ହାଇଦ୍ରାବାଦ: 2022 ବର୍ଷ ସରି ସରି ଯାଉଛି । ଚଳିତ ବର୍ଷ ସମସ୍ତଙ୍କୁ କିଛି ନା କିଛି ମିଠା-ଖଟା ସ୍ମୃତି ଏବଂ କିଛି ତିକ୍ତ ସ୍ମୃତି ମଧ୍ୟ ଦେଇଥିଲା । ଏହି ବର୍ଷ ତାରକାମାନଙ୍କ ପାଇଁ ମଧ୍ୟ ଉଭୟ ଭଲ ଏବଂ ଖରାପ ସ୍ମୃତି ଦେଇଥିଲା । 2022 ମସିହାରେ, କେବଳ ବଲିଉଡ କି ଓଲିଉଡରେ ନୁହେଁ ହଲିଉଡର ଅନେକ ତାରକା ମଧ୍ୟ ଏହି ଦୁନିଆକୁ ବିଦାୟ ଦେଇଥିଲେ, ଯାହା ସିନେମା ଜଗତ ଏବଂ ପ୍ରଶଂସକଙ୍କୁ ଚକିତ କରି ଦେଇଥିଲା ।
ୱିଲିୟମ୍ ହର୍ଟ
ଜଣାଶୁଣା ଅଭିନେତା ୱିଲିୟମ୍ ହର୍ଟ (William Hurt) ଅନେକ ସିନେମାରେ ବହୁତ ଭଲ କାମ କରିଥିଲେ । ସେ ଶୀର୍ଷ ନିର୍ଦ୍ଦେଶକଙ୍କ ସହ କାମ କରୁଥିବା ପାଇଁ ଜଣାଶୁଣା । 13 ମାର୍ଚ୍ଚ 2022 ରେ, ଅଭିନେତା ତାଙ୍କର 72 ତମ ଜନ୍ମଦିନର ଏକ ସପ୍ତାହ ପୂର୍ବରୁ ଏହି ଦୁନିଆକୁ ବିଦାୟ ଦେଇଥିଲେ ।
ଏନୀ ହେଚେ
ହଲିଉଡ ଅଭିନେତ୍ରୀ ଏନୀ ହେଚେ (Anne Heche)ଙ୍କ ମୃତ୍ୟୁ ସମସ୍ତଙ୍କୁ ଚକିତ କରି ଦେଇଥିଲା। ଅଗଷ୍ଟ 5 ରେ, ତାଙ୍କ କାର୍ ଲସ ଏଞ୍ଜେଲ୍ସରେ ଏକ ଜଳୁଥିବା କୋଠା ସହ ଧକ୍କା ହୋଇଥିଲା, ଗୋଟିଏ ସପ୍ତାହ ପରେ ଅଭିନେତ୍ରୀ ଅଗଷ୍ଟ 11 ରେ ଚିକିତ୍ସା ସମୟରେ ଶେଷ ନିଶ୍ୱାସ ତ୍ୟାଗ କରିଥିଲେ। ମୃତ୍ୟୁ ବେଳକୁ ତାଙ୍କୁ 53 ବର୍ଷ ବୟସ ହୋଇଥିଲା ।
ଜନ୍ ଷ୍ଟୋଲ୍
‘ଗେମ୍ସ ଅଫ୍ ଥ୍ରୋନ୍ସ'ରେ ରିକାର୍ଡ କାରଷ୍ଟର୍କଙ୍କ ଭୂମିକା ପାଇଁ ଜଣାଶୁଣା ଭେଟେରାନ୍ ଅଭିନେତା ଜନ୍ ଷ୍ଟୋଲ୍ (John Stahl) ମଧ୍ୟ ଚଳିତ ବର୍ଷ 68 ବର୍ଷ ବୟସରେ ଏହି ଦୁନିଆକୁ ବିଦାୟ ଦେଇଛନ୍ତି। 2022 ମାର୍ଚ୍ଚ 2 ରେ ସେ ଶେଷ ନିଶ୍ୱାସ ତ୍ୟାଗ କରିଥିଲେ।
ଜେସନ ଡେଭିନ୍
ହଲିଉଡ ଅଭିନେତା ତଥା ପାୱାର ରେଣ୍ଡର୍ସ ତାରକା ଜେସନ ଡେଭିନ୍ (Jason David Frank) ଚଳିତ ବର୍ଷ ନଭେମ୍ବର 19 ରେ ଏହି ଜଗତକୁ ବିଦାୟ ଦେଇଛନ୍ତି। ମୃତ୍ୟୁ ବେଳକୁ ତାଙ୍କୁ 49 ବର୍ଷ ବୟସ ହୋଇଥିଲା । ସେ ଆତ୍ମହତ୍ୟା କରିଥିବା ଜଣାଯାଇଛି। ଏହି ଖବର ଶୁଣି ତାଙ୍କ ସାଙ୍ଗ ଏବଂ ପ୍ରଶଂସକମାନେ ଗଭୀର ଭାବେ ଚକିତ ହୋଇଥିଲେ।
