ହାଇଦ୍ରାବାଦ:ରଣବୀର କପୁର ଏବଂ ଆଲିଆ ଭଟ୍ଟ ବଲିଉଡ୍ର ଲୋକପ୍ରିୟ ଦମ୍ପତିଙ୍କ ମଧ୍ୟରେ ଅନ୍ୟତମ । ଏହି ଦମ୍ପତି ନିଜ ଅଭିନୟ କ୍ଷେତ୍ରରେ ସ୍ୱତନ୍ତ୍ର ପରିଚୟ ସୃଷ୍ଟି କରିବା ସହ ସଫଳ ତାରକା ହୋଇପାରିଛନ୍ତି । ରିଲ୍ ଲାଇଫ ପରି ରିଅଲ୍ ଲାଇଫରେ ମଧ୍ୟ ଏହି ଦମ୍ପତି ବେଶ ଚର୍ଚ୍ଚାରେ ରହିଥାଆନ୍ତି । ବର୍ତ୍ତମାନ ଏହି ଦମ୍ପତି ଝିଅ ରାହାକୁ ନେଇ ଶିରୋନାମାରେ ରହିଛନ୍ତି । ଗତକାଲି ଖ୍ରୀଷ୍ଟାମାସ ଅବସରରେ ବର୍ଷେ ପରେ ରଣବୀର-ଆଲିଆ ନିଜ ଝିଅ ରାହାଙ୍କ ଚେହେରା ଦେଖାଇଛନ୍ତି । ଏବେ ଖ୍ରୀଷ୍ଟମାସ ପରେ ନ୍ୟୁ-ୟର ସେଲିବ୍ରେସନ ପାଇଁ ବାହାରିଛନ୍ତି ଆଲିଆ-ରଣବୀର । ଏହି ସମୟରେ ଝିଅ ରାହା ମଧ୍ୟ ନଜର ଆସିଛନ୍ତି ।
ଏହି ଦମ୍ପତି କ୍ୟାମେରା ଆଗରେ ଆସି ପ୍ରିୟ ଝିଅ ରାହା କପୁରଙ୍କ ଚେହେରାକୁ ପ୍ରଥମ ଥର ପାଇଁ ଫ୍ୟାନ୍ସକୁ ଦେଖାଇଛନ୍ତି । ରାହାଙ୍କ ଲୁକ୍ ସାମ୍ନାକୁ ଆସିବା ମାତ୍ରେ ଷ୍ଟାର କିଡ୍ ଭାବେ ତାଙ୍କ ଫଟୋ ବେଶ ଭାଇରାଲ ହୋଇଛି । ଏବଂ ସମସ୍ତେ କ୍ୟୁଟ୍ ପରୀଙ୍କ ବେଶ ପ୍ରଶଂସା କରୁଥିବା ଦେଖିବାକୁ ମିଳିଛି । ତେବେ ଏବେ ଖ୍ରୀଷ୍ଟମାସ ପରେ ନୂଆ ବର୍ଷ ସେଲିବ୍ରେସନ ପାଇଁ ଝିଅ ରାହାଙ୍କ ସହ ବାହାରିଛନ୍ତି ଆଲିଆ-ରଣବୀର । ଏହି ଦମ୍ପତିଙ୍କୁ ମୁମ୍ବାଇ ବିମାନବନ୍ଦରରେ ଏକାଠି ଦେଖିବାକୁ ମିଳିଛି । ଏହି ସମୟରେ ଆଲିଆଙ୍କ ଝିଅ ରାହା କପୁର ମଧ୍ୟ ତାଙ୍କ କୋଳରେ ଶୋଇଥିବାର ନଜର ଆସିଛନ୍ତି ।