Chaava: ଅଶ୍ବ ଚାଳନା କଲେ ବିକି କୌଶଲ, ଆଗାମୀ ଫିଲ୍ମ ପ୍ରସ୍ତୁତିର ଦେଖାଇଲେ ଝଲକ

ନିର୍ଦ୍ଦେଶକ ଲକ୍ଷ୍ମଣ ଉତ୍ତେକରଙ୍କ ଆଗାମୀ ଫିଲ୍ମ ଛାଭାରେ ନଜର ଆସିବେ ଅଭିନେତା ବିକି କୌଶଲ । ବର୍ତ୍ତମାନ ସେ ସୋସିଆଲ ମିଡିଆରେ ତାଙ୍କ ଚଳଚ୍ଚିତ୍ର ପାଇଁ ଘୋଡା ଚଳାଉଥିବାର ଝଲକ ସେୟାର କରିଛନ୍ତି । ଅଧିକ ପଢନ୍ତୁ

ହାଇଦ୍ରାବାଦ:ଚଳଚ୍ଚିତ୍ର ନିର୍ଦ୍ଦେଶକ ଲକ୍ଷ୍ମଣ ଉତ୍ତେକରଙ୍କ 'ଛାଭା' ନାମକ ଏକ ପ୍ରୋଜେକ୍ଟରେ ନଜର ଆସିବେ ବଲିଉଡ ଅଭିନେତା ବିକି କୌଶଲ । ଅଭିନେତା ବିକି ସୋସିଆଲ ମିଡିଆରେ ଫିଲ୍ମର ସୁଟିଂ ପାଇଁ ତାଙ୍କ ପ୍ରସ୍ତୁତିର ଝଲକ ସେୟାର କରିଛନ୍ତି । ଏହି ଚଳଚ୍ଚିତ୍ରରେ ବିକି ମୁଖ୍ୟ ଭୂମିକାରେ ଅଭିନୟ କରିଥିବା ବେଳେ ସାଉଥ ଅଭିନେତ୍ରୀ ରଶ୍ମିକା ମନ୍ଦନା ତାଙ୍କ ବିପକ୍ଷରେ ନଜର ଆସିବେ । ତେବେ ପ୍ରଥମ ଥର ପାଇଁ ଏହି ଫିଲ୍ମ ସହ ଉଭୟ ଏକାଠି ସ୍କ୍ରିନ ସେୟାର କରିବାକୁ ଯାଉଛନ୍ତି ।

ଘୋଡା ଚଳାଇଲେ ବିକି କୌଶଲ

ବିକି କୌଶଲ ତାଙ୍କ ଇନଷ୍ଟାଗ୍ରାମ ଷ୍ଟୋରୀରେ ଏକ ଭିଡିଓ ସେୟାର କରି ଫିଲ୍ମ 'ଛାଭା'ର ସୁଟିଂ ପାଇଁ ତାଙ୍କ ପ୍ରସ୍ତୁତିର ଝଲକ ଦେଖାଇଛନ୍ତି । ଏହି କ୍ଲିପ୍‌ରେ, ୩୫ବର୍ଷୀୟ ଅଭିନେତା ଏକ ହ୍ବାଇଟ ରଙ୍ଗର ଅଶ୍ବ ଚାଳନା କରୁଥିବା ନଜର ଆସିଛନ୍ତି । ସୁଟିଂ ପ୍ରକ୍ରିୟା ଆରମ୍ଭ କରିବା ପୂର୍ବରୁ ଅଭିନେତା ଘୋଡ଼ା ଚାଳନା ପ୍ରଶିକ୍ଷଣ ନେଉଥିବା ଜଣାପଡିଛି । ସୂଚନା ଥାଉ କି, ଦୀନେଶ ଭାଇଜାନଙ୍କ ମ୍ୟାଡକ୍ ଫିଲ୍ମସ୍ ଦ୍ୱାରା ନିର୍ମିତ ହୋଇଥିବା ଫିଲ୍ମ 'ଛାଭା' ଆସନ୍ତା ବର୍ଷ ଡିସେମ୍ବର 6 ରେ ପରଦାରେ ରିଲଜ ହେବ । ମ୍ୟାଡକ୍ ଫିଲ୍ମସ୍ ଚଳିତ ମାସ ଆରମ୍ଭରେ ଆଗାମୀ ଫିଲ୍ମ ଛାଭାର ରିଲିଜ୍ ତାରିଖ ନିଶ୍ଚିତ କରିଛନ୍ତି ।

ବିକି କୌଶଲ ଏବଂ ଲକ୍ଷ୍ମଣ ଉତ୍ତେକର ପୂର୍ବରୁ ଫିଲ୍ମ ଜରା ହଟକେ ଜରା ବଚକେରେ କାମ କରିସାରିଛନ୍ତି । ଜରା ହଟକେ ଜରା ବଚକେର ନିର୍ଦ୍ଦେଶନା ଲକ୍ଷ୍ମଣ ଉତ୍ତେକର ଦେଇଥିବା ବେଳେ ବିକି ଏଥିରେ ମୁଖ୍ଯ ଭୂମିକାରେ ଅଭିନୟ କରିଥିଲେ । ଏବଂ ତାଙ୍କ ବିପକ୍ଷରେ ବଲିଉଡ ଅଭିନେତ୍ରୀ ସାରା ଅଲି ଖାନ ଅଭିନୟ କରିଥିଲେ । ଏହି ଫିଲ୍ମ ସହ ବିକି ଏବଂ ସାରା ପ୍ରଥମ ଥର ସ୍କ୍ରିନ ସେୟାର କରିଥିଲେ । ଏହା ବେଶ ଲୋକପ୍ରିୟତା ହାସଲ କରିଥିଲା । ବର୍ତ୍ତମାନ ରଶ୍ମିକା ସହ ବିକି ଛାଭା ସହ ସ୍କ୍ରିନ ସେୟାର କରିବାକୁ ଯାଉଛନ୍ତି ।

ଏହା ମଧ୍ୟ ପଢନ୍ତୁ:କ୍ୟାଟ୍ରିନା କୈଫଙ୍କ ସହ ସମ୍ପର୍କକୁ ନେଇ ବିକିଙ୍କ ଖୁଲାସା, ଏମିତି କ୍ୟାଟ୍ରିନାଙ୍କ ପ୍ରେମରେ ପଡିଥିଲେ

ତେବେ ଛାଭାଙ୍କ ବ୍ୟତୀତ ବିକି ନିର୍ଦ୍ଦେଶକ ମେଘନା ଗୁଲଜାରଙ୍କ ଫିଲ୍ମ ସାମ ବାହାଦୂର ଏବଂ ଏକ ଆଖ୍ୟାବିହୀନ ଚଳଚ୍ଚିତ୍ର ସହ ଅନ୍ୟ ଏକ ରୋମାଞ୍ଚକର ପ୍ରୋଜେକ୍ଟ ରହିଛି । ତ୍ରିପ୍ତି ଡିମ୍ରି । ଅନ୍ୟପକ୍ଷରେ, ରଶ୍ମିକା ମନ୍ଦାନା ରଣବୀର କପୁରଙ୍କ ବିପକ୍ଷରେ ଆନିମଲରେ ନଜର ଆସିବେ । ଏଥିସହ ସେ ପ୍ୟାନ୍ ଇଣ୍ଡିଆ ଚଳଚ୍ଚିତ୍ର ପୁଷ୍ପା ୨ରେ ମଧ୍ୟ ଅଲ୍ଲୁ ଅର୍ଜୁନଙ୍କ ସହ ନଜର ଆସିବେ ।