ହାଇଦ୍ରାବାଦ:କଫି ୱିଥ କରଣ ସିଜନ ୮ର ପ୍ରଥମ ଏପିସୋଡ ରିଲିଜ ହୋଇଛି । ଏଥିରେ ବଲିଉଡ ଲୋକପ୍ରିୟ ଦମ୍ପତି ରଣଭୀର ସିଂ ଏବଂ ଦୀପିକା ପାଦୁକୋନ ନଜର ଆସିଛନ୍ତି । ଏହି ସମୟରେ ଦୀପିକା ରଣଭୀର ନିଜ ବ୍ୟକ୍ତିଗତ ଜୀବନୀର ଅନେକ ଖୁଲାସା କରଛନ୍ତି । ପ୍ରଥମ ଦେଖା ଠାରୁ ଆରମ୍ଭ କରି ବିବାହ ଜୀବନୀ କିପରି ରହିଛି । ତାହାର ସ୍ମୃତି ବଖାଣିଛନ୍ତି । ଦୀପିକାଙ୍କ ନେଇ କହିଥିବା ପ୍ରଥମ ଦେଖାର କାହାଣୀ ସେ ପୂର୍ବରୁ ଅନୁଷ୍କାଙ୍କ ପାଇଁ କହିଥିବା ଜଣାପଡିଛି । ଅନୁଷ୍କା ଏବଂ ରଣଭୀର ଏକ ପୁରୁଣା ଭିଡିଓ ଭାଇରାଲ ହୋଇଛି । ଯାହା ପରେ ଟ୍ରୋଲର ଶିକାର ହୋଇଛନ୍ତି ରଣଭୀର ।
ରଣଭୀର ସିଂ କଫି ୱିଥ କରଣ ଶୋ'ରେ କହିଥିଲେ ଯେ, ଦୀପିକାଙ୍କ ସହ ତାଙ୍କର ପ୍ରଥମ ସାକ୍ଷାତ ଭର୍ସୋଭା ସ୍ଥିତ ସଞ୍ଜୟ ଲୀଲା ବଂଶାଲୀଙ୍କ ଘରେ ହୋଇଥିଲା । ରଣଭୀର କହିଛନ୍ତି ଯେ ଯେତେବେଳେ ସେ ରାମ-ଲୀଲାଙ୍କ ସ୍କ୍ରିପ୍ଟ ପଢିବା ପାଇଁ ବଂଶାଲୀଙ୍କ ଘରକୁ ଯାଇଥିଲେ, ସେତେବେଳେ ସେ ଦୀପିକାଙ୍କୁ ହ୍ବାଇଟ ଆଉଟଫିଟରେ ଦେଖିଥିଲେ । ତେବେ ଭାଇରାଲ ହେଉଥିବା ଏକ ଭିଡିଓରେ ସମାନ ଶୋ'ରେ ସମାନ କଥା ଅନୁଷ୍କାଙ୍କ ପାଇଁ କହୁଥିବା ନଜର ଆସିଛନ୍ତି ।
ପୂର୍ବରୁ ରଣଭୀର ଅନୁଷ୍କାଙ୍କ ସହ କଫି ୱିଥ କରଣ ଶୋ' ସିଜନ ୩ରେ ନଜର ଆସିଥିଲେ । ସେହି ଏପିସୋଡର ଏକ ଛୋଟ ଭିଡିଓ ଏବେ ଭାଇରାଲ ହେବାରେ ଲାଗିଛି । ଭିଡିଓରେ ରଣଭୀର କହିଛନ୍ତି ଯେ ଅନୁଷ୍କାଙ୍କ ସହ ତାଙ୍କର ପ୍ରଥମ ସାକ୍ଷାତ ୟଶ ରାଜ ଫିଲ୍ମସ୍ ଅଫିସରେ ହୋଇଥିଲା । ଏହା ଭାଇରାଲ ପରେ ୟୁଜର୍ସ ରଣଭୀରଙ୍କୁ ଖୁବ ଟ୍ରୋଲ କରିଛନ୍ତି । ଭିଡିଓ ସେୟାର କରି ଜଣେ ୟୁଜର୍ସ ଲେଖିଛନ୍ତି, ରଣଭୀର ଭାଇ ଟିକିଓ ତ ସ୍କ୍ରିପ୍ଟ ପରିବର୍ତ୍ତନ କର । ଅନୁଷ୍କାଙ୍କ ଅଙ୍ଗଭଙ୍ଗୀ ଦେଖିଲେ ଲାଗୁଛି ଯେ, ଏହା ଫାଲତୁ କଥା ଅଟେ । ଆଉ ଜଣେ ୟୁଜର୍ସ ଲେଖିଛନ୍ତି, ରଣଭୀର ସିଂ ଆମ ଜେନେରେସନର ଷ୍ଟୋରୀ ରାଇଟର ଅଟନ୍ତି ।
ଏହା ମଧ୍ୟ ପଢନ୍ତୁ:୫ ବର୍ଷ ପରେ ଦୀପିକା-ରଣଭୀର ବିବାହର ଦେଖାଇଲେ ଝଲକ, ଏମିତି ଚାଲିଛି ବିବାହ ଜୀବନ
2011 ମସିହାରେ, ରଣଭୀର ଏବଂ ଅନୁଷ୍କା ଡେଟିଂ କରୁଥିବା ଶୁଣିବାକୁ ମିଳିଥିଲା ଏବଂ ତୃତୀୟ ସିଜନରେ କରଣଙ୍କ ସହ କଫିରେ ଏକାଠି ନଜର ଆସିଥିଲେ । ସେମାନେ ବ୍ୟାଣ୍ଡ ବାଜା ବାରାତ୍, ଲେଡିଜ୍ ବନାମ ରିକି ବାହଲ୍, ଏବଂ ଦିଲ୍ ଧଡକନେ ଦୋ ଭଳି ଚଳଚ୍ଚିତ୍ରରେ ଏକାଠି ଅଭିନୟ କରିଥିଲେ । ପ୍ରକାଶ ଥାଉକି, ଅନୁଷ୍କାଙ୍କ ସହ ସାକ୍ଷାତ ହେବାର ଏକ ବର୍ଷ ପରେ ରଣଭୀର ଦୀପିକାଙ୍କୁ ଡେଟ କରିବା ଆରମ୍ଭ କଲେ ଏବଂ ଗୋଲିୟୋଁ କି ରାସଲୀଲା ରାମ-ଲୀଲା ସମୟରେ ଉଭୟଙ୍କ ସମ୍ପର୍କ ନିବିଡ ହୋଇଥିଲା । ଶେଷରେ ଏହି ଦମ୍ପତି 2018ରେ ବିବାହ କରିଥିଲେ ।
