ମୁମ୍ବାଇ:ସାରା ଅଲି ଖାନ ଏକ ଭିଡିଓ ସେୟାର କରି ତାଙ୍କର ଆଗାମୀ ଫିଲ୍ମ 'ଏ ୱତନ… ମେରେ ୱତନ' (Sara Ali Khan Ae Watan Ae Mere Watan) ଘୋଷଣା କରିଛନ୍ତି । ବରୁଣ ଧାୱନ ମଧ୍ୟ ଏହି ଫିଲ୍ମର ଘୋଷଣାକୁ ସାରାଙ୍କ 'ନମସ୍ତେ ଦର୍ଶକ' ଷ୍ଟାଇଲରେ ଟ୍ବିଷ୍ଟ ଦେଇଛନ୍ତି । ସାରା ଏବଂ ବରୁଣ ଏକାଠି 'କୁଲି ନମ୍ବର 1'ରେ କାମ କରିଥିଲେ । ସାରାଙ୍କ ଫିଲ୍ମ ଏକ ଆମାଜନ ପ୍ରାଇମ ଅରିଜିନାଲ ହେବ । ସାରା ଏହି ଚଳଚ୍ଚିତ୍ରରେ ନିର୍ଭୀକ ସ୍ୱାଧୀନତା ସଂଗ୍ରାମୀ ଭୂମିକାରେ ଅଭିନୟ କରିବେ, 1942 ମସିହାରେ ଭାରତ ଛାଡ ଆନ୍ଦୋଳନର ପୃଷ୍ଠଭୂମିରେ ଏକ କାଳ୍ପନିକ କାହାଣୀ । ସାରା ତାଙ୍କ ସୋସିଆଲ ମିଡିଆ ଆକାଉଣ୍ଟରେ ବରୁଣଙ୍କ ଏହି ଭିଡିଓ ସେୟାର କରିଛନ୍ତି ।
'ଏ ୱତନ୍… ମେରେ ୱତନ୍' ରେ ସାରା ଅଲି ଖାନ ମୁଖ୍ୟ ଭୂମିକାରେ ଅଭିନୟ କରିବେ । ବରୁଣ ଧାୱନ ତାଙ୍କ ସିଗ୍ନେଚର ଷ୍ଟାଇଲରେ ଏହାର ଖୁଲାସା କରିଛନ୍ତି । ତେବେ ଏହି ଘଟଣାର କାହାଣୀ ପ୍ରକୃତ ଘଟଣା ଦ୍ୱାରା ଅନୁପ୍ରାଣିତ ହୋଇଛି । ସାରା ଅଲି ଖାନ ସେୟାର କରିଥିବା ଭିଡିଓରେ ବରୁଣ ଧାୱନ ବହୁତ ଉତ୍ସାହିତ ଥିବା ଦେଖାଯାଉଛି । ସେ କହିଛନ୍ତି, “ମୁଁ ଆପଣଙ୍କ ପାଇଁ ବିଗ୍ ନ୍ୟୁଜ୍ ଆଣିଛି । ଆମାଜନ ଭିଡିଓରେ ଏକ ନୂଆ ଫିଲ୍ମ ଆସୁଛି ଯେଉଁଥିରେ ସୁନ୍ଦର, ଅମୃତା ସିଂଙ୍କ ସ୍କ୍ବେୟାର ରୁଟ ସାରା ଅଲି ଖାନ ମୁଖ୍ୟ ଭୂମିକାରେ ଅଛନ୍ତି ।''
ଖୁବ ଶୀଘ୍ର ପ୍ରକାଶ ପାଇବ ସାରାଙ୍କ ଲୁକ