ହାଇଦ୍ରାବାଦ: ପୁରୁଣା ବର୍ଷ 2022 ସରି ସରି ଯାଉଥିବାବେଳେ ସିନେମା ଇଣ୍ଡଷ୍ଟ୍ରିରୁ ପୁଣି ଏକ ଦୁଃଖଦ ଖବର ସାମ୍ନାକୁ ଆସିଛି । ବଲିଉଡର ପ୍ରଖ୍ୟାତ ନିର୍ମାତା ନିତିନ ମନମୋହନଙ୍କର ଆଜି (29 ଡିସେମ୍ବର) ଦେହାନ୍ତ (Nitin Manmohan Death) ହୋଇଛି । ଗତ କିଛି ଦିନ ତଳେ ହୃଦଘାତରେ ପୀଡିତ ହେବା ପରେ ନିତିନ ମନମୋହନଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତାଙ୍କ ଅବସ୍ଥା ଗୁରୁତର ଥିବାରୁ ତାଙ୍କୁ ଭେଣ୍ଟିଲେଟରରେ ମଧ୍ୟ ରଖାଯାଇଥିଲା ।
ବଲିଉଡକୁ ଝଟ୍କା, ହୃଦଘାତରେ ଆଖି ବୁଜିଲେ ପ୍ରଖ୍ୟାତ ଚଳଚ୍ଚିତ୍ର ନିର୍ମାତା ନିତିନ ମନମୋହନ
ବଲିଉଡର ପ୍ରଖ୍ୟାତ ନିର୍ମାତା ନିତିନ ମନମୋହନଙ୍କର ଆଜି ଦେହାନ୍ତ (Nitin Manmohan Death) ହୋଇଛି । ଅଧିକ ପଢନ୍ତୁ
ନିତିନ ମନମୋହନଙ୍କ ଦେହାନ୍ତ
ନିକଟରେ ପ୍ରକାଶିତ ସୂଚନା ଅନୁଯାୟୀ, ଡିସେମ୍ବର 3 ତାରିଖ ସନ୍ଧ୍ୟାରେ ନିର୍ମାତା ହୃଦଘାତରେ ପୀଡିତ ହୋଇଥିଲେ, ପରେ ତାଙ୍କୁ ତୁରନ୍ତ କୋକିଲା ଧୀରୁଭାଇ ଅମ୍ବାନୀ ଡାକ୍ତରଖାନାରେ ଭର୍ତ୍ତି କରାଯାଇଥିଲା । ତାଙ୍କ ଅବସ୍ଥା ଅତ୍ୟନ୍ତ ଗୁରୁତର ଥିବାରୁ ନିତିନ ମନମୋହନଙ୍କୁ ଭେଣ୍ଟିଲେଟରରେ ରଖାଯାଇଥିଲା । ହେଲେ ଶେଷରେ ଆଜି ସେ ଶେଷ ନିଶ୍ବାସ ତ୍ୟାଗ କରିଛନ୍ତି ।
ନିତିନ ମନମୋହନ ତାଙ୍କ କ୍ୟାରିୟରରେ ଅନେକ ମହାନ ଚଳଚ୍ଚିତ୍ର ନିର୍ମାଣ କରିଥିଲେ । 'ବୋଲ୍ ରାଧା ବୋଲ୍', 'ଲାଡଲା', 'ଦସ୍' ଭଳି ସୁପରହିଟ୍ ଚଳଚ୍ଚିତ୍ରର ନିର୍ମାତା ମନମୋହନ ମଧ୍ୟ ସଲମାନ ଖାନଙ୍କ ଫିଲ୍ମ 'ରେଡି' ପ୍ରସ୍ତୁତ କରିଥିଲେ । ଉଲ୍ଲେଖନୀୟ କଥା ହେଉଛି, ନିତିନ ହେଉଛନ୍ତି ବଲିଉଡର ପ୍ରସିଦ୍ଧ ଅଭିନେତା ମନମୋହନଙ୍କ ପୁଅ । ମନମୋହନ 'ବ୍ରହ୍ମଚାରି', 'ଗୁମନାମ୍' ଏବଂ 'ନୟା ଜମାନା' ଭଳି ଚଳଚ୍ଚିତ୍ର ପାଇଁ ଜଣାଶୁଣା । ତାଙ୍କ ପିତାଙ୍କ ପରି ନିତିନ ମଧ୍ୟ ଫିଲ୍ମ ଇଣ୍ଡଷ୍ଟ୍ରି ସହିତ ଜଡିତ ଥିଲେ।