ଜୀବନକୁ ବାଜି ଲଗାଇ ଫ୍ୟାନ୍ସଙ୍କୁ ଭେଟିଲେ ବିଦ୍ୟୁତ୍, ଭିଡିଓ ଦେଖିଲେ ଉଡ଼ିବ ହୋସ୍‌

ବଲିଉଡ ଅଭିନେତା ବିଦ୍ୟୁତ ଜାମୱାଲଙ୍କ ଫଟୋ ଏବଂ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଏହି ଭିଡିଓ ଦେଖିଲେ ଆପଣଙ୍କର ବି ହୋସ୍‌ ଉଡିଯିବ । ଅଧିକ ପଢନ୍ତୁ

ମୁମ୍ବାଇ:ବିଦ୍ୟୁତ ଜାମୱାଲ ହେଉଛନ୍ତି ବଲିଉଡର ରିୟଲ ଲାଇଫ୍‌ ଆକ୍ସନ୍ ହିରୋ । କେବଳ ଚଳଚ୍ଚିତ୍ରରେ ନୁହେଁ ବାସ୍ତବ ଜୀବନରେ ସେ ରିୟଲ ଷ୍ଟଣ୍ଟ କରି ଲୋକଙ୍କ ହୋସ୍‌ ଉଡାନ୍ତି । ବିଦ୍ୟୁତଙ୍କ ଷ୍ଟାଇଲ ମଧ୍ୟ ପ୍ରଶଂସକଙ୍କୁ ତାଙ୍କ ଆଡକୁ ଆକର୍ଷିତ କରିଥାଏ । କେବଳ ସେତିକି ନୁହେଁ, ବିଦ୍ୟୁତ୍ ପ୍ରଶଂସକଙ୍କୁ ବହୁତ ଭଲ ପାଆନ୍ତି ଏବଂ ତାଙ୍କ ପାଇଁ ସେ କିଛି ବି ପାରିବେ । ବର୍ତ୍ତମାନ ସେ ଏମିତି କିଛି କାମ କରିଛନ୍ତି, ଯାହାକୁ ଦେଖିଲେ ଆପଣ ବି ଆଶ୍ଚର୍ଯ୍ୟ ହୋଇଯିବେ । ଯାହାର ଫଟୋ ଏବଂ ଭିଡିଓ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି ।

ଭାଇରାଲ ହେଉଛି ଭିଡିଓ

ବିଦ୍ୟୁତ ଜାମୱାଲ ତାଙ୍କ ସୋସିଆଲ ମିଡିଆ ଆକାଉଣ୍ଟ ଇନଷ୍ଟାଗ୍ରାମରେ ଏକ ଭିଡିଓ ସେୟାର କରିଛନ୍ତି । ଭିଡିଓରେ ଆପଣ ଦେଖିବେ ଯେ ବିଦ୍ୟୁତ ବିଲଡିଂର ଉପରେ ଥାଇ ଜଣେ ଶ୍ରମିକଙ୍କ ସହ କଥା ହେଉଛନ୍ତି । ସେହି ଶ୍ରମିକ ଜଣକ ତାଙ୍କର ବହୁତ ବଡ ଫ୍ୟାନ୍‌ ବୋଲି କହିଥିଲେ । ଏହି ସମୟରେ ଅଭିନେତା ପଚାରିଛନ୍ତି କି, ଆପଣ ମୋର କେଉଁ କେଉଁ ଫିଲ୍ମ ଦେଖିଛନ୍ତି... ପ୍ରଶଂସକ କୁହନ୍ତି, ହଁ ସବୁ ଦେଖିଛୁ ‘ତୁମେ ସବୁଥିରେ ଷ୍ଟଣ୍ଟ କର’। ତା’ପରେ ବିଦ୍ୟୁତ କହିଛନ୍ତି- ତୁମେ ତ ରିଅଲ୍‌ରେ ଷ୍ଟଣ୍ଟ କରୁଛ । ରିଅଲ୍‌ ହିରୋ… ମୋ ସହ ଫଟୋ ଉଠାଇବ...?

ଏହା ପରେ ବିଦ୍ୟୁତ୍ ସେହି ଲୁହା ରଡ ଉପରେ ଚଢି ସେହି ଶ୍ରମିକ ପାଖକୁ ଯାଇଥିଲେ । ଭିଡିଓ ସୁଟ୍ କରୁଥିବା ବ୍ୟକ୍ତି ଅଭିନେତାଙ୍କୁ ମନା କରିବା ସତ୍ତ୍ବେ ବି ବିଦ୍ୟୁତ ତାଙ୍କ ଫ୍ୟାନ୍‌ ପାଖକୁ ଯାଇ ଫଟୋ ସେଲ୍‌ଫି କ୍ଲିକ୍‌ କରିଥିଲେ । ବିଦ୍ୟୁତ ଏସବୁ କରୁଥିବା ଦେଖି ସେ ଆଶ୍ଚର୍ଯ୍ୟ ହୋଇଯାଇଥିଲେ। ସେ ଅଭିନେତାଙ୍କୁ ଧନ୍ୟବାଦ ଜଣାଇଥିଲେ । ବିଦ୍ୟୁତ୍ ମଧ୍ୟ ସେହି ବ୍ୟକ୍ତିଙ୍କ ହାତକୁ କିସ୍‌ କରିଥିଲେ । କହିବାକୁ ଗଲେ, ଏହି ଭିଡିଓଟି ସଂପୂର୍ଣ୍ଣ ରୂପେ ରିସ୍କ ଷ୍ଟଣ୍ଟରେ ପରିପୂର୍ଣ୍ଣ ଥିଲା।

ଅଭିନେତାଙ୍କ ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ସମସ୍ତେ ତାଙ୍କର ପ୍ରଶଂସା କରୁଛନ୍ତି । ତାଙ୍କ ପରି ବଡ଼ ହୃଦୟ ଥିବା କୌଣସି ଅଭିନେତା ନାହାନ୍ତି ବୋଲି ପ୍ରଶଂସକମାନେ କମେଣ୍ଟରେ ଲେଖିଛନ୍ତି । ଆଉ କେହି କେହି ବିଦ୍ୟୁତଙ୍କୁ ପ୍ରକୃତ ହିରୋ ବୋଲି କହିଛନ୍ତି ।

ବ୍ୟୁରୋ ରିପୋର୍ଟ, ଇଟିଭି ଭାରତ