ହାଇଦ୍ରାବାଦ: ଆଉ ୪ ଦିନ ପରେ ଅପସରିଯିବା ୨୦୨୩ ବର୍ଷ । ଆସିବ ନୂଆବର୍ଷ ୨୦୨୪ । ତେବେ ଚଳିତ ବର୍ଷ ଫିଲ୍ମ ଷ୍ଟାରଙ୍କ ପାଇଁ ବେଶ ଖାସ୍ ରହିଥିଲା । କାରଣ କୋରୋନାର କରାଳ ସ୍ଥିତି ପରେ ବି ୨୦୨୨ରେ ଫିଲ୍ମ ଚାଲିଥିଲେ ସୁଦ୍ଧା ଏତେଟା ସଫଳ ହୋଇନଥିଲା । ତେବେ ବର୍ତ୍ତମାନ ୨୦୨୩ରେ ସ୍ଥିତି ସ୍ବଭାବିକ ରହିଥିବା ବେଳେ ଅନେକ ଫିଲ୍ମ ଚାଲିବା ସହ ଦର୍ଶକଙ୍କ ମଧ୍ୟରେ ଫିଲ୍ମକୁ ନେଇ ମଧ୍ୟ ଭିନ୍ନ କ୍ରେଜ ଦେଖିବାକୁ ମିଳିଥିଲା । ତେବେ ଏହି ତାରକା ମାନେ ପରଦାରେ ଧମକା କରିଛନ୍ତି ତାହା ନୁହେଁ ବରଂ ଓଟିଟିରେ ଡେବ୍ୟୁ କରକି ଦର୍ଶକଙ୍କ ମନ ଜିତିଛନ୍ତି । ବଲିଉଡ ଅଭିନେତ୍ରୀ କରୀନା କପୁର, ସାହିଦ କପୁର, ଧର୍ମେନ୍ଦ୍ରଙ୍କ ଠାରୁ ଆରମ୍ଭ କରି ସାଉଥ ଷ୍ଟାର ବିଜୟ ସେଥୁପଥୀ ତାରକା ଚଳିତ ବର୍ଷ ଓଟିଟିରେ ଡେବ୍ୟୁ କରିଛନ୍ତି ।
ଚଳିତ ବର୍ଷ ଓଟିଟରେ ଡେବ୍ୟୁ କରିଥିବା ତାରକା ଏବଂ ହିଟ୍ ସିରିଜ:
- ବିଜୟ ସେଥୁପଥୀ ଏବଂ ସାହିଦ କପୁର-ଫର୍ଜି
ଜବ୍ ୱି ମେଟ୍, କବୀର ସିଂ ଭଳି ହିଟ୍ ଫିଲ୍ମ ଦେଇଥିବା ବଲିଉଡ ଅଭିନେତା ସାହିଦ କପୁର ଏବଂ ସାଉଥ ତାରକା ବିଜୟ ସେଥୁପଥୀ ଚଳିତ ବର୍ଷ 'ଫର୍ଜି' ସହ ଓଟିଟିରେ ପାଦ ଦେଇଥିଲେ । ଏହି ସିରିଜ୍ରେ ତାଙ୍କ ବିପକ୍ଷରେ ସାଉଥ୍ ଅଭିନେତ୍ରୀ ରାଶି ଖନ୍ନା ମଧ୍ୟ ନଜର ଆସିଥିଲେ । ଏହି ସିରିଜ୍ ଫେବୃଆରୀ ୧୦, ୨୦୨୩ରେ ଷ୍ଟ୍ରିମିଂ ହୋଇଥିଲା । ଏବଂ ଏହାକୁ ନିର୍ଦ୍ଦେଶକ ରାଜ୍ ଆଣ୍ଡ୍ ଡିକେ ନିର୍ଦ୍ଦେଶନା ଦେଇଥିଲେ । ତେବେ ଚଳିତ ବର୍ଷର ସବୁଠାରୁ ଅଧିକ ଦେଖାଯିବା ସିରିଜ ମଧ୍ୟରେ ସିରିଜ ଭାବେ ସଫଳତା ସହ ଲୋକପ୍ରିୟତା ହାସଲ କରିଛି । ଏହି ସିରିଜ ପେବୃଆରୀ ୧୦, ୨୦୨୩ ଆମାଜନ ପ୍ରାଇମ ଭିଡିଓରେ ଷ୍ଟ୍ରିମିଂ ହୋଇଥିଲା ।
- ଅନୀଲ କପୁର ଏବଂ ଆଦିତ୍ୟ ରୟ କପୁର- ଦ ନାଇଟ ମ୍ୟାନେଜର
