ହାଇଦ୍ରାବାଦ:ନୂଆବର୍ଷ ପାଳନ କରିବାକୁ ଅନେକ ସେଲିବ୍ରିଟି ଭ୍ୟାକସନରେ ବାହାର ଦେଶକୁ ଯାଇଥିଲେ । ଏଥି ମଧ୍ୟରେ ବଲିଉଡ ଅଭିନେତା ବିଜୟ ବର୍ମା ଏବଂ ଅଭିନେତ୍ରୀ ତମନ୍ନା ଭାଟ୍ଟିଆ ମଧ୍ୟ ନୂଆ ବର୍ଷ ପାଳନ କରିବାକୁ ଲଣ୍ଡନ ଯାଇଥିଲେ । ବର୍ତ୍ତମାନ ଏହି ଲଭବାର୍ଡ ଭ୍ୟାକସନରୁ ମୁମ୍ବାଇ ଫେରିଛନ୍ତି । ଆଜି ଏହି କପଲଙ୍କୁ ମୁମ୍ବାଇ ବିମାନବନ୍ଦରରେ ଏକାଠି ନଜର ଆସିଥିବା ବେଳେ ପାପରାଜିଙ୍କ ଆଗରେ ହାତଧରାଧରି ହୋଇ ପୋଜ ଦେଇଥିବା ଦେଖିବାକୁ ମିଳିଛି । ଉଭୟଙ୍କ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
ଇନଷ୍ଟାଗ୍ରାମରେ ଜମେ ପାପରାଜିଙ୍କ ଦ୍ବାରା ସେୟାର ହୋଇଥିବା ଭିଡିଓରେ ତମନ୍ନା ଏକ ଓଭର ସାଇଜ୍ ଆଉଟଫିଟ ଏବଂ ବ୍ଲାକ ଟି-ସାର୍ଟ ବ୍ଲାକ ଚଷମା ସହ ନଜର ଆସିଥିବା ବେଳେ ବିଜୟ ଏକ ବ୍ଲାକ ଟି-ସାର୍ଟ, ବ୍ଲାକ ଜ୍ୟାକେଟ ଏବଂ ବ୍ଲୁ ଡେନିମ୍ ପ୍ୟାଣ୍ଟରେ ନଜର ଆସିଥିଲେ । ଏହି ସମୟରେ ଉଭୟ ବେଶ ଖୁସିଥିବା ନଜର ଆସିଥିବା ବେଳେ ପାରାଜିଙ୍କ ଆଗରେ ହାତଧରାଧରି ହୋଇ ପୋଜ ଦେଇଥିବା ଦେଖିବାକୁ ମିଳିଛି । ସେପଟେ ତମନ୍ନା ନିଜ ଭ୍ୟାକେସନର ଅନେକ ଫଟୋ ନିଜ ଇନଷ୍ଟାଗ୍ରାମରେ ସେୟାର କରିଛନ୍ତି । ଯେଉଁଥିରେ ସେ ଖୁବ ମସ୍ତି କରୁଥିବା ନଜର ଆସିଛନ୍ତି । କେତେବେଳେ ଆଇସକ୍ରିମ ତ କେତେବେଳେ ପିଜା ଖାଉଥିବା ଆଉ କେତେବେଳେ କୋଲଡ୍ରିଙ୍କ ପିଉଥିବାର ନଜର ଆସିଛନ୍ତି ।