ହାଇଦ୍ରାବାଦ: ଟାଇଗର ଶ୍ରଫ୍ ତାଙ୍କର ନୂଆ ଚଳଚ୍ଚିତ୍ର ହିରୋପନ୍ତି 2 ର ପ୍ରମୋସନରେ ବ୍ୟସ୍ତ ଅଛନ୍ତି । ଟାଇଗର ତାଙ୍କ କୋ-ଷ୍ଟାର ତାରା ସୁତାରିଆଙ୍କ ସହ ମିଶି ଏହି ଚଳଚ୍ଚିତ୍ରର ପ୍ରମୋସନ କରୁଛନ୍ତି। ଟାଇଗର ଏବଂ ତାରା ବିଭିନ୍ନ ସ୍ଥାନକୁ ଯାଇ ଫିଲ୍ମର ପ୍ରମୋସନ କରୁଛନ୍ତି। କେବଳ ସେତିକି ନୁହେଁ, ତାଙ୍କ ପାଇଁ ପ୍ରଶଂସକ ବି ତାଙ୍କର ଦିଓ୍ବାନା ହୋଇଯାଇଛନ୍ତି। ବର୍ତ୍ତମାନ ପ୍ରମୋସନ ସମୟରେ ଏକ ଭିଡିଓ ଭାଇରାଲ ହେଉଛି । ଏହି ଭିଡିଓରେ ଟାଇଗର ପ୍ରଶଂସକଙ୍କ ମଧ୍ୟରେ ଠିଆ ହୋଇଥିବା ନଜର ଆସିଛନ୍ତି। ଜଣେ ଫ୍ୟାନ୍ ଟାଇଗରଙ୍କୁ ଦେଖିବା ପରେ ବେହୋସ୍ ହୋଇଯାଇଥିଲେ, ପରେ ସେ ଟାଇଗର ପାଖକୁ ଯାଇ ତାଙ୍କୁ ଆଲିଙ୍ଗନ କରିଥିଲେ । ଏହି ଭିଡିଓ ସୋଲିଆଲ ମିଡିଆରେ ଭାଇରାଲ ହେଉଛି।
ମୁମ୍ବାଇର ଏକ ଇଭେଣ୍ଟରେ ଟାଇଗର ଏବଂ ତାରା ସୂତାରିଆ ପ୍ରମୋସନ ପାଇଁ ଯାଇଥିଲେ। ଏହି ଇଭେଣ୍ଟରେ ଟାଇଗର ଶ୍ରଫଙ୍କର ଜଣେ ଯୁବତୀ ତାଙ୍କୁ ସାମ୍ନାରେ ଦେଖିବା ପରେ ବେହୋସ ହୋଇଗଲେ । ଏହା ପରେ ଇଭେଣ୍ଟର ଟିମର ସଦସ୍ୟ ତାଙ୍କୁ ପାଣି ପିଆଇଥିଲେ। ଏହି ସମୟରେ ଯୁବତୀ ଜଣକ ଟାଇଗର ଶ୍ରଫଙ୍କୁ ଭେଟିବାକୁ ଅନୁରୋଧ କରିଥିଲେ। ଯଦିଓ ବାଉନ୍ସରମାନେ ତାଙ୍କୁ ମନା କରିଥିଲେ, କିନ୍ତୁ ଟାଇଗର ତାଙ୍କୁ ମଞ୍ଚକୁ ଡାକିଥିଲେ । ଇଭେଣ୍ଟର ଟିମର ସଦସ୍ୟ ଯୁବତୀଙ୍କୁ ଧରି ଟାଇଗରଙ୍କ ପାଖକୁ ନେଇଥିଲେ । ଯେତେବେଳେ ଯୁବତୀ ଜଣକ ପାହାଚ ଚଢିଥିଲେ, ଟାଇଗର ତାଙ୍କ ହାତ ଧରିନେଇଥିଲେ। ଏହି ସମୟରେ ସେଠାରେ ଉପସ୍ଥିତ ଲୋକମାନେ ହୁଟିଙ୍ଗ ଆରମ୍ଭ କରିଦେଇଥିଲେ ଏବଂ ଟାଇଗର ଯୁବତୀଙ୍କୁ ଦୁଇଥର ଆଲିଙ୍ଗନ କରି ଟିକିଏ କଥା ହୋଇଥିଲେ । ଯୁବତୀ ଜଣକ ତାରା ସୁତାରିଆଙ୍କ ସହ ମଧ୍ୟ ହାତ ମିଳାଇଥିଲେ ।