ହାଇଦ୍ରାବାଦ: ବଲିଉଡ ଚଳଚ୍ଚିତ୍ର ଅଭିନେତା ବରୁଣ ଧାୱନ ଏବଂ କ୍ରିତି ସାନନଙ୍କ ଫିଲ୍ମ 'ଭେଡିଆ' (Bhediya) ଆସନ୍ତା ବର୍ଷ ନଭେମ୍ବର 25 ରେ ପ୍ରେକ୍ଷାଳୟରେ ମୁକ୍ତିଲାଭ କରିବ । ଏହି ଚଳଚ୍ଚିତ୍ରର ନିର୍ମାତା ଦୀନେଶ ଭିଜନ ଏବଂ ଅମର କୌଶିକ ଏହାର ନିର୍ଦ୍ଦେଶନା ଦେଇଛନ୍ତି । ଗତକାଲି ଫିଲ୍ମ ନିର୍ମାତା ଫିଲ୍ମର ଏକ ଟିଜର ରିଲିଜ କରି ଟ୍ରେଲରର ତାରିଖ ଘୋଷଣା କରିଛନ୍ତି । ଫିଲ୍ମର ଟ୍ରେଲର 19 ଅକ୍ଟୋବରରେ ମୁକ୍ତିଲାଭ କରିବ । ଫିଲ୍ମ 'ଭେଡିଆ' ଏକ ହରର୍-କମେଡି ଫିଲ୍ମ ।
Bhediya Trailer Date: ଭେଡିଆର ଭୟାନକ ଟିଜର ରିଲିଜ୍, ଜାଣନ୍ତୁ କେବେ ଆସିବ ଟ୍ରେଲର
ଗତକାଲି ଫିଲ୍ମ ନିର୍ମାତା ଫିଲ୍ମ ଭେଡିଆର ଏକ ଟିଜର ରିଲିଜ ହୋଇଛି । ଅଧିକ ପଢନ୍ତୁ
ଭେଡିଆର ଭୟାନକ ଟିଜର ରିଲିଜ୍, ଜାଣନ୍ତୁ କେବେ ଆସିବ ଟ୍ରେଲର
ଏହି ଚଳଚ୍ଚିତ୍ରର ସ୍କ୍ରିପ୍ଟକୁ ନିରେନ ଭଟ୍ଟ ଲେଖିଛନ୍ତି । ନିରେନ ଭଟ୍ଟ ୱେବ୍ ସିରିଜ୍ ଅସୁର (Web series asur) ଏବଂ ପ୍ରସିଦ୍ଧ ଟିଭି ସୋ ତାରକ ମେହେଟ୍ଟା କା ଓଲଟା ଚଷମା ପାଇଁ ଜଣାଶୁଣା । ଭେଡ଼ିଆର ନିର୍ମାତାମାନେ ସୋସିଆଲ ମିଡିଆ ଜରିଆରେ ଫିଲ୍ମର ନୂଆ ରିଲିଜ୍ ତାରିଖ ଏବଂ ଫିଲ୍ମର ପ୍ରଥମ ଲୁକ୍ ପୋଷ୍ଟର ରିଲିଜ୍ କରିଛନ୍ତି ।
ଫିଲ୍ମର ପୋଷ୍ଟରରେ ଲେଖାଯାଇଛି କି, ଆସନ୍ତୁ ଆସନ୍ତା ବର୍ଷ ଏହି ତାରିଖରେ ସାକ୍ଷାତ କରିବା । ଏହି ଚଳଚ୍ଚିତ୍ରରେ ବରୁଣ ଧାୱନଙ୍କ ସହ କ୍ରିତି ସାନନ୍ ମଧ୍ୟ ମୁଖ୍ୟ ଭୂମିକାରେ ଅଛନ୍ତି । ଭେଡିଆ ଫିଲ୍ମ 25 ନଭେମ୍ବର 2022ରେ ସାରା ବିଶ୍ବ ସିନେମା ଘରେ ମୁକ୍ତିଲାଭ କରିବ ।ଏହି ଚଳଚ୍ଚିତ୍ରର ସୁଟିଂ ଚଳିତ ବର୍ଷ ମାର୍ଚ୍ଚରେ ଅରୁଣାଚଳ ପ୍ରଦେଶର ଜିରୋ ସହରରେ ଆରମ୍ଭ ହୋଇଥିଲା । ସ୍ତ୍ରୀ ଏବଂ ରୁହିଙ୍କ ପରେ ହରର୍-କମେଡି ବର୍ଗରେ ନିର୍ମାତା ଦୀନେଶ ଭିଜନଙ୍କ ଏହା ତୃତୀୟ ଚଳଚ୍ଚିତ୍ର । ଭଜନ କହିଛନ୍ତି, ଯେବେଠାରୁ ଆମେ ଭେଡିଆ ସ୍କ୍ରିପ୍ଟରେ କାମ କରିବା ଆରମ୍ଭ କରିଥିଲୁ, ଆମେ ଜାଣିଥିଲୁ ଯେ ଆମ ଚଳଚ୍ଚିତ୍ର ମିଷ୍ଟର ଏକ୍ସ ଷ୍ଟୁଡିଓର ପାରଦର୍ଶିତା ଆବଶ୍ୟକ କରିବ। ନିର୍ମାତାମାନେ ପୂର୍ବରୁ ଫିଲ୍ମର ଟିଜର ରିଲିଜ କରିଥିଲେ । ଯେଉଁଥିରେ ଜଣେ ବ୍ୟକ୍ତିଙ୍କୁ ଭେଡିଆ ବା ଗଧିଆରେ ପରିଣତ ହୋଇଥିବା ଦେଖାଯାଇଥିଲା ।