ହାଇଦ୍ରାବାଦ:ବଲିଉଡ ଅଭିନେତା ରଣବୀର କପୁର ଆଜିକାଲି ନିଜ ଆଗାମ ଫିଲ୍ମ ଆନିମଲର ଜୋରଦାର ପ୍ରମୋସନ କରୁଛନ୍ତି । ଏହି ସମୟରେ ସେ ମୁମ୍ବାଇର ୱାଙ୍ଖଡେ ଷ୍ଟାଡିୟମରେ ନିଜ ଫିଲ୍ମ ଆନିମଲ୍ର ପ୍ରମୋଟ କରିବାକୁ ପହଞ୍ଚିଛନ୍ତି । ଯେଉଁଠାରେ ଭାରତ ବନାମ ନ୍ୟୁଜିଲ୍ୟାଣ୍ଡ ସେମିଫାଇନାଲ ମ୍ୟାଚ ଅନୁଷ୍ଠିତ ହୋଇଛି । ଏହି ସମୟରେ ରଣବୀର ନିଜ ପ୍ରିୟ କ୍ରିକେଟରଙ୍କ ବିଷୟରେ ଖୁଲାସା କରିବା ସହ ବିରାଟ କୋହଲିଙ୍କ ଉପରେ ବାୟୋପିକ ନେଇ ପ୍ରତିକ୍ରିୟା ଦେଇଛନ୍ତି ।
ସୂଚନା ଅନୁସାରେ, 2019 ମସିହାରେ ଇଂଲଣ୍ଡରେ ଅନୁଷ୍ଠିତ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ସେମିଫାଇନାଲ ମ୍ୟାଚ୍ ଷ୍ଟାଡିୟମରେ ରଣବୀର କପୁରଙ୍କୁ ଦେଖିବାକୁ ମିଳିଥିଲା । ତେବେ ବର୍ତ୍ତମାନ ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ସେମିଫାଇନାଲ ମ୍ୟାଚ୍ ଦେଖିବାକୁ ପୁଣି ଥରେ ଷ୍ଟାଡିୟମରେ ପହଞ୍ଚିଛନ୍ତି ରଣବୀର କପୁର । ଅଭିନେତା ତାଙ୍କର ଆଗାମୀ ଚଳଚ୍ଚିତ୍ର ଆନିମଲର ପ୍ରମୋସନ ପାଇଁ ମଧ୍ୟ ଏଠାରେ ପହଞ୍ଚିଛନ୍ତି । ଏହି ସମୟରେ ରଣବୀର କପୁର କ୍ରୀଡ଼ା ସହ ଜଡିତ ଅନେକ ବିଷୟ ଆଲୋଚନା କରିଥିଲେ ଏବଂ ଟିମ୍ ଇଣ୍ଡିଆ କ୍ୟାପଟେନ ରୋହିତ ଶର୍ମାଙ୍କୁ ତାଙ୍କର ପ୍ରିୟ କ୍ରିକେଟର ବୋଲି କହିଥିଲେ । ରଣବୀର କହିଛନ୍ତି ଯେ ସେ ଜଣେ ମହାନ କ୍ରିକେଟର ।