା ଏବଂ ସୋହେଲ ଏକ ଇଭେଣ୍ଟ ମ୍ୟାନେଜମେଣ୍ଟ କମ୍ପାନୀର ପାର୍ଟନର । 2020ରେ ଏହି କମ୍ପାନୀ ପ୍ରତିଷ୍ଠା ହୋଇଥିଲା । ଉଭୟ 2013ରେ ତାଙ୍କ ରିଲେସନସିପ ବିଷୟରେ ଜଣାଇଥିଲେ ।