ହାଇଦ୍ରାବାଦ:69 ତମ ଜାତୀୟ ଚଳଚ୍ଚିତ୍ର ପୁରସ୍କାର ବିଜେତାଙ୍କ ନାମ ଘୋଷଣା କରାଯାଇଛି। ଜାତୀୟ 2023 ରେ ଅନୁଷ୍ଠିତ ହେବାକୁ ଥିବା ପୁରସ୍କାରର 69 ତମ ସଂସ୍କରଣରେ ମୁଖ୍ୟତଃ 2021 ରେ ମୁକ୍ତିଲାଭ କରିଥିବା ଚଳଚ୍ଚିତ୍ରଗୁଡ଼ିକ ସାମିଲ କରାଯାଇଛି। ଦିଲ୍ଲୀର ନ୍ୟାସନାଲ ମିଡିଆ ସେଣ୍ଟରରେ ଏକ ସାମ୍ବାଦିକ ସମ୍ମିଳନୀ ମାଧ୍ୟମରେ ବିଜେତାଙ୍କ ନାଁ ଘୋଷିତ ହୋଇଛି। 31 ବର୍ଗର ଫିଚର ଚଳଚ୍ଚିତ୍ର, 24 ବର୍ଗ ନନ- ଫିଚର ଚଳଚ୍ଚିତ୍ର ଏବଂ ତିନୋଟି ଶ୍ରେଷ୍ଠ ଶ୍ରେଣୀ ପାଇଁ ପୁରସ୍କାର ଘୋଷଣା କରାଯାଇଛି। ଗଙ୍ଗୁବାଇ କାଠିଆୱାଡି ପାଇଁ ଆଲିଆ ଭଟ୍ଟ, ମିମି ପାଇଁ କ୍ରିତି ସାନନଙ୍କୁ ଶ୍ରେଷ୍ଠ ଅଭିନେତ୍ରୀ ପୁରସ୍କାର ମିଳିଥିବା ବେଳେ ପୁଷ୍ପା ପାଇଁ ଶ୍ରେଷ୍ଠ ଅଭିନେତା ଆୱାର୍ଡ ଅଲ୍ଲୁ ଅର୍ଜୁନଙ୍କୁ ପ୍ରଦାନ କରାଯାଇଛି।
ଏଠାରେ ବିଜେତାମାନଙ୍କର ସମ୍ପୂର୍ଣ୍ଣ ତାଲିକା ଦେଖନ୍ତୁ,
ଶ୍ରେଷ୍ଠ ଫିଚର ଚଳଚ୍ଚିତ୍ର: ରକଟ୍ରି: ନାମ୍ବି ଇଫେକ୍ଟ (ଆର ମାଧବନ୍ ଲିଡ୍ ଅଭିନେତା), ପ୍ରତୀକ୍ଷା (ଓଡ଼ିଆ)
ଶ୍ରେଷ୍ଠ ଅଭିନେତା: ଅଲୁ ଅର୍ଜୁନ (ପୁଷ୍ପା)
ଶ୍ରେଷ୍ଠ ଅଭିନେତ୍ରୀ: ଆଲିଆ ଭଟ୍ଟ (ଗଙ୍ଗୁବାଇ କାଠିଆୱାଡି) ଏବଂ କ୍ରିତି ସାନନ୍ (ମିମି)
ଶ୍ରେଷ୍ଠ ସହାୟକ ଅଭିନେତ୍ରୀ: ପଲ୍ଲଭି ଯୋଶୀ (କାଶ୍ମୀର ଫାଇଲ)
ଶ୍ରେଷ୍ଠ ସହାୟକ ଅଭିନେତା: ପଙ୍କଜ ତ୍ରିପାଠୀ (ମିମି)
ଶ୍ରେଷ୍ଠ ପୋଷାକ ଡିଜାଇନର୍ - ସର୍ଦ୍ଦାର ଉଧମ ସିଂ
ଶ୍ରେଷ୍ଠ ଗୁଜୁରାଟୀ ଚଳଚ୍ଚିତ୍ର- ଚେଲୋ ଶୋ
ଶ୍ରେଷ୍ଠ ଶିଶୁ କଳାକାର- ଭବିନ ରାବାରୀ (ଚେଲୋ ଶୋ)
ଶ୍ରେଷ୍ଠ କୋରିଓଗ୍ରାଫି: RRR
ଶ୍ରେଷ୍ଠ ସିନେମାଟୋଗ୍ରାଫି- ସର୍ଦ୍ଦାର ଉଧମ ସିଂ
ଶ୍ରେଷ୍ଠ ପୁରୁଷ ସିଙ୍ଗର- କାଲ ଭୈରବ (ଆରଆରଆର)
