ହାଇଦ୍ରାବାଦ:ବଲିଉଡର ବାଦଶାହଙ୍କ ପତ୍ନୀ ଗୌରୀ ଖାନ ଏବଂ କିଙ୍ଗ ଖାନ ଶାହାରୁଖ ସୋସିଆଲ ମିଡିଆରେ ଏକ ସୁନ୍ଦର ପୋଷ୍ଟ ସେୟାର କରିଛନ୍ତି। ଗୌରୀ ଖାନ ମଧ୍ୟ ଏହି ପୋଷ୍ଟରେ ଦୁଇଟି ସୁନ୍ଦର ଫଟୋ ସେୟାର କରିଛନ୍ତି । ଏହି ଫଟୋଗୁଡ଼ିକ ମଧ୍ୟରୁ ଗୋଟିଏ ହେଉଛି ସୁହାନା ଖାନଙ୍କର । ଗୌରୀ ଖାନ ଏହି ପୋଷ୍ଟ ମାଧ୍ୟମରେ ଜଣାଇବାକୁ ଚେଷ୍ଟା କରିଛନ୍ତି, କେମିତି ତାଙ୍କ ଲାଡଲି ଝିଅ ସୁହାନା ମାତୃ ଦିବସ ଶୁଭେଚ୍ଛା ପଠାଇଛନ୍ତି ।
ଇଣ୍ଟେରିୟର ଡିଜାଇନର୍ ଗୌରୀ ଖାନ୍ ସୋସିଆଲ୍ ମିଡିଆରେ ପ୍ରାୟତଃ ସକ୍ରିୟ ଥାଆନ୍ତି । ସେ ତାଙ୍କ ଇନଷ୍ଟା ଓ୍ବାଲରେ କାମ ସହିତ ଜଡିତ ଭିଡିଓ ଏବଂ ଫଟୋ ସେୟାର କରନ୍ତି । ମାତୃ ଦିବସ ପରଦିନ ଅର୍ଥାତ ଆଜି ଗୌରୀ ଖାନଙ୍କ ଏହି ପୋଷ୍ଟ ଲାଇମଲାଇଟକୁ ଆସିଛି । ଗୌରୀ ଖାନ ଝିଅ ସୁହାନାର ଫଟୋ ସହିତ ଅନ୍ୟ ଏକ ଫଟୋ ସେୟାର କରିଛନ୍ତି, ଯେଉଁଥିରେ ସୁହାନା ଖାନ ତାଙ୍କୁ ମାତୃ ଦିବସରେ ଅଭିନନ୍ଦନ ଜଣାଇଛନ୍ତି ।