ମୁମ୍ବାଇ: ମ୍ୟାଚ୍ ଦେଖିବାକୁ ଆସି ଆଇଫୋନ ହଜାଇଲେ ବଲିଉଡ ଅଭିନେତ୍ରୀ ଉର୍ବଶୀ ରାଉତେଲା । ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଗତ ୧୪ ତାରିଖ ଦିନ ଭାରତ-ପାକିସ୍ତାନ ମ୍ୟାଚ୍ ଦେଖିବାକୁ ଅଭିନେତ୍ରୀ ଉର୍ବଶୀ ରାଉତେଲା ଆସିଥିଲେ । ଏହି ସମୟରେ ଅଭିନେତ୍ରୀଙ୍କ ସହ ଏକ ବଡ଼ ଘଟଣା ଘଟିଛି । ଅଭିନେତ୍ରୀଙ୍କ ଗୋଲ୍ଡ ପ୍ଲେଟେଡ ଆଇଫୋନ ଷ୍ଟାଡିୟମରେ ହଜିଯାଇଛି । ସାମାଜିକ ଗଣମାଧ୍ୟମ ଏକ୍ସ ମାଧ୍ୟମରେ ସେ ଏନେଇ ସମସ୍ତଙ୍କୁ ସୂଚନା ଦେଇଛନ୍ତି ।
ଅକ୍ଟୋବର 14 ଦେଶ ପାଇଁ ସେଲିବ୍ରେସନର ମାହୋଲ ଥିଲା । ICC ୱାର୍ଲ୍ଡ କପ୍ ମ୍ୟାଚରେ ପାକିସ୍ତାନକୁ 7 ୱିକେଟରେ ହରାଇ ବିଜୟ ହାସଲ କଲା ଭାରତ । ଏହି ମ୍ୟାଚ୍ ଅମହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଆୟୋଜିତ ହୋଇଥିଲା । ତେବେ ମ୍ୟାଚ୍ ଦେଖିବାକୁ ଉର୍ବଶୀ ନରେନ୍ଦ୍ର ମୋଦି ଷ୍ଟାଡିୟମରେ ପହଞ୍ଚିଥିଲେ । ଆଉ ମ୍ୟାଚ ଦେଖିବା ସମୟରେ ଅଭିନେତ୍ରୀଙ୍କ ଆଇଫୋନ ହଜିଯାଇଥିଲା । ଏନେଇ ସେ ତାଙ୍କର ଗଣମାଧ୍ୟମରେ ସୂଚନା ଦେଇଛନ୍ତି । ଏଥିସହ ଫୋନ ଫେରି ପାଇବା ପାଇଁ ସେ ନେଟିଜେନ୍ସଙ୍କୁ ସୋସିଆଲ ମିଡିଆରେ ଅପିଲ କରିଛନ୍ତି । ତାଙ୍କର ଏହି ପୋଷ୍ଟ ଭାଇରାଲ ହେବାରେ ଲାଗିଛି ।