ମୁମ୍ବାଇ: ଜବରଦସ୍ତ ଆକ୍ସନ ସାଙ୍ଗକୁ ରୋମାନ୍ସ ପାଇଁ ସର୍ବଦା ଚର୍ଚ୍ଚାରେ ରହିଥାନ୍ତି କିଙ୍ଗ ଖାନ । ଅଭିନୟ ପାଇଁ ସେ ଫ୍ୟାନ୍ସଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ସୃଷ୍ଟି କରିପାରିଛନ୍ତି । ତେବେ ନିକଟରେ ଶାହରୁହଙ୍କ ଆଗାମୀ ଫିଲ୍ମ ପଠାନର ଟ୍ରେଲର ରିଲିଜ ହୋଇଥିବା ବେଳେ ବିବାଦ ଲାଗିରହିଛି । ତେବେ ଏହାରି ମଧ୍ୟରେ ଶାହରୁଖଙ୍କୁ ନେଇ ପୁଣି ସାମ୍ନାକୁ ଆସିଛି ଆଉ ଖୁସି ଖବର । ବିଶ୍ବର ଧନୀ ସ୍ଥାନରେ ପୁଣି ନିଜ ସ୍ଥାନ ପ୍ରତିପାଦନ କରିଛନ୍ତି । ଆପଣ ଜାଣିଛନ୍ତି କି ଶାହରୁଖ ଖାନଙ୍କ ସମ୍ପତ୍ତି କେତେ ? ତେବେ ବଲିଉଡ ବାଦଶାହ ଏବେ ବିଶ୍ବର ଚତୁର୍ଥ ଧନୀ ଅଭିନେତା ପାଲଟିଛନ୍ତି । ଏନେଇ ୱାର୍ଲଡ ଅଫ ଷ୍ଟାଟିଷ୍ଟିକ୍ସ ପକ୍ଷରୁ ଟ୍ବିଟକରି ସୂଚନା ଦିଆଯାଇଛି ।
ଏହି ଅନ୍ତର୍ଜାତୀୟ ତାରକାକୁ ପଛରେ ପକାଇଛନ୍ତି: ୱାର୍ଲଡ ଅଫ ଷ୍ଟାଟିଷ୍ଟିକ୍ସ ତରଫରୁ ବିଶ୍ବର ଧନୀ ତାଲିକା ପ୍ରକାଶ କରାଯାଇଛି । ତେବେ ନିଜର ରୋଜଗାର କ୍ଷେତ୍ରରେ କିଙ୍ଗ ଖାନ ବିଶ୍ବର ଚତୁର୍ଥ ଧନୀ ଅଭିନେତା ଭାବେ ରହିଛନ୍ତି । ହଲିଉଡ ସୁପରଷ୍ଟାର ଟମ କ୍ରୁଜ, ଜୈକି ଚେନ, ଜର୍ଜ କ୍ଲୁନି, ରୋବର୍ଟ ଡି ନିରୋ ମଧ୍ୟ ପଛରେ ପକାଇ ଦେଇଛନ୍ତି ।
କିଙ୍ଗ ଖାନଙ୍କ ସମ୍ପତ୍ତି:ଶାହରୁଖ ଖାନ ଫିଲ୍ମ ବ୍ୟତିତ ବିଜ୍ଞାପନ ଏବଂ ନିଜର ପ୍ରଡକ୍ସନ ହାଉସରୁ ଅନେକ ପଇସା କମେଇଥାନ୍ତି । କିଙ୍ଗ ଖାନଙ୍କର ଅନେକ ଦେଶରେ ସମ୍ପତ୍ତି ରହିଛି । ସେ ଆଇପିଏଲ ଟିମ କୋଲକତା ନାଇଟ ରାଇଡର୍ସର ମଧ୍ୟ ମାଲିକ ଅଟନ୍ତି । ଏହି ସମସ୍ତ କ୍ଷେତ୍ରରେ ଅର୍ଜନକୁ ମିଶାଇ ମୋଟ ୭୭୦ ମିଲିୟନ ଡଲାର ଏବଂ ଭାରତୀୟ ମୁଦ୍ରାରେ ୬୩୦୦ କୋଟି ଟଙ୍କାର ସମ୍ପତ୍ତି ରହିଛି ।