ରୟ ଲିଓଟା
ଆମେରିକାର ପ୍ରସିଦ୍ଧ ଅଭିନେତା ରୟ ଲିଓଟା (Ray Liotta) 26 ମଇ 2022 ରେ 67 ବର୍ଷ ବୟସରେ ଏହି ଜଗତକୁ ବିଦାୟ ଦେଇଥିଲେ। ରୟ ଲିଓଟା ୯୦ ଦଶକରେ ଲୋକପ୍ରିୟ ଅଭିନେତାଙ୍କ ମଧ୍ୟରୁ ଅନ୍ୟତମ । ଦମଦାର ଅଭିନୟ ପାଇଁ ଦର୍ଶକମାନେ ରୟ ଲିଓଟାଙ୍କୁ ଜାଣନ୍ତି । ସୂଚନା ଅନୁଯାୟୀ, ସେ ଡୋମିନିକନ୍ ରିପବ୍ଲିକରେ ଏକ ଫିଲ୍ମର ସୁଟିଂ କରୁଥିଲେ, ଶୋଇବା ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ ୬୭ ବର୍ଷ ବୟସ ହୋଇଥିଲା ।
ରୁଥ ମ୍ୟାଡୋକ୍
ହଲିଉଡ ଦୁନିଆରେ ରୁଥ ମ୍ୟାଡୋକ୍ (Ruth Madoc) ଏକ ବଡ ନାମ ଥିଲା । ସାଇଟକମ୍ ଟିଭି ଧାରାବାହିକ ହାଇ-ଡି-ହାଇ ପାଇଁ ଜଣାଶୁଣା ରୁଥ ମ୍ୟାଡୋକ୍ ଜଣେ ଅଭିନେତ୍ରୀ ତଥା ଜଣେ ଜଣାଶୁଣା ଗାୟକ ମଧ୍ୟ ଥିଲେ । ଏହି ଭେଟେରାନ୍ ଅଭିନେତ୍ରୀ 9 ଡିସେମ୍ବରରେ ବିଶ୍ୱକୁ ବିଦାୟ ଦେଇଥିଲେ ।
ଷ୍ଟିଫେନ୍ ବସ୍
ହଲିଉଡ ଜଗତର ପ୍ରସିଦ୍ଧ ଡ୍ୟାନ୍ସର, ଅଭିନେତା ତଥା ଡିଜେ ଷ୍ଟିଫେନ୍ ବସ୍ (Stephen Boss)ଙ୍କ ମୃତ୍ୟୁ ଖବର ଅତ୍ୟନ୍ତ ଚକିତ କରିଥିଲା। 13 ଡିସେମ୍ବର 2022 ରେ ଅଭିନେତାଙ୍କର ଦେହାନ୍ତ ହୋଇଥିଲା। ମିଡିଆ ରିପୋର୍ଟରେ କୁହାଯାଇଛି ଯେ ତାଙ୍କ ମୃତଦେହ ଲସ ଏଞ୍ଜେଲ୍ସର ଏକ ହୋଟେଲ ରୁମରେ ମିଳିଥିଲା।
ରୋନନ ବିବର୍ଟ
ହଲିଉଡ ସିନେମା ଭେଟେରାନ ଚଳଚ୍ଚିତ୍ର ତଥା ଟେଲିଭିଜନ ଅଭିନେତା ରୋନନ ବିବର୍ଟ (ronan vibert)ଙ୍କ ଦେହାନ୍ତ ହୋଇଛି । ଏହି ଅଭିନେତା ଦୀର୍ଘ ସମୟ ଧରି ଏକ ଗୁରୁତର ରୋଗ ସହ ସଂଘର୍ଷ କରୁଥିଲେ। ଦି ସ୍ନୋମ୍ୟାନ୍ ଚଳଚ୍ଚିତ୍ରରୁ ଅତୁଳନୀୟ ଲୋକପ୍ରିୟତା ହାସଲ କରିଥିବା ରୋନନ୍ ୫୮ ବର୍ଷ ବୟସରେ ଦୁନିଆ ବିଦାୟ ଜଣାଇଥିଲେ। ହଲିଉଡ୍ରେ ତାଙ୍କର ଦୀର୍ଘ କ୍ୟାରିଅର୍ ପାଇଁ ରୋନନ୍ ବିବର୍ଟ ଜଣାଶୁଣା । ସେ ବଡ ନିର୍ଦ୍ଦେଶକ ଏବଂ ଅଭିନେତାମାନଙ୍କ ସହିତ ସ୍କ୍ରିନ୍ ସେୟାର କରିଛନ୍ତି ।
