ହାଇଦ୍ରାବାଦ: ପୁଣି ଥରେ ଚର୍ଚ୍ଚାରେ ଉର୍ବଶୀ ରୌତେଲା ( Urvashi Rautela ) । ଏଥର ମଧ୍ୟ ଉର୍ବଶୀ କ୍ରିକେଟର ଋଷଭ ପନ୍ତଙ୍କ ପାଇଁ ଚର୍ଚ୍ଚାକୁ ଆସିଛନ୍ତି । ଆଜି (ଅକ୍ଟୋବର 4) ରେ ଋଷଭ ପନ୍ତ ତାଙ୍କର 25 ତମ ଜନ୍ମଦିନ ପାଳନ କରୁଛନ୍ତି । ସୋସିଆଲ ମିଡିଆରେ ତାଙ୍କୁ ଅନେକ ଅଭିନନ୍ଦନ ବାର୍ତ୍ତା ମିଳୁଛି । ଏହି ସମସ୍ତ ବାର୍ତ୍ତାଗୁଡ଼ିକ ମଧ୍ୟରୁ ଗୋଟିଏ ସବୁଠାରୁ ଖାସ୍ ରହିଛି । ଏହି ଶୁଭେଚ୍ଛା ବାର୍ତ୍ତା ବର୍ତ୍ତମାନ ସୋସିଆଲ ମିଡିଆରେ ଟ୍ରେଣ୍ଡ କରୁଛି । ବଲିଉଡ ଅଭିନେତ୍ରୀ ଉର୍ବଶୀ ରୌତେଲା ଋଷଭ ପନ୍ତଙ୍କୁ (Rishabh Pant ) ଏକ ଖାସ୍ ଅନ୍ଦାଜରେ ଜନ୍ମଦିନ ଶୁଭେଚ୍ଛା ଜଣାଇଛନ୍ତି । ସେ ପନ୍ତଙ୍କ ପାଇଁ ଏକ ଭିଡିଓ ସେୟାର କରିଛନ୍ତି, ଯେଉଁଥିରେ ସେ ଫ୍ଲାଇଙ୍ଗ କିସ୍ ଦେଉଥିବାର ନଜର ଆସିଛନ୍ତି ।
ଏହି ଭିଡିଓରେ ଉର୍ବଶୀ ଏକ ଲାଲ୍ ପୋଷାକରେ ବହୁତ ସୁନ୍ଦର ଦେଖାଯାଉଛନ୍ତି । ପ୍ରାରମ୍ଭରେ ସେ ନିଜର ସୁନ୍ଦର ଅନ୍ଦାଜ ସହିତ ଅଭିବ୍ୟକ୍ତି ଦେଉଛନ୍ତି ଏବଂ ତା’ପରେ ତାଙ୍କୁ ଫ୍ଲାଇଙ୍ଗ୍ କିସ୍ ଦେଉଥିବାର ନଜର ଆସିଛନ୍ତି । ଏହି ଭିଡିଓର କ୍ୟାପସନରେ ସେ କେବଳ 'Happy Birthday 🎈……' ଲେଖିଛନ୍ତି। ଏଠାରେ ସେ କାହାର ନାମ ଉଲ୍ଲେଖ କରିନାହାଁନ୍ତି । ପ୍ରକାଶ ଥାଉକି, ଗତ କିଛି ସପ୍ତାହ ଧରି ଉର୍ବଶୀ ଏବଂ ପନ୍ତଙ୍କ ମଧ୍ୟରେ କଥାବାର୍ତ୍ତା ସୋସିଆଲ ମିଡିଆରେ ସାମ୍ନାକୁ ଆସିଛି । ତାଙ୍କୁ ଦେଖି ସ୍ପଷ୍ଟ ଭାବରେ କୁହାଯାଇପାରେ ଯେ ଉର୍ବଶୀଙ୍କର ଏହି ଜନ୍ମଦିନର ଶୁଭେଚ୍ଛା କେବଳ ଋଷଭ ପନ୍ତଙ୍କ ପାଇଁ ଅଟେ ।