ହାଇଦ୍ରାବାଦ:ବଲିଉଡ ଅଭିନେତ୍ରୀ ବିଦ୍ୟା ବାଲାନଙ୍କ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଯେଉଁଥିରେ ତାଙ୍କୁ ବିମାନବନ୍ଦରରେ ଜଣେ ୧୦-୧୨ ବର୍ଷର ଝିଅଙ୍କ ସହ ଦେଖିବାକୁ ମିଳିଛି । ଏହି ଭିଡିଓ ଭାଇରାଲ ହେବା ମାତ୍ରେ ସେ ବିଦ୍ୟାଙ୍କ ଝିଅ ବୋଲି ଚର୍ଚ୍ଚା ଜୋର ଧରିଥିଲା । ଏହି ରୁମର୍ ଖବର ମଧ୍ୟରେ ବର୍ତ୍ତମାନ ବିଦ୍ୟା ଏନେଇ ପ୍ରତିକ୍ରିୟା ଦେଇଛନ୍ତି ।
ଏକ ପାପାରାଜିଙ୍କ ଆକାଉଣ୍ଟରେ ସେୟାର ହୋଇଥିବା ଏକ ଭିଡିଓରେ ବିଦ୍ୟା ବାଲାନଙ୍କୁ ଜଣେ ଝିଅଙ୍କ ସହ ଦେଖିବାକୁ ମିଳିଥିଲା । ଏବଂ ଭିଡିଓର କ୍ୟାପସନରେ ବିଦ୍ୟା ନିଜ କ୍ୟୁଟ ଝିଅ ସହ ବୋଲି ଲେଖାଥିଲା । ଯାହା ପରେ ନେଟିଜେନ୍ସମାନେ ପ୍ରତିକ୍ରିୟା ଦେବା ସହ ତାଙ୍କର ସିକ୍ରେଟ ଝିଅଙ୍କ ବିଷୟରେ ଜାଣିବାକୁ ଉତ୍ସାହିତ ଥିଲେ । ଏହି ରୁମର ଖବର ମଧ୍ୟରେ ବର୍ତ୍ତମାନ ଅଭିନେତ୍ରୀ ଏନେଇ ଖୁଲାସା କରିଛନ୍ତି ।
ବିଦ୍ୟା ବାଲାନ ଏକ ସାକ୍ଷାତକାରରେ ସିକ୍ରେଟ ଝିଅଙ୍କ ରୁମର ଖବରକୁ ନେଇ ସ୍ପଷ୍ଟୀକରଣ ଦେଇଛନ୍ତି । ସେ କହିଛନ୍ତି, ସେ ମୋର ଝିଅ ନୁହଁ ବରଂ ସେ ମୋ ଭଉଣୀଙ୍କ ଝିଅ । ତାଙ୍କର ଜାଆଁଳା ସନ୍ତାନ ଅଛନ୍ତି । ଗୋଟିଏ ପୁଅ ରୁହାନ ଏବଂ ଇରା । ବିଦ୍ୟା ସେମାନଙ୍କୁ ତାଙ୍କର "ଟ୍ବିନ୍ ଲାଇଫ୍ ଲାଇନ୍" ବୋଲି କୁହନ୍ତି ଏବଂ ସେମାନଙ୍କୁ ମାଆ ଭଳି ଭଲପାଇବା ଦିଅନ୍ତି । ସୂଚନା ଥାଉ କି, ବିଦ୍ୟା ବାଲନ ଫିଲ୍ମ ନିର୍ମାତା ସିର୍ଦ୍ଦାର୍ଥ ରୟ କପୁରଙ୍କୁ ବିବାହ କରିଛନ୍ତି । ଏହି ଦମ୍ପତିଙ୍କ ବିବାହକୁ ୧୧ ବର୍ଷ ବିତିଥିଲେ ସୁଦ୍ଧା ଅଭିନେତ୍ରୀ ବର୍ତ୍ତମାନ ଯାଏଁ ମା' ହୋଇନାହାନ୍ତି ।