ହାଇଦ୍ରାବାଦ:ଜୋୟା ଅଖତର ଏବଂ ଫରହାନ ଅଖତରଙ୍କ ଫିଲ୍ମ 'ଜି ଲେ ଜରା'କୁ ନେଇ ଆଲୋଚନାରେ ରହିଛି । ଏହି ବହୁ ପ୍ରତୀକ୍ଷିତ ଚଳଚ୍ଚିତ୍ରରେ ପ୍ରିୟଙ୍କା ଚୋପ୍ରା ଜୋନାସ୍, କ୍ୟାଟ୍ରିନା କୈଫ ଏବଂ ଆଲିଆ ଭଟ୍ଟ ମୁଖ୍ୟ ଭୂମିକାରେ ନଜର ଆସିବେ । ତେବେ 2021 ମସିହାରେ ଫିଲ୍ମ ଘୋଷଣା ହେବା ଦିନ ଠାରୁ ଫ୍ୟାନ୍ସ ଫିଲ୍ମକୁ ନେଇ ବେଶ ଉତ୍ସାହିତ ଅଛନ୍ତି । ହେଲେ ବର୍ତ୍ତମାନ ସୁଦ୍ଧା ଫିଲ୍ମର ସୁଟିଂ ଆରମ୍ଭ ହୋଇନଥିବା ବେଳେ ସେପଟେ ପ୍ରିୟଙ୍କା ଏବଂ କ୍ୟାଟ୍ରିନା ଫିଲ୍ମ ଛାଡିବା ନେଇ ଚର୍ଚ୍ଚା ଜୋର ଧରିଥିଲା । ଏହାରି ମଧ୍ୟରେ ବର୍ତ୍ତମାନ ଜୋୟା ଅଖତର ଫିଲ୍ମକୁ ନେଇ ଏକ ଅପଡେଟ ସେୟାର କରିଛନ୍ତି।
ନିକଟରେ ଏକ ସାକ୍ଷାତକାରରେ ଜୋୟା ଅଖତରଙ୍କ ଫିଲ୍ମ 'ଜି ଲେ ଜାରା' ବିଷୟରେ ଏଠାରେ ଏକ ଅପଡେଟ ସେୟାର କରିଛନ୍ତି । ସେ ପ୍ରୋଜେକ୍ଟ ବାତିଲ ହୋଇଥିବା ଖବରକୁ ଖାରଜ କରିଦେଇଛନ୍ତି । ଏହି ଫିଲ୍ମ ନିର୍ମାତା କହିଛନ୍ତି, “ଆମେ କେବଳ ଅଭିନେତ୍ରୀମାନଙ୍କ ତାରିଖ ବା କାର୍ଯ୍ୟସୂଚୀକୁ ଅପେକ୍ଷା କରିଛୁ । ଏହି ଫିଲ୍ମଟି ବହୁତ ଭଲ ରହିଛି । ଏ ବର୍ଷ ଶେଷ ସୁଦ୍ଧା ଶୁଟିଂ ଆରମ୍ଭ କରିବୁ ।” ତେବେ ଫିଲ୍ମଟି ସମାନ କାଷ୍ଟରେ ନିର୍ମିତ ହେବ କି ନାହିଁ ବା ପ୍ରିୟଙ୍କା ଚୋପ୍ରା ଏହି ଫିଲ୍ମର ଅଂଶ ହେବେ କି ନାହିଁ ସେ ସ୍ପଷ୍ଟ କରିନାହାଁନ୍ତି ।