ମୁମ୍ବାଇ : ଶାହରୁଖ ଖାନ (Shah Rukh Khan) କେବଳ ବଲିଉଡରେ ନୁହେଁ, ସାରା ବିଶ୍ବର ଲୋକଙ୍କ ହୃଦୟରେ ରାଜ୍ କରିଥାନ୍ତି । ଏହି କାରଣରୁ ତାଙ୍କୁ ବଲିଉଡର ବାଦଶାହ କୁହାଯାଏ । ଗତକାଲି ନଭେମ୍ବର 2 ରେ ଶାହାରୁଖ ଖାନ ତାଙ୍କର 57 ତମ ଜନ୍ମଦିନ ପାଳନ କରିଥିଲେ। କିଙ୍ଗ ଖାନଙ୍କ ଜନ୍ମଦିନରେ କେବଳ ଦେଶ ନୁହେଁ ବିଦେଶରେ ମଧ୍ୟ ତାଙ୍କ ପ୍ରଶଂସକଙ୍କ ମଧ୍ୟରେ ଉତ୍ସବ ପରି ମୋହାଲ ସୃଷ୍ଟି ହୋଇଥିଲା। ଶାହାରୁଖ ଖାନଙ୍କ ଜନ୍ମଦିନ ପାଳନ କରିବାକୁ ଦେଶର କୋଣ ଅନୁକୋଣରୁ ଅଭିନେତାଙ୍କ ପ୍ରଶଂସକମାନେ ମୁମ୍ବାଇରେ ପହଞ୍ଚିଥିଲେ, ଯେଉଁଠାରେ କିଙ୍ଗ ଖାନ ମଧ୍ୟ ତାଙ୍କ ପ୍ରଶଂସକଙ୍କୁ ଖୋଲାଖୋଲି ସ୍ୱାଗତ କରିଥିଲେ। ସେ ତାଙ୍କ ପ୍ରଶଂସକଙ୍କ ପାଇଁ ଏକ ଇଭେଣ୍ଟ ମଧ୍ୟ ଆୟୋଜନ କରିଥିଲେ, ଯେଉଁଠାରେ ସେ ତାଙ୍କ ପ୍ରଶଂସକଙ୍କ ସହିତ ପରିଚିତ ହୋଇଥିଲେ । ଏହି ଘଟଣାର ଏକ ସୁନ୍ଦର ଭିଡିଓ ବର୍ତ୍ତମାନ ଚର୍ଚ୍ଚାରେ ଅଛି ।
ଶାହାରୁଖ ଖାନଙ୍କୁ ସାମ୍ନାକୁ ଦେଖି ତାଙ୍କ ପ୍ରଶଂସକମାନେ ଖୁସିରେ ଝୁମିଉଠିଥିଲେ। ସେମାନଙ୍କ ମଧ୍ୟରୁ ଜଣେ ଭାଗ୍ୟଶାଳୀ ମହିଳା ଫ୍ୟାନ୍ସ ଷ୍ଟେଜକୁ ଆସିଥିଲେ ଏବଂ ଏମିତି କିଛି କହିଥିଲେ ଯାହାକୁ ଶୁଣି ଶାହାରୁଖ ମଧ୍ୟ ଭାବପ୍ରବଣ ହୋଇଯାଇଥିଲେ । ସଙ୍ଗେ ସଙ୍ଗେ ପ୍ରଶଂସକଙ୍କୁ ଆଲିଙ୍ଗନ କରିଥିଲେ। ଶାହାରୁଖ ଏବଂ ତାଙ୍କ ପ୍ରଶଂସକଙ୍କର ଏହି ସୁନ୍ଦର ଭିଡିଓ ବର୍ତ୍ତମାନ ଭାଇରାଲ ହେଉଛି । ଅନେକ ୟୁଜର ଏହି ଭିଡିଓ ସେୟାର କରିଛନ୍ତି ଏବଂ କିଙ୍ଗ ଖାନଙ୍କୁ ପ୍ରଶଂସା କରୁଛନ୍ତି ।
ସୋସିଆଲ ମିଡିଆରେ ସେୟାର କରାଯାଇଥିବା ଭିଡିଓରେ ଶାହାରୁଖ ଖାନ ଏକ ଅଡିଟୋରିୟମରେ ନଜର ଆସିଛନ୍ତି। ସେ ତାଙ୍କର ଜଣେ ପ୍ରଶଂସକଙ୍କ ସହ ମଞ୍ଚରେ ଅଛନ୍ତି। ଇଭେଣ୍ଟ ସମୟରେ ସେହି ମହିଳା ଫ୍ୟାନ୍ସ ଆଣ୍ଠୁମାଡି କିଙ୍ଗ ଖାନଙ୍କ ପାଇଁ ଏକ ସୁନ୍ଦର ଲାଇନ୍ କୁହନ୍ତି । ସେ କୁହନ୍ତି- 'ନା ହିନ୍ଦୁ, ନା ମୁସଲମାନ ... ଇଏ ଆମ ଶାହାରୁଖ ଖାନ।' ପ୍ରଶଂସକଙ୍କଠାରୁ ଏହା ଶୁଣି କିଙ୍ଗ ଖାନ ଆଗକୁ ଯାଇ ତାଙ୍କୁ ଆଲିଙ୍ଗନ କରିଥିଲେ ।