ମୁମ୍ବାଇ:ବହୁ ପ୍ରତୀକ୍ଷିତ ଶାହାରୁଖ ଖାନଙ୍କ ଅଭିନୀତ ଯବାନ ରିଲିଜ ପାଇଁ ଆଉ ମାତ୍ର କିଛି ଦିନ ବାକି ଅଛି । ପ୍ରିଭ୍ୟୁ ଏବଂ ଗୀତ ଦେଖିବା ପରେ ଫିଲ୍ମକୁ ନେଇ ଫ୍ୟାନ୍ସଙ୍କ ଉତ୍ସାହ ବଢିଯାଇଛି। ସୋସିଆଲ ମିଡିଆରେ ଫିଲ୍ମ ଜବାନକୁ ନେଇ ଟ୍ରେଣ୍ଡିଂ ମଧ୍ୟ ଦେଖିବାକୁ ମିଳିଛି । ତେବେ ପୂର୍ବରୁ ଫିଲ୍ମର ଅନେକ ପୋଷ୍ଟର ରିଲିଜ ହୋଇଥିବା ବେଳେ ବର୍ତ୍ତମାନ ଆଉ ଏକ ନୂଆ ପୋଷ୍ଟର ରିଲିଜ ହୋଇଛି । ଯେଉଁଥିରେ ଶାହାରୁଖ ଖାନଙ୍କ ଗୋଟିଏ କି 2ଟି ନୁହଁ ବରଂ 5ଟି ଲୁକରେ ଦେଖିବାକୁ ମିଳିଛି ।
ନିଜ ଇନ୍ଷ୍ଟାଗ୍ରାମରେ ଶାହାରୁଖ ଜବାନର ନୂଆ ପୋଷ୍ଟର ରିଲିଜ କରିଛନ୍ତି । ପୋଷ୍ଟର ସେୟାର କରି ସେ ଲେଖିଛନ୍ତି, “ଏହା ଆରମ୍ଭ । ନ୍ୟାୟର ଅନେକ ଚେହେରା। ଏଇଟା କେବଳ ତୀର ଅଟେ। ଢାଲ ଆସିବା ବାକି ଅଛି । ଏହା ଅନ୍ତଃ, ଭବିଷ୍ୟ ବାକି ଅଛି । ଏ ନିଜକୁ କିଛି ପଚାରୁଛି । ଏବେ ଜବାବ ଆହୁରି ବାକି ଅଛି । ପ୍ରତ୍ୟେକ ଚେହେରା ପଛରେ ଏକ ଉଦ୍ଦେଶ୍ୟ ରହିଥାଏ । କିନ୍ତୁ ଏହା କେବଳ ଆରମ୍ଭ ମାତ୍ର । ଏକ୍କା ଆସିବାକୁ ଅପେକ୍ଷା କର ।” ପୋଷ୍ଟରେ ଶାହାରୁଖଙ୍କ 5ଟି ଲୁକରେ ନଜର ଆସିଛନ୍ତି।
ତେବେ ଶାହାରୁଖ ପ୍ରଥମ ଥର ପାଇଁ ଏହି ଫିଲ୍ମରେ 5ଟି ଅବତାରରେ ନଜର ଆସିବେ। ଏଥିସହ ଏହି ଫିଲ୍ମରେ ଶାହାରୁଖ ଖାନଙ୍କ ସମେତ ସାଉଥ ଲୋକପ୍ରିୟ ଅଭିନେତ୍ରୀ ନୟନତାରା ଓ ବିଜୟ ସେତୁପତି ମୁଖ୍ୟ ଭୂମିକାରେ ନଜର ଆସିବେ । ଦୀପିକା ପାଦୁକୋନ ଏଥିରେ କେମିଓ ରୋଲରେ ନଜର ଆସିବେ । ଏହି ଫିଲ୍ମ ସହ ଅଟଲି, ବିଜୟ ସେଥୁପତି ଏବଂ ନୟନତାରାଙ୍କ ସହ ପ୍ରଥମ ଥର ପାଇଁ ଏକାଠି କାମ କରିଛନ୍ତି ଶାହାରୁଖ ।
ଏହା ମଧ୍ୟ ପଢନ୍ତୁ:ରିଲିଜ ପୂର୍ବରୁ ଜବାନର କ୍ରେଜ, ଆମେରିକାରେ ଆଡଭାନ୍ସ ବୁକିଂରେ ରେକର୍ଡ କଲାଣି ଫିଲ୍ମ
ନିର୍ମାତାମାନେ ଆକ୍ସନ୍ ଥ୍ରୀଲର ଫିଲ୍ମରୁ ପ୍ରଥମ ଗୀତ ଜିନ୍ଦା ବନ୍ଦା ପରେ ଦ୍ୱିତୀୟ ଗୀତ ଚଲେୟା ଲଞ୍ଚ୍ କରିଥିଲେ । ଜିନ୍ଦା ବନ୍ଦାରେ 100ରୁ ଅଧିକ ନୃତ୍ୟଶିଳ୍ପୀଙ୍କ ସହ ଶାହାରୁଖ ଦମଦାର ଡ୍ୟାନ୍ସ କରିଥିବା ବେଳେ ଚଲେୟାରେ ଶାହାରୁଖ ଏବଂ ନୟନତାରାଙ୍କ ଜବରଦସ୍ତ ଲଭ୍ କେମେଷ୍ଟ୍ରି ଦେଖିବାକୁ ମିଳିଛି । ଅନିରୁଦ୍ଧଙ୍କ ଦ୍ୱାରା ରଚିତ 'ଚଲେୟା' ଗୀତରେ ଅରିଜିତ ସିଂ ଏବଂ ଶିଳ୍ପା ରାଓ କଣ୍ଠଦାନ କରିଛନ୍ତି । ଏହି 2ଟି ଗୀତ ଫ୍ୟାନ୍ସ ବେଶ ପସନ୍ଦ କରିଛନ୍ତି । ତେବେ ଫିଲ୍ମକୁ ନେଇ ଉତ୍ସହାର ସହ ଅପେକ୍ଷା କରିଛନ୍ତି । ରେଡ୍ ଚିଲିସ୍ ଏଣ୍ଟରଟେନମେଣ୍ଟ ବ୍ୟାନରରେ ଜବାନ୍ ପ୍ରସ୍ତୁତ ହେଉଛି । ଯାହା ଅଟଲିଙ୍କ ଦ୍ୱାରା ନିର୍ଦ୍ଦେଶିତ, ଗୌରୀ ଖାନ ଏବଂ ଗୌରବ ବର୍ମାଙ୍କ ଦ୍ବାରା ସହ ପ୍ରଯୋଜିତ । ଏହି ଚଳଚ୍ଚିତ୍ରଟି ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ସେପ୍ଟେମ୍ବର 7ରେ ମୁକ୍ତିଲାଭ କରିବ ।
