ହାଇଦ୍ରାବାଦ: ବଳିଉଡ ଅଭିନେତା ଅଜୟ ଦେବଗନଙ୍କ ଅଭିନୀତ ଫିଲ୍ମ 'ଭୋଲା'ର ଟ୍ରେଲର ଆଜି ରିଲିଜ ହୋଇଛି । ସୋସିଆଲ ମିଡିଆରେ ଏହାର ଟ୍ରେଲର ରିଲିଜ ହୋଇଛି । ଏଥିସହ ନିର୍ମାତାମାନେ ଫିଲ୍ମର ଏକ ରୋମାଣ୍ଟିକ୍ ଗୀତ 'ନଜର ଲଗ୍ ଜାୟେଗି' ମଧ୍ୟ ରିଲିଜ୍ ହୋଇଛି । ଏନେଇ ଅଜୟ ଦେବଗନ ନିଜ ଇନଷ୍ଟାଗ୍ରାମ ହ୍ୟାଣ୍ଡଲରେ ଫିଲ୍ମ ସହ ଗୀତର ଟ୍ରେଲର ମଧ୍ୟ ସେୟାର କରିଛନ୍ତି । ଯାହାକୁ ନେଇ ଫ୍ୟାନ୍ସ ଭଲ ପ୍ରତିକ୍ରିୟା ଦେବା ସହ ଫିଲ୍ମକୁ ନେଇ ଉତ୍ସାହିତ ଥିବା ଦେଖିବାକୁ ମିଳିଛି ।
ଲୋକେଶ କାନାଗରାଜଙ୍କ ଦ୍ବାରା ନିର୍ଦ୍ଦେଶିତ ଫିଲ୍ମ 'ଭୋଲା' ଏକ ଆକ୍ସନ ଥ୍ରୀଲର୍ସ ଫିଲ୍ମ ଅଟେ । ଏଥିସହ ଏହି ଚଳଚ୍ଚିତ୍ରଟି ଅଜୟ ଦେବଗନ୍ ଫିଲ୍ମସ୍, ଟି-ସିରିଜ୍ ଫିଲ୍ମସ୍, ରିଲାଏନ୍ସ ଏଣ୍ଟରଟେନମେଣ୍ଟ ଏବଂ ଡ୍ରିମ୍ ୱାରିଅର୍ ପିକ୍ଚର୍ସ ଦ୍ବାରା ନିର୍ମିତ ହୋଇଛି । ଏଥିରେ ଅଭିନେତ୍ରୀ ତବୁ ମଧ୍ୟ ଅଜୟ ଦେବଗନଙ୍କ ସହ ମୁଖ୍ୟ ଭୂମିକାରେ ନଜର ଆସିବେ । ତେବେ ଏହି ପିଲ୍ମ ଜଣେ ପୂର୍ବତନ ଦୋଷୀଙ୍କର କାହାଣୀ କହିଥାଏ ଯିଏ ଜେଲ୍ରୁ ମୁକୁଳିବା ପରେ ପ୍ରଥମ ଥର ପାଇଁ ତାଙ୍କ ଝିଅକୁ ଭେଟିବାକୁ ନିଷ୍ପତ୍ତି ନେଇଥାଏ ଏବଂ ଗୁରୁତର ଅବସ୍ଥାରେ ଫସି ରହିଥାଏ ।
ଏଥିସହ ନିର୍ମାତାମାନେ ଫିଲ୍ମର ଏକ ରୋମାଣ୍ଟିକ୍ ଗୀତ 'ନଜର ଲଗ୍ ଜାୟେଗି'କୁ ମଧ୍ୟ ରିଲିଜ୍ କରିଛନ୍ତି । ଏହି ଗୀତକୁ ଜାଭେଦ ଅଲି କଣ୍ଠଦାନ କରିଥିବା ବେଳେ ଇରଶାଦ କାମିଲ ଲେଖିଛନ୍ତି। ରବି ବସରୁ ଅଜୟ ଏବଂ ଅମାଲା ପାଲଙ୍କ ଉପରେ ଚିତ୍ରିତ ମେଲୋଡି ଟ୍ରାକ୍ ରଚନା କରିଛନ୍ତି । ଅମାଲ ଏବଂ ଅଜୟଙ୍କ ଚରିତ୍ର ପ୍ରେମରେ ପଡ଼ିଥିବା ଗୀତ ବିଷୟରେ ଅଜୟ କହିଛନ୍ତି, "ଏହି ଗୀତଟି ଫିଲ୍ମର ଭାବପ୍ରବଣତାକୁ ଦର୍ଶାଉଛି । ମୁଁ ଖୁସି ଯେ ଇରଶାଦଜୀ, ଜାଭେଦ ଅଲି ଏବଂ ରବି ବସରୁ ଏହାକୁ ଏତେ ସୁନ୍ଦର ଭାବରେ ଏକାଠି କରିଛନ୍ତି ।" ଅମାଲା ପାଲ୍ ଏବଂ ଅଜୟଙ୍କୁ ଦର୍ଶାଇ ଏହି ଗୀତ ଦର୍ଶକଙ୍କ ଆଗ୍ରହକୁ ବଢାଇବାକୁ ବାଧ୍ୟ, କାରଣ ଏଥିରେ ଅଜୟଙ୍କ ବିପକ୍ଷରେ ହିନ୍ଦୀ ଫିଲ୍ମରେ ଡେବ୍ୟୁ କରୁଥିବା ଅତି ଆକର୍ଷଣୀୟ ଅମାଲା ପାଲ୍ ରହିଛନ୍ତି । ଅଭିନେତ୍ରୀଙ୍କ ଚମତ୍କାର ହସ ଅଜୟଙ୍କୁ ପ୍ରେମ କରିବାକୁ ବାଧ୍ୟ କରୁଛି ।
ତାମିଲ ସ୍ମାଶ "କୈଥୀ"ର ସରକାରୀ ହିନ୍ଦୀ ସଂସ୍କରଣ ଫିଲ୍ମ ଭୋଲା ଯେଉଁଥିରେ ଅଜୟ ଓ ତବୁଙ୍କୁ ମୁଖ୍ୟ ଭୁମିକାରେ ଦେଖିବାକୁ ମିଳିବ, ଏଥିରେ ଅଜୟ ନିର୍ଦ୍ଦେଶନା ମଧ୍ୟ ଦେଇଛନ୍ତି । ଜଣେ ବ୍ୟକ୍ତି ଅନେକଗୁଡ଼ିଏ ଶତୃଙ୍କ ସହ କିଭଳି ସଂଘର୍ଶ କରୁଛି ତାହାକୁ ନେଇ ଫିଲ୍ମର କାହାଣୀ । ଜଣେ ଦୋଷୀ ଜେଲ୍ ସଜା କାଟିବା ପରେ ପ୍ରଥମ ଥର ପାଇଁ ତାଙ୍କ ଝିଅକୁ ଭେଟିବାକୁ ନିଷ୍ପତ୍ତି ନେଇଛନ୍ତି । ତେବେ ଏହି ସମୟରେ ତାଙ୍କୁ ଡ୍ରଗ୍ ମାଫିଆ ପୋଲିସ ସହ ସଂଘର୍ଶ କରିବାକୁ ପଡ଼ୁଥିବା ଫିଲ୍ମରେ ଦର୍ଶାଯାଇଛି । 2008 ରେ "U, Me aur Hum", 2016 ରେ "Shivaay" ଏବଂ 2022 ରେ "Runwav 34" ବ୍ୟତୀତ "ଭୋଲା" ଅଜୟଙ୍କ ଚତୁର୍ଥ ନିର୍ଦ୍ଦେଶିତ ଫିଲ୍ମ ଅଟେ । ମାର୍ଚ୍ଚ 30ରେ 'ଭୋଲା' ସିନେମା ହଲ୍ରେ ରିଲିଜ ହେବ ।
