ଟଲିଉଡ ସୁପରଷ୍ଟାର ମହେଶ ବାବୁଙ୍କ ବାପା କୃଷ୍ଣାଙ୍କ ପରଲୋକ

ଟଲିଉଡ ସୁପରଷ୍ଟାର ମହେଶ ବାବୁଙ୍କ ବାପା ତଥା ଅଭିନେତା କୃଷ୍ଣାଙ୍କ ପରଲୋକ । ଅଧିକ ପଢନ୍ତୁ

ହାଇଦ୍ରାବାଦ:ତେଲୁଗୁ ସୁପରଷ୍ଟାର ମହେଶ ବାବୁଙ୍କ ବାପା ତଥା ଟଲିଉଡର ଜେମସ୍ ବଣ୍ଡ କୃଷ୍ଣାଙ୍କ ପରଲୋକ (Mahesh Babu's father Superstar Krishna Passes away) । ସ୍ବାସ୍ଥ୍ୟଗତ ସମସ୍ୟା କାରଣରୁ ମଙ୍ଗଳବାର ସକାଳେ ଟଲିଉଡର ଏହି ବର୍ଷୀୟାନ ଅଭିନେତା ଶେଷନିଶ୍ବାସ ତ୍ୟାଗ କରିଛନ୍ତି । ୨ ମାସ ତଳେ ମହେଶ ବାବୁ ନିଜ ମାଆଙ୍କୁ ହରାଇଥିଲେ । ରବିବାର ରାତିରେ ତାଙ୍କ ବାପା ହୃଦଘାତରେ ଶିକାର ହୋଇ ମେଡିକାଲରେ ଭର୍ତ୍ତି ହୋଇଥିଲେ । ଶେଷରେ ଆଜି ତାଙ୍କର ଦେହାନ୍ତ ହୋଇଥିବା ଖବର ମିଳିଛି । ତାଙ୍କର ବିୟୋଗ ଟଲିଉଡ ଜଗତରେ ଶୋକର ଛାୟା ଖେଳାଇ ଦେଇଛି ।

ସୂଚନା ମୁତାବକ, ରବିବାର ରାତି ୨ଟା ସମୟରେ ଅଭିନେତା କୃଷ୍ଣାଙ୍କୁ ହୃଦଘାତ ଆସିଥିଲା । ଏହାପରେ ତାଙ୍କୁ ତୁରନ୍ତ ହାଇଦ୍ରାବାଦ ଗାଚିବୋୱଲି ସ୍ଥିତ କଣ୍ଟିନେଣ୍ଟାଲ ହସ୍ପିଟାଲରେ ଭର୍ତ୍ତି କରାଯାଇଥିଲା । ଡାକ୍ତରମାନେ ତାଙ୍କୁ ଏମର୍ଜେନ୍ସି ୱାର୍ଡକୁ ନେଇଥିଲେ ଏବଂ ସିପିଆର ଦେଇଥିଲେ । ଏହାପରେ କୃଷ୍ଣାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା । ତାଙ୍କ ସ୍ବାସ୍ଥ୍ୟବସ୍ଥା ଗୁରୁତର ରହିଛି ଏବଂ ଭେଣ୍ଟିଲେଟରରେ ରଖାଯାଇଥିବାର ଡାକ୍ତର ସୂଚନା ଦେଇଥିଲେ ।