ହାଇଦ୍ରାବାଦ: ବଲିଉଡର ଲୋକପ୍ରିୟ ସୁପରଷ୍ଟାର ସଲମାନ ଖାନ ଟିଭି ଦୁନିଆରେ ମଧ୍ୟ ବହୁତ ସଫଳ ହୋଇଛନ୍ତି । ଏଥିସହ ଭାଇଜାନ ଭାରତୀୟ ଟେଲିଭିଜନ ଇଣ୍ଡଷ୍ଟ୍ରିର ସବୁଠୁ ବଡ ରିଆଲିଟି ଶୋ 'ବିଗ୍ ବସ୍'ର ହୋଷ୍ଟ ଭାବେ ମଧ୍ୟ ଅତୁଳନୀୟ ଲୋକପ୍ରିୟତା ହାସଲ କରିଛନ୍ତି । ବିଗ୍ ବସ୍ ରିୟଲିଟି ଶୋ'ଗୁଡ଼ିକ ମଧ୍ୟରେ ଏକ ଅନ୍ୟତମ ଶୋ' । ଟିଭି ବ୍ୟତୀତ ଏହି ଶୋ' ଓଟିଟିରେ ମଧ୍ୟ ରିଲିଜ ହୋଇଛି । ତେବେ ଏହାର ପ୍ରଥମ ଭାଗରେ ସଲମାନ ହୋଷ୍ଟ କରିନଥିଲେ । କିନ୍ତୁ ଏହାର ସିଜନ-2 ରେ ସଲମାନଙ୍କୁ ଦେଖିବାକୁ ମିଳିବ । ତେବେ ଆଜି ଶୋ'ର ପ୍ରମୋ ରିଲିଜ କରି ସଲମାନ ଏହି ସୂଚନା ଦେଇଛନ୍ତି ।
'ବିଗ୍ ବସ୍ OTT 2' ର ପ୍ରଥମ ପ୍ରୋମୋ ରିଲିଜ୍ ହୋଇଛି । ଏହି ପ୍ରମୋରେ ସଲମାନ ଖାନ ଏକ ଡୋମିନେଟିଂ ଷ୍ଟାଇଲରେ ଏହି ଶୋ'ର ଘୋଷଣା କରିଛନ୍ତି । ପ୍ରମୋ ଭିଡିଓରେ ଷ୍ଟ୍ରିମିଂ ପାର୍ଟନର ମଧ୍ୟ ପ୍ରକାଶ ପାଇଛି । ପ୍ରଥମ ଭାଗରେ ବଲିଉଡ ଲୋକପ୍ରିୟ ଚଳଚ୍ଚିତ୍ର ନିର୍ମାତା କରଣ ଜୋହର ହୋଷ୍ଟ କରିଥିଲେ । ତେବେ ବର୍ତ୍ତମାନ ଦ୍ବିତୀୟ ଭାଗ ସଲମାନ ଖାନ ହୋଷ୍ଟିଂ କରିବାକୁ ଯାଉଛନ୍ତି । ତେବେ ପ୍ରୋମୋ ରିଲିଜ୍ ହେବା ମାତ୍ରେ ଭାଇଜାନକୁ ଦେଖିବାକୁ ପ୍ରଶଂସକଙ୍କ ମଧ୍ୟରେ ଉତ୍ସାହ ବହୁତ ବୃଦ୍ଧି ପାଇଛି ।