ବଲିଉଡ ଲୋକପ୍ରିୟ ଅଭିନେତା ଅନୀଲ କପୁର ଏବଂ ଆଦିତ୍ୟ ରୟ କପୁର ଥିଏଟର ପରେ ଓଟିଟିରେ ମଧ୍ୟ ଡେବ୍ୟୁ କରିଛନ୍ତି । ଉଭୟ 'ଦ ନାଇଟ ମ୍ୟାନେଜର' ଫିଲ୍ମ ସହ ଓଟିଟିରେ ପାଦ ଦେଇଥିଲେ । ଏହି ଫିଲ୍ମରେ ୬୬ ବର୍ଷ ବୟସରେ ଅନୀଲ ବେଡ୍ମ୍ୟାନ ଭୂମିକାରେ ନଜର ଆସିଥିଲେ । ଏବଂ ଆଦିତ୍ୟ ପୂର୍ବତନ ନୌସେନା ଅଫିସରର ସିକ୍ରେଟ୍ ଏଜେଣ୍ଟ୍ ଭାବେ ନଜର ଆସିଥିଲେ । ଏହି ସିରିଜ ଦର୍ଶକ ବେଶ ପସନ୍ଦ କରିଥିଲେ । ଏହି ସିରିଜ ୧୬ ଫେବୃଆରୀ ୨୦୨୩ରେ ଡିଜ୍ନି ପ୍ଲସ ହଟଷ୍ଟାରରେ ଷ୍ଟ୍ରିମିଂ ହୋଇଥିଲା ।
- ଧର୍ମେନ୍ଦ୍ର- ତାଜ: ଡିଭାଇଡେଡ ଦ ବ୍ଲଡ
୭୦-୮୦ ଦଶକର ସୁପରଷ୍ଟାର ଧର୍ମେନ୍ଦ୍ର ୮୮ ବର୍ଷ ବୟସରେ ଡିଜିଟାଲ ଦୁନିଆରେ ପାଦ ରଖିଥିଲେ । ସେ 'ତାଜ: ଡିଭାଇଡେଡ ଦ ବ୍ଲଡ' ଫିଲ୍ମ ସହ ଓଟିଟିରେ ମଧ୍ୟ ଡେବ୍ୟୁ କରିଛନ୍ତି । ଏହି ଫିଲ୍ମରେ ସେ ଶେଖ ସଲିମ ଚିସ୍ତି ଭୂମିକାରେ ନଜର ଆସିଥିଲେ । ତେବେ ଦୀର୍ଘ ଦଶନ୍ଧି ଧରି ପରଦାରେ ଧମାକା କରିଆସୁଥିବା ଏହି ଅଭିନେତା ଓଟିଟିରେ ମଧ୍ୟ ଦମଦାର ଅଭିନୟ କରି ଫ୍ୟାନ୍ସଙ୍କ ମନ ଜିତିଛନ୍ତି । ଏହି ସିରିଜ ୩ ମାର୍ଚ୍ଚ ୨୦୨୩ରେ ଜି୫ରେ ଷ୍ଟ୍ରିମିଂ ହୋଇଥିଲା ।
- ସୋନାକ୍ଷୀ ସିହ୍ନା-ଦାହାଡ଼
ୱେବ୍ ସିରିଜ୍ 'ଦାହାଡ଼' ସହ ଓଟିଟିରେ ପ୍ରଥମ ଥର ପାଇଁ ନଜର ଆସିଥିଲେ ଦବଙ୍ଗ ଅଭିନେତ୍ରୀ ସୋନାକ୍ଷୀ ସିହ୍ନା । ଏହି ସିରିଜରେ ସବ୍ ଇନ୍ସପେକ୍ଟର ଅଞ୍ଜଳି ଭାଟିଆ ଭୂମିକାରେ ସୋନାକ୍ଷୀ ସିହ୍ନା ନଜର ଆସିଥିଲେ । ଏହି ସିରିଜର ପୁରା କାହାଣୀରେ ଜଣେ ଅଫିସର କିପରି 27 ଝିଅଙ୍କ ହତ୍ୟା ମାମଲାର ସମାଧାନ କରିଛନ୍ତି । ଏହି ସିରିଜରେ ସୋନାକ୍ଷୀ ସିହ୍ନାଙ୍କ ବ୍ୟତୀତ ଗୁଲଶନ ଦେବୈୟା, ବିଜୟ ବର୍ମା ଏବଂ ସୋହମ ଶାହଙ୍କୁ ମୁଖ୍ୟ ଭୂମିକାରେ ଦେଖିବାକୁ ମିଳିବ । ମେ' ୧୨ରେ ସିରିଜ ରିଲିଜ ହୋଇଥିଲା ।
- କରୀନା କପୁର ଖାନ-ଜାନେ ଜାନ