ZHZB Collection Day 21: ବିବାଦରେ ଆଦିପୁରୁଷ, ବାଜି ମାରିଲା ବିକି ସାରାଙ୍କ ଫିଲ୍ମ

'ଜରା ହଟକେ ଜରା ବଚକେ' 22 ଜୁନ୍ ରେ ବକ୍ସ ଅଫିସରେ 3 ସପ୍ତାହ ପୂରଣ କରିଛି । ଫିଲ୍ମଟି ବଜେଟରୁ ଅଧିକ ଆୟ କରି ସଫଳତା ହାସଲ କରିଛି । ନିକଟରେ ରିଲିଜ ହୋଇଥିବା ଆଦିପୁରୁଷକୁ ପଛରେ ପକାଇଛି ବିକି ସାରାଙ୍କ ଫିଲ୍ମ । ଅଧିକ ପଢନ୍ତୁ

ମୁମ୍ବାଇ: ଗୋଟିଏ ପଟେ ସାଉଥ ସୁପରଷ୍ଟାର ପ୍ରଭାସ ଏବଂ କ୍ରିତି ସାନନଙ୍କ ଅଭିନୀତ ଫିଲ୍ମ 'ଆଦିପୁରୁଷ' ବକ୍ସ ଅଫିସରେ ନଷ୍ଟ ହେବାକୁ ଯାଉଥିବା ବେଳେ ଅନ୍ୟ ପଟେ ବିକି କୌଶଲ ଏବଂ ସାରା ଅଲି ଖାନଙ୍କ ଫିଲ୍ମ 'ଜରା ହଟକେ ଜରା ବଚକେ' ଫିଲ୍ମ ମଧ୍ୟରେ ଏବେ କଡା ଟକ୍କର ଚାଲିଛି । ହେଲେ ବିବାଦରେ ଛନ୍ଦି ହୋଇଥିବା ଯୋଗୁଁ ଆଦିପୁରୁଷ ପ୍ରତି ଲୋକପ୍ରିୟତା କମିବାରେ ଲାଗିଛି । ସେପଟେ ବିକି ସାରାଙ୍କ ଲଭ କେମେଷ୍ଟ୍ରି ଲୋକଙ୍କୁ ବେଶ ପସନ୍ଦ ଆସୁଛି । ଜରା ହଟକେ ଜରା ବଚକେ ଫିଲ୍ମ ରିଲିଜ ହେବାର ତିନି ସପ୍ତାହ ବିତିଗଲାଣି ଏବଂ ଏହି ତିନି ସପ୍ତାହ ମଧ୍ୟରେ ଫିଲ୍ମ ଏହାର ବଜେଟ ମୂଲ୍ୟର ଦୁଇଗୁଣ ରୋଜଗାର କରିବାକୁ ଯାଉଛି । ବର୍ତ୍ତମାନ ଫିଲ୍ମ 72 କୋଟିରୁ ଅଧିକ ଆୟ କରିସାରିଲାଣି ।

ଜୁନ 2ରେ ରିଲିଜ କରିଥିଲା ବିକି ଏବଂ ସାରାଙ୍କ ଅଭିନୀତ ଫିଲ୍ମ 'ଜରା ହଟକେ ଜରା ବଚକେ' । 500 କୋଟିରେ ନିର୍ମିତ ଆଦିପୁରୁଷ ରିଲିଜ ସତ୍ତ୍ବେ ବକ୍ସ ଅଫିସରେ ଭଲ ପ୍ରଦର୍ଶନ କରିବାରେ ସଫଳ ହୋଇଛି ଫିଲ୍ମ 'ଜରା ହଟକେ ଜରା ବଚକେ' । ଆଦିପୁରୁଷଙ୍କ ଦୃଢ ବିରୋଧ ଏହି ଚଳଚ୍ଚିତ୍ରକୁ ବହୁତ ଲାଭ ଦେଉଛି ଏବଂ ଫିଲ୍ମର ରୋଜଗାର ଦିନକୁ ଦିନ ବଢୁଛି । 21 ତମ ଦିନରେ ବିକି ଏବଂ ସାରାଙ୍କ ଫିଲ୍ମ 1 କୋଟି ଟଙ୍କା ରୋଜଗାର କରିଛି ।

ଅନ୍ୟପକ୍ଷରେ, ଫିଲ୍ମଟି 20 ଦିନରେ 1.08 କୋଟି ଟଙ୍କା ବ୍ୟବସାୟ କରିଥିଲା । 21 ଦିନରେ ଜରା ହଟକେ ଜରା ବଚକେ 1କୋଟି ରୋଜଗାର କରିଛି । ଫଳରେ ଫିଲ୍ମର ମୋଟ ସଂଗ୍ରହ 72.46 କୋଟି ଟଙ୍କାକୁ ବୃଦ୍ଧି ପାଇଛି । 40 କୋଟି ଟଙ୍କା ବଜେଟରେ ନିର୍ମିତ ଏହି ଫିଲ୍ମ ବର୍ତ୍ତମାନ ଚତୁର୍ଥ ସପ୍ତାହରେ ପ୍ରବେଶ କରିଛି । ଏବଂ ଖୁବଶୀଘ୍ର ବଜେଟ ମୂଲ୍ୟର ଦ୍ବିଗୁଣା ରୋଜଗାର କରିବାକୁ ଯାଉଛି ।

ସୂଚନା ଥାଉ କି, 'ଜରା ହଟକେ ଜରା ବଚକେ' ରୋଜଗାର ଦୃଷ୍ଟିରୁ ଆଦିପୁରୁଷକୁ ପଛରେ ପକାଇଛି । ଆଦିପୁରୁଷ ଉଦଘାଟନୀ ଦିନରେ 88 କୋଟି ଟଙ୍କା ବ୍ୟବସାୟ କରିଥିଲା ଏବଂ ଜରା ହଟକେ ଜରା ବଚକେ 5.50 କୋଟି ଟଙ୍କା ସଂଗ୍ରହ କରିଥିଲା । ତେବେ ଆଦିପୁରୁଷଙ୍କ ତୃତୀୟ ଦିନର ଆୟ 75 ପ୍ରତିଶତ ହ୍ରାସ ପାଇଛି ଏବଂ ଅନ୍ୟ ପଟେ ଜରା ହଟକେ ଜରା ବଚକେ ଏହାର ଉଦଘାଟନ ସଂଗ୍ରହ ଏତେଟା ହ୍ରାସ ପାଇନାହାଁନ୍ତି । ଏହି ଫିଲ୍ମ ଏବେ କୋଟି କୋଟି ଟଙ୍କା ରୋଜଗାର କରୁଛି । ଆଗକୁ ମଧ୍ୟ ଫିଲ୍ମର ଆୟ ବଢିପାରେ ବୋଲି ଅନୁମାନ କରାଯାଉଛି ।