ହାଇଦ୍ରାବାଦ: ଅଟଲିଙ୍କ ନିର୍ଦ୍ଦେଶିତ ଫିଲ୍ମ 'ଜବାନ' ବର୍ତ୍ତମାନ ସମଗ୍ର ବିଶ୍ୱ ବକ୍ସ ଅଫିସରେ ଧମାକା ସୃଷ୍ଟି କରୁଛି । ଏହା ହେଉଛି ଶାହରୁଖ ଖାନଙ୍କ ଚଳିତ ବର୍ଷର ଦ୍ୱିତୀୟ ଚଳଚ୍ଚିତ୍ର, ଯାହା ପ୍ରଥମ ଦିନରୁ ଲୋକଙ୍କ ମନ ଜିତୁଛି । ଏହି ଚଳଚ୍ଚିତ୍ରଟି ପ୍ରଥମେ ଜୁନ୍-2ରେ ରିଲିଜ୍ ହେବାର ଥିଲା, କିନ୍ତୁ ପରେ ନିର୍ମାତାମାନେ ତାରିଖ ଘୁଞ୍ଚାଇ ସେପ୍ଟେମ୍ବର 7ରେ ମୁକ୍ତିଲାଭ କରିଥିଲେ । ଜନ୍ମାଷ୍ଟମୀ ଅବସରରେ ଏହି ଫିଲ୍ମ ମୁକ୍ତିଲାଭ କରିଛି । ନିର୍ମାତାମାନେ କାହିଁକି ଏହି ତାରିଖରେ ଫିଲ୍ମ ରିଲିଜ କରିବାକୁ ଚିନ୍ତା କଲେ ତାହାର କାରଣ ପ୍ରକାଶ ପାଇଛି ।
ଫିଲ୍ମରେ ନାୟକ ସଠିକ୍ ଜିନିଷ ଏବ ଲୋକଙ୍କ ହକ୍ ପାଇଁ ଲଢାଇ କରୁଥିବା ଦର୍ଶାଯାଇଛି । ହିରୋର ଉଦ୍ଦେଶ୍ୟ ହେଉଛି ଦୁର୍ନୀତି ଦୂର କରିବା ଏବଂ ସରକାରଙ୍କୁ ଲୋକଙ୍କ କଲ୍ୟାଣ ପାଇଁ ଭଲ କାର୍ଯ୍ୟ କରାଇବା, ଯାହା ସେମାନେ ଆଜି ପର୍ଯ୍ୟନ୍ତ କରିନାହାନ୍ତି । ଏଥିପାଇଁ ସେ କିଛି ଅଲଗା ରାସ୍ତା ଆପଣାଇଥାନ୍ତି । ଫିଲ୍ମ ଶେଷରେ ଏକ ସୁନ୍ଦର ବାର୍ତ୍ତା ପ୍ରଦାନ କରାଯାଇଛି । ଏନେଇ ୟୁଜର୍ସମାନେ ଦାବି କରିଛନ୍ତି ଯେ ବକ୍ସ ଅଫିସରେ ଦମଦାର ବ୍ୟବସାୟ କରୁଥିବା ଫିଲ୍ମ 'ଜବାନ' ସହ ଜନ୍ମାଷ୍ଟମୀର ସଂଯୋଗ ରହିଛି । ଏଣୁ ଫିଲ୍ମକୁ ଜନ୍ମାଷ୍ଟମୀରେ ରିଲିଜ କରାଯାଇଛି ।
ଏହି କାରଣରୁ ଜନ୍ମାଷ୍ଟମୀରେ ରିଲିଜ ହେଲା ଫିଲ୍ମ 'ଜବାନ'