ହାଇଦ୍ରାବାଦ:ସଡକ ଦୁର୍ଘଟଣାର ଶିକାର ହୋଇଛନ୍ତି ଭାରତୀୟ କ୍ରିକେଟର ଋଷବ ପନ୍ତ । ଉତ୍ତରାଖଣ୍ଡ ରୁରକୀରେ ଦୁର୍ଘଟଣାର ଶିକାର ହୋଇ ଗୁରୁତର ଅବସ୍ଥାରେ ମ୍ୟାକ୍ସ ହସ୍ପିଟାଲରେ ଭର୍ତ୍ତି ହୋଇଛନ୍ତି ଋଷବ ପନ୍ତ । ଡାକ୍ତରଖାନାରେ ତାଙ୍କ ଚିକିତ୍ସା ଜାରି ରହିଥିବାବେଳେ ସୋସିଆଲ ମିଡିଆରେ ଋଷଭ ପନ୍ତଙ୍କ ପ୍ରଶଂସକମାନେ ତାଙ୍କ ଆଶୁ ଆରୋଗ୍ୟ ପାଇଁ ପ୍ରାର୍ଥନା କରୁଛ ନ୍ତି। ଏହି ସମୟରେ ବଲିଉଡ ଅଭିନେତ୍ରୀ ଉର୍ବଶୀ ରୌତେଲା ମଧ୍ୟ ତାଙ୍କ ନାଁ ନ ନେଇ ଋଷଭ ପନ୍ତଙ୍କ ପାଇଁ ପ୍ରାର୍ଥନା କରିବା ସହିତ ଅନ୍ୟମାନଙ୍କୁ ଆଶୁ ଆରୋଗ୍ୟ କାମନା କରିବାକୁ କହିଛନ୍ତି ।
ଶୁକ୍ରବାର ଦିନ ବଲିଉଡର ଅନ୍ୟତମ ସୁନ୍ଦର ଅଭିନେତ୍ରୀ ଉର୍ବଶୀ ରୌତେଲା ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ହ୍ୟାଣ୍ଡେଲରେ ଲାଟେଷ୍ଟ ଫଟୋ ସେୟାର କରିଛନ୍ତି । ଏହି ଫଟୋରେ ଆପଣ ଦେଖିପାରିବେ ଯେ ଉର୍ବଶୀଙ୍କ ଲୁକ୍ ବହୁତ ସୁନ୍ଦର ଦେଖାଯାଉଛି । କିନ୍ତୁ ଉର୍ବଶୀ ରୌତେଲାଙ୍କ ଏହି ଫଟୋଠାରୁ ଅଧିକ, ଆଲୋଚନାର ବିଷୟବସ୍ତୁ ଏଥିରେ ଥିବା କ୍ୟାପସନ୍ । ପ୍ରକୃତରେ ଉର୍ବଶୀ ରୌତେଲା ତାଙ୍କ ଏହି ନୂଆ ଫଟୋରେ କ୍ୟାପସନରେ ଲେଖିଛନ୍ତି - 'ପ୍ରାର୍ଥନା' (Praying)। ତାଙ୍କ କ୍ୟାପ୍ସନରେ ଧଳା ହୃଦୟର ଏକ ଇମୋଜି ବ୍ୟବହାର କରିଛନ୍ତି ଏବଂ ହ୍ୟାସଟ୍ୟାଗରେ LOVE ଲେଖିଛନ୍ତି । ଏଭଳି ସ୍ଥିତିରେ ଏବେ ସୋସିଆଲ ମିଡିଆରେ ଦାବି କରାଯାଉଛି ଯେ ଉର୍ବଶୀ ଇଶାରା ଇଶାରାରେ ଋଷଭ ପନ୍ତଙ୍କ ମଙ୍ଗଳ ପାଇଁ ପ୍ରାର୍ଥନା କରିଛନ୍ତି। ସମସ୍ତ ସୋସିଆଲ ମିଡିଆ ୟୁଜର୍ସ ଉର୍ବଶୀ ରୌତେଲାଙ୍କ ଏହି ନୂଆ ଫଟୋ ଉପରେ କମେଣ୍ଟ ଦେଉଛନ୍ତି ।