ଶ୍ରେଷ୍ଠ ହିନ୍ଦୀ ଚଳଚ୍ଚିତ୍ର - ସର୍ଦ୍ଦାର ଉଧମ ସିଂ
ଶ୍ରେଷ୍ଠ ଆସାମ ଚଳଚ୍ଚିତ୍ର- ଅନୁର
ଶ୍ରେଷ୍ଠ କନ୍ନଡ ଚଳଚ୍ଚିତ୍ର - 777 ଚାର୍ଲି
ଶ୍ରେଷ୍ଠ ବଙ୍ଗାଳୀ ଚଳଚ୍ଚିତ୍ର - କଲକୋଖୋ
ଶ୍ରେଷ୍ଠ ଗୁଜୁରାଟୀ ଚଳଚ୍ଚିତ୍ର -ଲାଷ୍ଟ ଫିଲ୍ମ ଶୋ
ଶ୍ରେଷ୍ଠ ମୈଥିଲୀ ଚଳଚ୍ଚିତ୍ର - ସାମନ୍ତରା
ଶ୍ରେଷ୍ଠ ମରାଠୀ ଚଳଚ୍ଚିତ୍ର - ଏକଦା କେ ଜାଲା
ଶ୍ରେଷ୍ଠ ମାଲାୟାଲମ୍ ଚଳଚ୍ଚିତ୍ର-ହୋମ୍
ଶ୍ରେଷ୍ଠ ମିସିଂ ଫିଲ୍ମ- ବୁମ୍ବା ରାଇଡ୍
ଶ୍ରେଷ୍ଠ ନିର୍ଦ୍ଦେଶକ - ସ୍ମାଇଲ୍ ଫ୍ଲିଜ୍ (ହିନ୍ଦୀ) ଚଳଚ୍ଚିତ୍ର ପାଇଁ ବକୁଆଲ୍ ମୈତିୟାନି
ସୂଚନା ଥାଉ କି, କଳା, ସଂସ୍କୃତି, ସିନେମା ଏବଂ ସାହିତ୍ୟ କ୍ଷେତ୍ରରେ ଉତ୍କୃଷ୍ଟ କାର୍ଯ୍ୟ କରିଥିବା କଳାକାରମାନଙ୍କୁ ଜାତୀୟ ଚଳଚ୍ଚିତ୍ର ପୁରସ୍କାର ପ୍ରଦାନ କରାଯାଇଥାଏ। ଦେଶରେ ସ୍ୱାଧୀନତା ପରେ କଳାକାରମାନଙ୍କୁ ଉତ୍ସାହିତ କରିବା ପାଇଁ ଏହା ଆରମ୍ଭ ହୋଇଥିଲା। ଏହି ପୁରସ୍କାରଗୁଡ଼ିକର ଉଦ୍ଦେଶ୍ୟ ମଧ୍ୟ ଭଲ ଚଳଚ୍ଚିତ୍ରର ଉତ୍ପାଦନକୁ ଉତ୍ସାହିତ କରିବା। ପୁରସ୍କାରକୁ ତିନୋଟି ଶ୍ରେଣୀରେ ବିଭକ୍ତ କରାଯାଇଛି - ଫିଚର, ନନ୍-ଫିଚର ଏବଂ ସିନେମାରେ ଶ୍ରେଷ୍ଠ ଲେଖା। ଭାରତର ମାନ୍ୟବର ରାଷ୍ଟ୍ରପତି ବିଜେତାମାନଙ୍କୁ ଏହି ପୁରସ୍କାର ପ୍ରଦାନ କରନ୍ତି। ଜାତୀୟ ଚଳଚ୍ଚିତ୍ର ପୁରସ୍କାରରେ ପ୍ରତ୍ୟେକ ବର୍ଗ ଆଧାରରେ ପୃଥକ ପୁରସ୍କାର ଦିଆଯାଏ, ଯାହା ସ୍ୱର୍ଣ୍ଣ କମଲ, ରଜତ କମଲ ନାମରେ ଜଣାଶୁଣା। କେତେକ ପୁରସ୍କାରରେ ନଗଦ ପୁରସ୍କାର ମଧ୍ୟ ବହନ କରୁଥିବାବେଳେ କେତେକ ବର୍ଗରେ କେବଳ ପଦକ ଦିଆଯାଏ।
ଏହା ମଧ୍ୟ ପଢନ୍ତୁ:'ରାମାୟଣ'ରେ ସୀତା ରୋଲ୍ କରିବେନି ଆଲିଆ ! ଏହି କାରଣରୁ ଛାଡିଲେ ଫିଲ୍ମ
