ହାଇଦ୍ରାବାଦ: ସାହିଦ କପୁର କେବଳ ଜଣେ ଦକ୍ଷ ଅଭିନେତା ଭାବରେ ନୁହେଁ ବରଂ ବଲିଉଡର ଜଣେ ଜବରଦସ୍ତ ଡ୍ୟାନ୍ସର ଭାବରେ ମଧ୍ୟ ଜଣାଶୁଣା । ତାଙ୍କ ପରଫମାନ୍ସ ତାଲିକାରେ ଅନେକ ଲୋକପ୍ରିୟ ଡ୍ୟାନ୍ସ ଅଛି ଯାହା କ୍ରମାଗତ ଭାବରେ ଦର୍ଶକଙ୍କୁ ଆକର୍ଷିତ କରିଥାଏ । ନିକଟରେ ସାହିଦ କପୁର ଏକ ଆଗାମୀ ଇଭେଣ୍ଟ ପାଇଁ ତାଙ୍କ ଡ୍ୟାନ୍ସ ରିହର୍ସାଲର ଏକ ଝଲକ ସେୟାର କରିଥିଲେ । ଯେଉଁଥିରେ ସେ ଅଭିନେତ୍ରୀ କିଆରା ଆଡଭାନୀଙ୍କ ସହ ମେଗାଷ୍ଟାର ଅମିତାଭ ବଚ୍ଚନଙ୍କ ଲୋକପ୍ରିୟ ଗୀତ ‘‘ଜୁମ୍ମା ଚୁମ୍ମା’’ରେ ଡ୍ୟାନ୍ସ କରୁଥିବାର ନଜର ଆସିଛନ୍ତି । ଏହି ଡ୍ୟାନ୍ସ ରିହର୍ସାଲ ସମୟରେ ଅଭିନେତା ବରୁଣ ଧାୱନ, ଟାଇଗର ଶ୍ରଫ, ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଣ୍ଡିଜ ଏବଂ ଅନ୍ୟ ତାରକାମାନେ ଉତ୍ସାହର ସହିତ ତାଙ୍କ ସହ ଯୋଗ ଦେଇଥିଲେ ।
କିଆରାଙ୍କ ସହ ଜମ୍ମା ଚୁମ୍ମାରେ ନାଚିଲେ ସାହିଦ
ଅକ୍ଟୋବର 6, ଶୁକ୍ରବାର ଦିନ ସାହିଦ କପୁର ତାଙ୍କ ଇନଷ୍ଟାଗ୍ରାମ ଫଲୋଅର୍ସଙ୍କ ପାଇଁ ଦୋହାରେ ହେବାକୁ ଥିବା ଗ୍ରାଣ୍ଡ ଇଭେଣ୍ଟ ପଛର ଏକ ଖାସ୍ ଝଲକ ସେୟାର କରିଛନ୍ତି । ଏକ ଆକର୍ଷଣୀୟ ଭିଡିଓରେ ସାହିଦ ତାଙ୍କ କବୀର ସିଂ ସହ-ତାରକା କିଆରା ଆଡଭାନୀଙ୍କ ସମେତ ବଲିଉଡର ସେଲିବ୍ରିଟିମାନଙ୍କ ସହ ନିଜର ରିହର୍ସାଲ ପ୍ରଦର୍ଶନ କରିଥିଲେ । ଅଭିନେତ୍ରୀ ଜ୍ୟାକଲିନ୍ ଫର୍ଣ୍ଣାଣ୍ଡିଜ୍ ମଧ୍ୟ ପୁରା ଉତ୍ସାହର ସହିତ ଅଭ୍ୟାସରେ ଯୋଗ ଦେଇଥିଲେ । ଏହା ବ୍ୟତୀତ ବରୁଣ ଧାୱନ, ଟାଇଗର ଶ୍ରଫ ଏବଂ ଅନ୍ୟମାନେ ମଧ୍ୟ ଭାଇରାଲ ଭିଡିଓରେ ନଜର ଆସିଥିଲେ ।