ହାଇଦ୍ରାବାଦ:ବିଶ୍ବକପ 2023 ର ଫାଇନାଲରେ ଅଷ୍ଟ୍ରେଲିଆ ବିପକ୍ଷରେ ପ୍ରଶଂସନୀୟ ପ୍ରଦର୍ଶନ ସତ୍ତ୍ୱେ ଟିମ୍ ଇଣ୍ଡିଆ ପରାଜୟ ହୋଇଛି । ଏହାରି ମଧ୍ୟରେ ଟିମ୍ ଇଣ୍ଡିଆର ଦମଦାର ପ୍ରଦର୍ଶନକୁ ସମର୍ଥନ ଏବଂ ପ୍ରଶଂସା କରିଛନ୍ତି ବଲିଉଡରୁ ଓଲିଉଡ ତାରକା । କରୀନା କପୁର ଖାନ, ଶାହାରୁଖ ଖାନ, କାଜୋଲ, ଓଲିଉଡ ଅଭିନେତ୍ରୀ ଶୀତଲ ପାତ୍ର, ଅର୍ଚ୍ଚିତା ସାହୁ ଏବଂ ଅନୁ ଚୌଧୁରୀଙ୍କ ସମେତ ଅନେକ ବଲିଉଡ ଏବଂ ଓଲିଉଡ ସେଲିବ୍ରିଟିମାନେ ଟିମ ଭାରତର ସମର୍ଥନ କରିବା ସହ ଦମଦାର ପ୍ରଦର୍ଶନ ପାଇଁ ଶୁଭେଚ୍ଛା ଜଣାଇଛନ୍ତି ।
ବିଶ୍ୱକପ୍ ମ୍ୟାଚରେ ଟିମ୍ ଇଣ୍ଡିଆକୁ ହାରିବା ପରେ ସେଲିବ୍ରିଟିମାନେ ଭାରତୀୟ କ୍ରିକେଟ୍ ଖେଳାଳିଙ୍କ ପ୍ରଶଂସା କରିଛନ୍ତି । ଟିମ୍ ଇଣ୍ଡିଆକୁ ଚିୟରଅପ କରିବା ପାଇଁ ଷ୍ଟାଡିୟମରେ ଶାହରୁଖ ଖାନ, ଗୌରୀ ଖାନ, ରଣଭୀର ସିଂ, ଦୀପିକା ପାଦୁକୋନ, ଆୟୁଷ୍ମାନ ଖୁରାନା, ଏବଂ ସନାୟା କପୁର, ପ୍ରକୃତି ମିଶ୍ରଙ୍କ ସମେତ ବହୁ ସେଲିବ୍ରିଟି ଉପସ୍ଥିତ ଥିଲେ । ଯଦିଓ ଟିମ୍ ଇଣ୍ଡିଆ ଅଷ୍ଟ୍ରେଲିଆ ବିପକ୍ଷରେ ଭଲ ପ୍ରଦର୍ଶନ କରିଥିଲା, ତଥାପି ସେମାନେ ୬ ୱିକେଟରେ ଅଷ୍ଟ୍ରେଲିଆ ଟିମ ଭାରତକୁ ପରାଜୟ କରିଛି । ଏହି ପରାଜୟ ସତ୍ତ୍ବେ ଟିମ୍ ଇଣ୍ଡିଆର ଉଦ୍ୟମକୁ ପ୍ରଶଂସା କରିଛନ୍ତି ଏବଂ ବିଶ୍ୱକପ୍ 2023 ସମୟରେ ସେମାନଙ୍କ ଯାତ୍ରା ପାଇଁ ଗର୍ବ ଅନୁଭବ କରିଛନ୍ତି ।
ଓଲିଉଡ ଅଭିନେତ୍ରୀ ଶୀତଲ ପାତ୍ର ଟିମ ଇଣ୍ଡିଆର ଏକ ଫଟୋ ସେୟାର କରି ଲେଖିଛନ୍ତି, ଆମେ ରେକର୍ଡଗୁଡିକର ସାକ୍ଷୀ ।ଆମେ ଇତିହାସର ସାକ୍ଷୀ । ଉତ୍ସବ ପାଳନ କରିବାକୁ ତୁମେ ଆମକୁ ଅନେକ କାରଣ ଦେଇଛ । ଏବଂ ଯଦିଓ ଆମେ ଜିତିଲୁ ନାହିଁ, ତଥାପି ଆମେ ଗର୍ବିତ । ଧନ୍ୟବାଦ ଟିମ ଇଣ୍ଡିଆ ଚମତ୍କାର ଟୁର୍ଣ୍ଣାମେଣ୍ଟ ।' ସେହିପରି ଅଭିନେତ୍ରୀ ଅନୁ ଚୌଧୁରୀ ଲେଖିଛନ୍ତି, ଭଲ ଖେଳିଛ ଟିମ ଇଣ୍ଡିଆ । ସତରେ ତୁମେ ଚାମ୍ପିଆନ ।' ଅଭିନେତ୍ରୀ ଅର୍ଚ୍ଚିତା ସାହୁ ଲେଖିଛନ୍ତି, 'ଟିମ ଇଣ୍ଡିଆ ସବୁବେଳେ ସ୍ପେଶାଲ । ତୁମର ଦମଦାର ପ୍ରଦର୍ଶନ ଆମ ହାର୍ଟ ଜିତିଛ । ଆମେ ତୁମ ପାଇଁ ସର୍ବଦା ଗର୍ବିତ ।
ସେହିପରି ଅଭିନେତା ଶାହାରୁଖ ଖାନ ଏକ୍ସରେ ଲେଖିଛନ୍ତି, 'ଭାରତୀୟ ଦଳ ଏହି ଟୁର୍ଣ୍ଣାମେଣ୍ଟକୁ କିପରି ଖେଳିଛି ତାହା ଏକ ସମ୍ମାନର ବିଷୟ ଏବଂ ସେମାନେ ଦମଦାର ଏବଂ ନିଷ୍ଠା ପ୍ରଦର୍ଶନ କରିଛନ୍ତି । ଏହା ଏକ ଖେଳ ଏବଂ ସବୁବେଳେ ଗୋଟିଏ କିମ୍ବା ଦୁଇଟି ଖରାପ ଦିନ ରହିଥାଏ । ଦୁର୍ଭାଗ୍ୟବଶତଃ ଆଜି ଏହା ଘଟିଛି । କିନ୍ତୁ କ୍ରିକେଟ୍ ରେ ଆମର ଖେଳ ଐତିହ୍ୟ ପାଇଁ ଆମକୁ ଗର୍ବିତ କରିଥିବାରୁ ଟିମ୍ ଇଣ୍ଡିଆକୁ ଧନ୍ୟବାଦ । ଆପଣ ସମଗ୍ର ଭାରତକୁ ବହୁତ ଖୁସି ଆଣିଛନ୍ତି । ଭଲପାଇବା ଏବଂ ସମ୍ମାନ ତୁମେ ଆମକୁ ଗର୍ବିତ କରିଛ ।'