ହାଇଦ୍ରାବାଦ:ବିଦ୍ୟୁତ ଜାମୱାଲ (Vidyut Jammwal)ଙ୍କ ନାମ ବଲିଉଡର ସବୁଠାରୁ ଫିଟ୍ ଏବଂ ହ୍ୟାଣ୍ଡସମ୍ ଅଭିନେତାଙ୍କ ମଧ୍ୟରେ ଗଣାଯାଏ । ବିଦ୍ୟୁତ ପ୍ରତିବର୍ଷ 10 ଡିସେମ୍ବରରେ ତାଙ୍କ ଜନ୍ମଦିନ ପାଳନ କରନ୍ତି। ବିଦ୍ୟୁତ୍ ତାଙ୍କର ଫିଜିକ୍ ଏବଂ ବିପଜ୍ଜନକ ଷ୍ଟଣ୍ଟ ପାଇଁ ପ୍ରଶଂସକଙ୍କ ମଧ୍ୟରେ ପ୍ରସିଦ୍ଧ । ଆସନ୍ତୁ ଜାଣିବା ତାଙ୍କ ଜନ୍ମଦିନରେ ଅଭିନେତାଙ୍କ ସହିତ ଜଡିତ କିଛି ଖାସ୍ କଥା ।
ବିଦ୍ୟୁତ 1980 ମସିହାରେ ଏକ ଆର୍ମି ପରିବାରରେ ଜନ୍ମଗ୍ରହଣ କରିଥିଲେ । ତାଙ୍କ ପିତା ସେନାରେ ଥିଲେ, ଏହି କାରଣରୁ ଅଭିନେତା ଅନେକ ସହରରେ ଶିକ୍ଷା ଲାଭ କରିଥିଲେ । ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ମାତ୍ର ତିନି ବର୍ଷ ବୟସରେ ସେ କେରଳର ପଲକ୍କଡ ଆଶ୍ରମରେ କଲାରିପୟଟ୍ଟୁ ଶିଖିବା ଆରମ୍ଭ କରିଥିଲେ । ଏହାକୁ କେବଳ ତାଙ୍କ ମାଆ ପରିଚାଳନା କରିଥିଲେ। ପରେ, ସେ ମାର୍ଶଲ ଆର୍ଟ ମଧ୍ୟ ମହାରତ୍ନ ହାସଲ କରିଥିଲେ । ବିଦ୍ୟୁତ୍ ବର୍ତ୍ତମାନ ପର୍ଯ୍ୟନ୍ତ 25 ରୁ ଅଧିକ ଦେଶରେ ଲାଇଭ୍ ଆକ୍ସନ୍ ସୋ' ମାଧ୍ୟମରେ ଲୋକମାନଙ୍କୁ ନିଜର ପ୍ରତିଭା ପ୍ରଦର୍ଶନ କରିଛନ୍ତି । ଚଳଚ୍ଚିତ୍ରରେ ମଧ୍ୟ ସେ ତାଙ୍କର ଆକ୍ସନ୍ ଦୃଶ୍ୟକୁ ଏକ ଚମତ୍କାର ଢଙ୍ଗରେ କରନ୍ତି।
ଏହା ବି ପଢନ୍ତୁ:ଆରପାରିରେ ପଦ୍ମଶ୍ରୀ ପୁରସ୍କାର ପ୍ରାପ୍ତ ବିଶିଷ୍ଟ କଣ୍ଠଶିଳ୍ପୀ ସୁଲୋଚନା ଚୌହାନ
ବିଦ୍ୟୁତ୍ ଚଳଚ୍ଚିତ୍ରରେ ପ୍ରବେଶ କରିବା ପୂର୍ବରୁ ଏକ ମଡେଲ୍ ଭାବରେ ତାଙ୍କର କ୍ୟାରିଅର୍ ଆରମ୍ଭ କରିଥିଲେ । ଏହା ପରେ ସେ ଅଭିନୟ ଜଗତରେ ପ୍ରବେଶ କଲେ । ତାଙ୍କର ପ୍ରଥମ ଚଳଚ୍ଚିତ୍ର ଥିଲା 'ଶକ୍ତି', ଯାହା ତାମିଲ ଭାଷାରେ ଥିଲା। ଏହା 2012 ରେ ମୁକ୍ତିଲାଭ କରିଥିଲା । ସେହି ବର୍ଷ ସେ ବଲିଉଡରେ ପାଦ ଦେଇଥିଲେ। ଏହି ଚଳଚ୍ଚିତ୍ରର ନାମ ଥିଲା 'ଫୋର୍ସ', ଯେଉଁଥିରେ ଜନ୍ ଅବ୍ରହାମ ମୁଖ୍ୟ ଭୂମିକାରେ ଥିଲେ। ବିଦ୍ୟୁତ୍ ତାଙ୍କର ପ୍ରଥମ ହିନ୍ଦୀ ଚଳଚ୍ଚିତ୍ର ସହିତ ଲୋକଙ୍କ ହୃଦୟ ଜିତିଥିଲେ । ଏହି ଚଳଚ୍ଚିତ୍ରରେ ତାଙ୍କର ଅଭିନୟ ଭଲ ଭାବରେ ଗ୍ରହଣ କରାଯାଇଥିଲା, ଯେଉଁଥିପାଇଁ ସେ ଶ୍ରେଷ୍ଠ ଡେବ୍ୟୁ ପାଇଁ ଫିଲ୍ମଫେୟାର ପୁରସ୍କାର ମଧ୍ୟ ପାଇଥିଲେ ।
'ଫୋର୍ସ' ପରେ ତାଙ୍କୁ ଅନେକ ଚଳଚ୍ଚିତ୍ରରେ ଜବରଦସ୍ତ ଆକ୍ସନ୍ କରୁଥିବା ଦେଖିବାକୁ ମିଳିଥିଲା । ସେ 'ବୁଲେଟ୍ ରାଜା', 'କମାଣ୍ଡୋ', 'କମାଣ୍ଡୋ ୨', 'ଜଙ୍ଗଲି', 'ବାଦଶାହୋ', 'କମାଣ୍ଡୋ 3' ','ଖୁଦା ହାଫିଜ୍ 'ଭଳି ଚଳଚ୍ଚିତ୍ରରେ ତାଙ୍କର ଅଭିନୟ ଦକ୍ଷତା ପ୍ରଦର୍ଶନ କରିଛନ୍ତି। ତାଙ୍କର ଆଗାମୀ ପ୍ରୋଜେକ୍ଟ ବିଷୟରେ କହିବାକୁ ଗଲେ ଅଭିନେତା ଖୁବ୍ ଶୀଘ୍ର 'ଶେର୍ ସିଂ ରାଣା' ଏବଂ 'କ୍ରାକ୍'ରେ ନଜର ଆସିବେ । ଲୋକମାନେ ଦୀର୍ଘ ସମୟ ଧରି ଏହି ଦୁଇଟି ଚଳଚ୍ଚିତ୍ରକୁ ଅପେକ୍ଷା କରି ରହିଛନ୍ତି ।
